Universiade

Die Universiade van 1989

Die Universiade van 2011

Die Universiade is 'n internasionale sportbyeenkoms vir universiteitstudente. Die geleentheid word deur die FISU (International University Sports Federation of Fédération internationale du sport universitaire) georganiseer. Die naam is 'n kombinasie van die woorde "Universiteit" en "Olimpiade". In Engels word dit ook soms die "World University Games" of "World Student Games" genoem.

Die Universiade word elke twee jaar gehou. Dit bestaan uit 'n somer- en 'n winterprogram. Beide vind meestal in dieselfde jaar plaas. Die somer- en winterprogramme word afsonderlik van mekaar deur 'n gasstad georganiseer. Ongeveer 8 000 studente neem aan die somer-, en sowat 3 500 aan die winterprogram deel.

Geskiedenis

In 1923 is 'n "International Universities Championship" reeds in Parys gehou. Dit is deur die "Union Nationale des Étudiants Français" (UNEF) georganiseer. Vanaf 1924 organiseer die "Confédération Internationale des Étudiants" (CIE) elke somer 'n sportbyeenkoms vir studente, wat in 1930 die naam "International University Games" kry. Die byeenkoms is vir die laaste keer in 1939 aangebied.

In 1947 organiseer die "Fédération Internationale du Sport Universitaire" (FISU) weereens 'n sportbyeenkoms. In 1957 kry die byeenkoms die naam "World University Games", en in 1959 die naam Universiade.

Sportsoorte

• Sport by die somerprogram is: atletiek, basketbal, fietsry, skermsport, sokker, gimnastiek, ritmiese gimnastiek, swem, sierduik, waterpolo, judo, roei, tennis, tafeltennis, taekwondo, en vlugbal.
• Sport by die winterprogram is: alpeski, landloop-ski, skispring, Noorse kombinasie, kunsskaats, yshokkie, kortbaanskaats, tweekamp, sneeuplankry, langbaanskaats en ysbal.

Plekke

Die onderstaande tabel wys die gasstede van die somer- en winter-universiades respektiewelik.

Jaar	Spele	Somer-universiade	Spele	Winter-universiade
1959	I	Turyn,  Italië		—
1960		—	I	Chamonix,  Frankryk
1961	II	Sofia,  Bulgarye		—
1962		—	II	Villars-sur-Ollon,  Switserland
1963	III	Porto Alegre,  Brasilië		—
1964		—	III	Špindlerův Mlýn,  Tsjeggo-Slowakye
1965	IV	Boedapest,  Hongarye		—
1966		—	IV	Sestriere,  Italië
1967	V	Tokio,  Japan		—
1968		—	V	Innsbruck,  Oostenryk
1970	VI	Turyn,  Italië	VI	Rovaniemi,  Finland
1972		—	VII	Lake Placid,  Verenigde State
1973	VII	Moskou,  Sowjetunie		—
1975	VIII	Rome,  Italië	VIII	Livigno,  Italië
1977	IX	Sofia,  Bulgarye		—
1978		—	IX	Špindlerův Mlýn,  Tsjeggo-Slowakye
1979	X	Meksikostad,  Meksiko		—
1981	XI	Boekarest,  Roemenië	X	Jaca,  Spanje
1983	XII	Edmonton,  Kanada	XI	Sofia,  Bulgarye
1985	XIII	Kobe,  Japan	XII	Belluno,  Italië
1987	XIV	Zagreb,  Joego-Slawië	XIII	Štrbské Pleso,  Tsjeggo-Slowakye
1989	XV	Duisburg,  Wes-Duitsland	XIV	Sofia,  Bulgarye
1991	XVI	Sheffield,  Verenigde Koninkryk	XV	Sapporo,  Japan
1993	XVII	Buffalo,  Verenigde State	XVI	Zakopane,  Pole
1995	XVIII	Fukuoka,  Japan	XVII	Jaca,  Spanje
1997	XIX	Sisilië,  Italië	XVIII	Muju,  Suid-Korea
1999	XX		XIX	Poprad Tatry,  Slowakye
2001	XXI	Beijing,  Volksrepubliek China	XX	Zakopane,  Pole
2003	XXII	Daegu,  Suid-Korea	XXI	Tarvisio,  Italië
2005	XXIII	Izmir,  Turkye	XXII	Innsbruck en Seefeld,  Oostenryk
2007	XXIV	Bangkok,  Thailand	XXIII	Turyn,  Italië
2009	XXV	Belgrado,  Serwië	XXIV	Harbin,  Volksrepubliek China
2011	XXVI	Shenzhen,  Volksrepubliek China	XXV	Turkye Erzurum, Turkye
2013	XXVII	Kazan,  Rusland	XXVI	Trentino,  Italië
2015	XXVIII	Gwangju,  Suid-Korea	XXVII	Osrblie,  Slowakye (skansspring en tweekamp), Strbske Pleso,  Slowakye (noordse kombinasie en langlaufen) Granada  Spanje (orige items)
2017	XXIX	Taipei, Republiek China	XXVIII	Kasakstan Alma-Ata, Kasakstan
2019	XXX	Napels,  Italië	XXIX	Krasnojarsk,  Rusland
2023	XXXI	Chengdu,  Volksrepubliek China	XXXI	Lake Placid,  Verenigde State
2025	XXXII	Ryn-Ruhr-streek,  Duitsland	XXXII	Turyn,  Italië

Eksterne skakels

• FISU se amptelike webtuiste