The Holdovers

The Holdovers
Títol	The Holdovers
Póster d'a cinta.
Ficha tecnica
Dirección	Alexander Payne
Dirección artistica	Jeremy Woolsey
Producción	Mark Johnson Bill Block David Hemingson
Disenyo de producción	Ryan Warren Smith
Guión orichinal	David Hemingson
Musica	Mark Orton
Fotografía	Eigil Bryld
Montache	Kevin Tent
Escenografía	Markus Wittmann
Vestuario	Wendy Chuck
Maquillache	Tom Denier Jr. Scott Hersh Donyale McRae Sarah Rubano
Peluquería	Shannon Bakeman Jennifer Douglas Michael White
Efectos especials	Adam Bellao Tommy Carroll Ryan Hull Jonathan Langeveld Chas Tewksbury Robert Thibodeau Preston Treadwell Harrison Wayne
Casting	Susan Shopmaker
Actors	Paul Giamatti Dominic Sessa Da'Vine Joy Randolph Carrie Preston Brady Hepner Ian Dolley Jim Kaplan Michael Provost Andrew Garman Stephen Thorne Gillian Vigman Tate Donovan Naheem Garcia Darby Lily Lee-Stack Kelly AuCoin Colleen Clinton
Datos y cifras
País(es)	Estaus Unius
Anyo	2023
Estreno	31 d'agosto de 2023 Festival de Cine de Telluride (Telluride, Colorado, Estaus Unius)
Chenero(s)	Cine de comedia Cine de drama
Durada	133 min.
Idioma(s)	Anglés
Companyías
Productora(s)	Miramax Gran Via Productions
Distribución	Focus Features
Presupuesto	13 millons de dólars
Recauto	45,7 millons de dólars
Informacions en bases de datos especializadas:

The Holdovers (títol orichinal en anglés, en aragonés Os repuis, estrenada en Aragón con o títol en castellano de Los que se quedan, en aragonés Os que remanien) ye una cinta de cine de comedia dramatico de cine estausunidense estrenada l'anyo 2023, dirichida por Alexander Payne seguntes un guión orichinal de David Hemingson, una dirección de fotografía d'Eigil Bryld, una producción cinematografica de Mark Johnson, Bill Block y David Hemingson ta las productoras Miramax y Gran Via Productions y un elenco d'o cual en fan parte, entre d'atros actors, Paul Giamatti, Dominic Sessa, Da'Vine Joy Randolph, Carrie Preston, Brady Hepner, Ian Dolley, Jim Kaplan, Michael Provost, Andrew Garman, Stephen Thorne, Gillian Vigman, Tate Donovan, Naheem Garcia, Darby Lily Lee-Stack, Kelly AuCoin y Colleen Clinton.

Paul Hunham ye profesor en l'Academia Barton en aviento de 1970. Ye un internau masculino en bel lugar de Nueva Anglaterra, a on Hunham no ye masiau apreciau por as suyas estrictas califcacions, ni por alumnos ni por atros profesors ni por a dirección de l'academia. De feito, Woodrup, o director (y antigo alumno de l'Academia), l'arrenye por haber puesto notas baixas a un alumno fillo d'un important donant d'o centro a qui como consecuencis d'a baixa calificación li han refusau a matricla en a Universidat Princeton. Woodrup decide que lo millor castigo ta Hunham ye obligar-lo a cudiar mientres o Nadal a un chicot grupo d'alumnos que por diferents motivos no marchan ta pasar as vacacions con a suya familia. Un d'ixos alumnos ye Angus Tully, porque su mai ha cancelau un viache previsto enta una isla d'a mar Caribe porque s'acaba de tornar a casar y fa lo viache d'o pan d'a voda. Tamién remanie Mary Lamb, qui leva la cafetería d'o centro, y que ha perdiu fa poquez días a su fillo sn a guerra de Vietnam, a on i ha teniu que ir en no poder pagar a matricla d'a universidat en rematar os estudios en l'Academia, a on yera estudiant. Hunham obliga a los cinco estudiants a fer exercicio y a estudiar ixos días, i ixo chenera malestar entre éls. A lo sexrto día i plega lo pai d'un d'éls en un helicoptero y proposa levar con él a los cinco estudiants a un viache a la nieu, pero s'amenista lo permiso d'os pais de cadagún d'éls, cosa que consiguen toz menos Angus, en estar imposible contactar con su mai. Angus preba de marchar d'o lugar sin permiso y Hunham li lo impide, y Angus como reacción dentra en o chimnasio, dislocando-se un huembro. Hunham lo leva enta l'hespital pero ta evitar-li problemas, Angus miente sobre cómo s'ha lesionau y ixo fa que prencipien a contactar mas l'uno con l'atro. En o restaurant a on van a minchar troban a Lydia Crane, l'aduyant de Woodrup, y Hunham y ella coquetian, y la muller remata envidando-los a una fiesta en a suya casa en a nueit de Nadal, a on tamién han envidau a Lamb. En a fiesta, Angus se besa con a filla de Lydia, Hunham conoix que Lydia tien novio, y Lamb s'enferia por una crisi emocional por a muerte de su fillo, y Hunham decide que han de tornar enta l'Academia. Mary Lamb a lo día siguient convence a Hunham ta que leve a Angus d'excursión enta Boston, y i pasan un día, concheniando encara una mica mas. Angus confiesa que quiere visitar a su verdadero pai, de qui su mai s'ha esvurciau en estar zarrau en una institución psiquiatrica. Hunham, Angus, Mary y Danny (un conserche) pasan chuntos a nueit de cabo d'anyo. Pero o problema apareixe en chinero, cuan tornan toz en as clases, porque apareixe la mai d'Angus con o suyo nuevo mariu queixando-se d'os problemas causaus por a visita d'Angus a su pai, y que han decidiu ninviar a lo choven enta una academia militar a on li ensenyarán una disciplina encara mas estricta. Ta evitar-lo, Hunham afirma publicament que la ideya ha estau d'él, encara que sabe que ixo li costará lo suyo treballo.

A cinta s'ambienta en 1970 y 1971 en Boston (Massachusetts) y bel atro puesto indeterminau de Nueva Anglaterra, y las suyas escenas se filmoron en Boston, Cambridge, Clinton, Deerfield, Fairhaven, Gill, Groton, Shelburne Falls, Somerville, Southborough, Wakefield, Waltham y Worcester (Massachusetts).

Se tracta d'una cinta que ha recibiu cuantismos premios y nominacions, en destacando un Premio Oscar a la Millor Actriz Segundaria y atras cuatre nominacions (Millor Cinta, Millor Actor, Millor Guión Orichinal y Millor Montache) en 2024 mientres a 96^ena edición d'os Premios Oscar; dos Premios BAFTA (Millor Actriz Segundaria y Millor Casting) y atras cinco nominacions (Millor Cinta, Millor Director, Millor Guión Orichinal, Millor Actor, y Millor Actor Segundario) tamién en 2024, mientres a suya 77^ena edición; y dos Premios Globos d'Oro (Millor Actor de Musical u Comedia y Millor Actriz Segundaria) y una noinación a lo Premio Globo d'Oro a la Millor Cinta de Musical u Comedia ixe mesmo anyo 2024 mientres a 81^ena edición d'os Premios Globos d'Oro.

Elenco

Actor	Papel	Notas
	'

Se veiga tamién

• Cine en 2023.
• Cintas de 2023.

Vinclos externos

• Se veigan as imáchens de Commons sobre The Holdovers.
• (en) The Holdovers en Internet Movie Database.

• Datos: Q112114745
• Multimedia: The Holdovers / Q112114745