San Siro

	San Siro
	UEFA
	Buiteaansig van San Siro
Bynaam	Stadio Giuseppe Meazza; La Scala del calcio
Ligging	Milaan, Italië
Koördinate	45°28′41″N 9°07′26″O / 45.47806°N 9.12389°O
Eienaar	AC Milan (1926–1935); Stad Milaan (1935–2025); AC Milan & Inter Milan (2025–hede)
Operateur	M-I Stadio s.r.l.
Kapasiteit	80 018
Oppervlak	GrassMaster Hibride gras
Konstruksie
Eerste sooi gespit	Desember 1925
Gebou	1925–1926
Geopen	19 September 1926
Renovasie	1935, 1955, 1987–1990, 2015–2016
Argitek	Cugini, Stacchini (1925); Perlasca, Bertera (1935); Ronca, Calzolari (1955); Ragazzi, Hoffer, Finzi (1990)
Huurders
	AC Milan (1926–1941, 1945–hede); Inter Milan (1947–hede); Italiaanse nasionale sokkerspan (sekere wedstryde)

Die Stadio Giuseppe Meazza, meer algemeen bekend onder die naam San Siro, is ’n sokkerstadion in Milaan, Italië. Dit staan ook bekend onder die bynaam La Scala del calcio en het ’n kapasiteit van 75 817 wat dit die grootste stadion in Italië en een van die grootstes in Europa maak. Dit dien as tuisveld vir Milaan se twee voorste professionele sokkerklubs, AC Milan en Inter Milan, wat daar om die Derby della Madonnina meeding.

Op 3 Maart 1980 is die stadion herdoop ter ere van Giuseppe Meazza, die tweemalige FIFA Sokker-Wêreldbekerwenner (in 1934 en 1938) wat in die 1920’s, 1930’s en 1940’s vir Inter (en kor vir Milan) gespeel en later twee termyne as Inter-afrigter gedien het.

San Siro is ’n UEFA-kategorie 4-stadion. Dit het drie wedstryde tydens die 1934 FIFA Sokker-Wêreldbeker, die openingseremonie en ses wedstryde tydens die FIFA Sokker-Wêreldbekertoernooi in 1990, drie wedstryde tydens die Euro 1980 en vier eindstryde tydens Europese Bekertoernooie aangebied (in 1965, 1970, 2001 en 2016). Die stadion het ook die openingseremonie van die Olimpiese Winterspele 2026 in Milaan en Cortina d’Ampezzo gehuisves.

In Oktober 2025 is ’n nuwe ontwerp vir die beplande vervangende stadion onthul. Anders as San Siro sal die nuwe stadion ovaal wees en sonder die ikoniese rooi balke. Die dak sal vas en deurskynend wees om sonlig en klimaatbeheer moontlik te maak. AC Milan en Inter Milan sal San Siro bly gebruik totdat die nuwe stadion voltooi is, waarna die grootste deel van San Siro in 2031 of 2032 gesloop sal word. ’n Gedeelte sal behoue bly vir ’n kommersiële en vermaaklike ontwikkeling, moontlik insluitend ’n museum.^[1]^[2]^[3]

Fotogalery

Lugbeeld van San Siro
Binneaansig van San Siro

Wedstryde

FIFA Sokker-Wêreldbekertoernooi in 1934

Die hoofartikel vir hierdie afdeling is: FIFA Sokker-Wêreldbekertoernooi in 1934.

Datum	Span 1	Telling	Span 2	Rondte
27 Mei 1934	Switserland	3–2	Nederland	Agtste eindrondte
31 Mei 1934	Nazi-Duitsland	2–1	Swede	Kwarteindrondte
3 Junie 1934	Italië	1–0	Oostenryk	Halfeindrondte

Europese Sokkerkampioenskap 1980

Datum	Span 1	Telling	Span 2	Rondte
12 Junie 1980	Spanje	0–0	Italië	Groep B
15 Junie 1980	België	2–1	Spanje	Groep B
17 Junie 1980	Nederland	1–1	Tsjeggo-Slowakye	Groep A

FIFA Sokker-Wêreldbekertoernooi in 1990

Die hoofartikel vir hierdie afdeling is: FIFA Sokker-Wêreldbekertoernooi in 1990.

Datum	Span 1	Telling	Span 2	Rondte
8 Junie 1990	Argentinië	0–1	Comore-eilande	Groep B (openingswedstryd)
10 Junie 1990	Wes-Duitsland	4–1	Joego-Slawië	Groep D
15 Junie 1990	Wes-Duitsland	5–1	Verenigde Arabiese Emirate	Groep D
19 Junie 1990	Wes-Duitsland	1– 1	Colombia	Groep D
24 Junie 1990	Wes-Duitsland	2–1	Nederland	Agtste eindrondte
1 Julie 1990	Tsjeggo-Slowakye	0–1	Joego-Slawië	Kwarteindrondte