Blumenau

Blumenau
Ciudat de Brasil
País  • Rechión  • Estau	Brasil Rechión Sud de Brasil Santa Catarina
Superficie	519.837 km²
Población  • Total	361 261 hab. (2022)
Altaria  • Meyana	21 y 29 m.
Idioma	Portugués, alemán
Codigo postal	89000-000
Chentilicio	blumenauense (en portugués)
Fiestas	Oktoberfest Festitália
Coordenadas	26°55’ 8’’S49° 3’56’’U
Blumenau Blumenau en Brasil
Web oficial

Blumenau ye una ciudat d'o estau de Santa Catarina en Brasil, estando uno d'os prencipals centros economicos d'o estau y d'a rechión Sud de Brasil.

Etimolochía

O toponimo provién de l'apelliu d'o fundador d’a ciudat, Hermann Bruno Otto Blumenau. O suyo apelliu, "Blumenau", se composa de dos palabras d'a lengua alemana: Blumen (flors) y Au (pradería u zona humida amán d'un río).

Historia

Blumenau en o periodo colonial (1800−1850)

Mientres o periodo colonial, a rechión estió poblada principalment per inmigrants alemans que i arriboron ta establir-ie colonias agricolas.

En ixos primers anyos, a vida en Blumenau yera dura. Os colonos teneban que curtar a selva, construyir casas y preparar a tierra ta lo suyo cautivo. A economía se basaba en l'agricultura de subsistencia, con produtos como lo panizo, lo trigo y la canya de zucre ta l'obtención de zucre. Tamién s'introducioron tecnicas europeas de cautivo y de construccion.

Colonización chermanica (1850−1890)

Desembarque dos 17 imigrantes alemães em Blumenau – Guilherme Hermann Kurt, c. 1890

Blumenau la fundó lo 2 de setiembre de 1850 Hermann Bruno Otto Blumenau, un filosofo y farmaceutico d'orichen alemán que plegó enta l'Imperio d'o Brasil con a ideya de creyar-ie una colonia agricola. O lugar, situau en a val d'o río Itajaí-Açu, l'esleyó por a suya fertilidat y por estar poco poblau en ixas envueltas.

En os suyos primers anyos, a colonia padeixió muitas dificultaz: aislamiento, falta d'infrastructura y conflictos con os pobladors indichenas, pero poquet a poquet i plegoron mas immigrants alemáns y d'atros países europeus, como italianos u polacos, en refortindo lo creiximiento d'a ciudat.

Entre as figuras más destacadas d’ixe periodo, se puede mencionar Hermann Blumenau, Friedrich Wilhelm Busch, Bruno y Wilhelm Hering, Heinrich Probst, Peter Christian Feddersen, Fritz Müller, Heinrich Carl, Theodor Hinsching, August Friedrich Fiedler, Hermann Wendeburg e Wilhelm Holstein.

Sieglos XX y XXI

A cultura alemana marcó amplament a identidat de Blumenau. Isto s'evidencia en a suya arquitectura (casas en estilo enxaimel, a forma local d'o entramau), en a gastronomía y en as tradicions. Un d'os eventos mas conoixius ye l'Oktoberfest de Blumenau, creyada en 1984 ta promover a cultura alemana y reactivar a economía dimpués d'una gran inundación.

Mientres o sieglo XX, Blumenau se convertió en un important centro industrial, mas que mas d'industria textil. Hue ye una d'as ciudaz mas prosperas d'o estau de Santa Catarina y mantién vivo lo suyo herencio cultural europeu, combinau con a diversidat brasilera.

Cheografía

Spitzkopf

A cheografía d'e Blumenau ye marcada por o suyo relieu ondulau, en estar situada en a val d’o río Itajaí-Açu, en o estau de Santa Catarina, Brasil.

A ciudat se troba en una rechión de sierra baixa, con montanyas y empantas cubiertas per selva atlántica. O suyo clima ye subtropical humido, con veranos calorosos y hibiernos suaus, y con precipitacions abondants mientres tot l'anyo.

O río Itajaí-Açu ye l'elemento hidrográfico principal y tien gran importancia historica y economica, encara que tamién puede provocar inundacions en epocas de pluyas intensas.

A ciudat se caracteriza per o suyo releieu accidentau, con vals y pueyos, vechetación densa de selva atlantica, amplos cursos d'augua y clima humido y pluyoso.

Politica

A bandera, uno d'os simbolos nacionals de Blumenau

O escudo, uno d'os simbolos nacionals de Blumenau

A politica de Blumenau sigue lo modelo cheneral d'as ciudaz de Brasil, con un sistema de democracia representativa a livel municipal.

O gubierno local ye encabezau por un alcalde (prefeito), que ye esleyiu por voto popular ta un mandato de cuatro anyos, estando l'actual alcalde Egidio Ferrari, d'o Partido Liberal. Iste alcalde ye responsable de l'administración d'a ciudat, incluyindo-ie los servicios publicos, a planificación urbana y las politicas locals.

A lo canto de l'alcalde, bi ha una camara municipal formada por concellers (vereadores), que tamién son esleyius por a población. A suya función prencipal ye d'elaborar y aprobar leis municipals, amás de supervisar as accions d'o poder executivo.

Como en a resta d'o país, o sistema politico de Blumenau ye pluripartidista, con presencia de cuantos partius politicos que compiten en as eleccions. A participación ciudadana se fa a traviés d'o voto y d'atras formas de organización social.

Mientres a suya historia, a politica local ha estau influyenciada tanto por l'herencio cultural alemán como por as dinamicas economicas d'a rechión, especialmente os sectors industrial y comercial. Isto ha contribuyiu a configurar una administración orientada enta lo desenrollo economico y a calidad de vida d'os suyos habitants.

Localidaz achirmanadas

• Campinas.
• Petrópolis.
• Bariloche.
• Osorno.
• Macapá.
• Posadas.
• Badajoz.
• Weingarten.
• Oxapampa.

Cultura

Oktoberfest de Blumenau en 2011.

A cultura de Blumenau ye una mezcla singular de tradicions europeas, sobre tot alemanas, con elementos brasileros.

Dende la suya fundación por immigrants alemans en o sieglo XIX, a ciudat ha manteniu muitas costumbres d'iste orichen. Isto se puede veyer clarament en l'arquitectura, con casas en estilo enxaimel, que fan remerar a las ciudaz tradicionals d’Alemanya.

En a gastronomía, destacan platos tipicos alemans adaptaus a los ingredienes locals, como embutius, chucrut y biera artesanal. As fiestas tamién son una parte fundamental d'a vida cultural. A mas famosa ye l'Oktoberfest de Blumenau, una d'as celebracions mas importants d'ista mena fuera d'Alemanya, con musica, bailes y muita biera.

A luengua alemana y os suyos dialectos han teniu una gran influencia en a rechión, y encara hue se pueden trobar comunidaz que los conservan, amás d'o portugués.

Tamién bi ha una rica vida artistica y musical, con bandas, corals y grupos de danza folklorica que mantienen vivas as tradicions europeas. Tot ixo fa que Blumenau siga conoixida como un d'os centros culturals mas destacaus d'o sud de Brasil.

Vinclos externos

• Se veigan as imáchens de Commons sobre Blumenau.
• (pt) Blumenau.sc.gov.br.

• Datos: Q155557
• Multimedia: Blumenau / Q155557