Shakira

Shakira Isabel Mebarak Ripoll (laheë 2 Pèbruari 1977) nakeuh sidroe penyanyi, penuléh lagu, penari, aktris, ngon filantropis nibak Kolombia. Gopnyan meuceuhu that bak dunya musik Latin ngon pop modern, sampoe gopnyan geuturi seubagoe "Ratu Musik Latin."

Biografi

Shakira phôn meuceuhu ngon album Pies Descalzos (1995), saboh album nyang na lagu "Estoy Aquí" ngon "Pies Descalzos, Sueños Blancos", nyang peujeuet gopnyan bak garéh phôn tangga lagu Amerika Latin.^[1] Album Dónde Están los Ladrones? (1998) peukong meunan cit nan gopnyan di Amerika Latin.^[2] Album phôn gopnyan lam bahsa Inggréh, Laundry Service (2001), na lagu debut "Whenever, Wherever" nyang jiduek bak nomor sa di dunya, ngon lagu "Underneath Your Clothes", nyang peujeuet Shakira keu artis Amerika Seulatan phôn nyang meuhasé tamong bak pasar global.^[3]

Album gopnyan nyang na meucawoe gaya Spanyol Fijación Oral, Vol. 1 (2005) ngon album bahsa Inggréh Oral Fixation, Vol. 2 (2005) na lagu-lagu meuceuhu lageë "La Tortura" ngon "Hips Don't Lie," nyang nakeuh lagu phôn nibak sidroe inong Amerika Seulatan nyang jiduek bak nomor sa di tangga lagu Billboard Hot 100 Amerika Serikat.^[4] Album She Wolf (2009) geumuat bhah keubibasan ngon meucawoe musik elektropop,^[5] seuntara Sale el Sol (2010) geupeuhasé nibak rasa galak gopnyan keu musik Latin ngon na lagu "Waka Waka (This Time for Africa)," lagu ruseumi Piala Dunia 2010.^[6]^[7]

Album Shakira (2014) ngon El Dorado (2017) jipeuhasé lagu hits lageë "La La La" ngon "Chantaje." Album Las Mujeres Ya No Lloran (2024) geutuléh meuseubab peukara hudép gopnyan nyang ka meuchré ngon keunira keu késeuhatan mèntal, nyang na makna keu peukuat droe.^[8] Lheuheyan, Shakira geupeugot tur dunya nyang geubôh nan Las Mujeres Ya No Lloran World Tour (2025–2026), nyang meuhasé that ngon jipeuhasé pèng leubéh nibak 350 juta dolar.^[9]

Shakira nakeuh salah sidroe artis musik nyang paléng laku sepanyang masa, gopnyan ka geupeubloe leubéh nibak 95 juta rekaman di dunya.^[10]^[11] Gopnyan na le that lagu nyang jiduek bak nomor sa di Amerika Serikat ngon dunya, peuët boh Grammy Awards, ngon limong blaih boh Latin Grammy Awards.^[12]^[13] Shakira tamong lam dapta Forbes keu inong nyang na jumeulah upah paléng manyang bak dunya musik.^[14] Penampilan gopnyan bak acara halftime Super Bowl 2020 (ngon Jennifer Lopez) nakeuh salah saboh nyang paléng le geuteungon lam seujarah.^[15] Bak luwa musik, gopnyan geupeudong Yayasan Pies Descalzos keu peundidikan aneuk miët di Kolombia,^[16] geu-isi su Gazelle lam pilem Zootopia (2016) ngon sekuèl Zootopia 2 (2025),^[17] meunan cit geujeuet keu juri bak acara The Voice bak thon 2013 sampoe 2014.^[18] Gopnyan nakeuh sidroe nyang paléng le peungikôt bak media sosial, ngon leubéh nibak 90 juta peungikôt.^[19]

Diskografi

Album studio

Magia (1991)
Peligro (1993)
Pies Descalzos (1995)
Dónde Están los Ladrones? (1998)
Laundry Service (2001)
Fijación Oral, Vol. 1 (2005)
Oral Fixation, Vol. 2 (2005)
She Wolf (2009)
Sale el Sol (2010)
Shakira (2014)
El Dorado (2017)
Las Mujeres Ya No Lloran (2024)

Album Live

MTV Unplugged (2000)
Live & off the Record (2004)
Oral Fixation Tour (2007)
Live from Paris (2011)
Shakira in Concert: El Dorado World Tour (2019)
Anniversary: Oral Fixation (20th) and Pies Descalzos (30th) Live (2025)

Referensi

[1] “Pies descalzos” de Shakira cumplió 30 años: el disco que le abrió el camino por el dunya | TN

[2] '¿Dónde están los ladrones?', el éxito de Shakira que tiene una historia real en Bogotá

[3] Shakira Recalls Mammoth Crossover Moment as 'Laundry Service' Turns 20

[4] Shakira Insisted Label Add 'Hips Don't Lie' to Album

[5] 'Hips Don’t Lie' and 'Waka Waka': Top 10 Shakira pop songs that defined her global sound and chart dominance

[6] Shakira con su ‘Waka Waka’ destacó en exitoso concierto inaugural de ‘Sudáfrica 2010′ | Notas | BioBioChile

[7] Jazz news: Shakira Releases "Sale el Sol / The Sun Comes Out"

[8] La reconstrucción personal de Shakira en 'Las Mujeres Ya No Lloran', el álbum que marca su regreso

[9] Shakira Sets Record for Highest-Grossing Latin Tour of All Time

[10] Epson and Global Music Superstar Shakira Partner to Take Latin America by Storm | Epson US

[11] Shakira Is Billboard's First 'Latin Woman of the Year'

[12] Shakira | Artist | GRAMMY.com

[13] Shakira | Artist | LatinGRAMMY.com

[14] Shakira Mebarak

[15] J.Lo & Shakira Land Emmy Nods for Their Super Bowl Halftime Show & Other Nomination Highlights

[16] Shakira's New School Project: Changing Lives in Catatumbo -

[17] Shakira's 'Zoo' Song Gets Music Video Ahead Of 'Zootopia 2'

[18] Shakira to leave The Voice after just one season - Yahoo News UK

[19] Shakira, la reina de las redes sociales: 122 millones en Facebook y 94,1 millones en Instagram - Infobae

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]