Karl Marx
| Karl Marx Karl Marx | |
|---|---|
 Karl Marx v 1875 roku | |
| Biografija | |
| Rodil se: | 5 maja 1818 Трир (Trier)Trier, Prusija |
| Umrl: | 14 marca 1883 (64 roka) London, Anglija |
| Status: | Apatrid (bez gradžanstva) |
| Alma-mater: |
|
| Akademična dějatelnost | |
| Oblast: | Ekonomist, filozof, sociolog, revolucioner |
| Škola: | Marksizm |
| Věra: | Ateizm |
| Značime ideje | |
| |
| Vlivanje | |
| Okazali: | Hegel, Štirner, FeuerbachФојербах, Adam SmithАдам Смит |
| Podpis | |
 | |
Karl Marx (нєм.: Karl Marx; 5 maja 1818 – 14 marca 1883) němečsky filozof, sociolog, ekonomist, pisatelj, žurnalist i revoluciony socialist.
Jego najvyše znamenite raboty sut "Manifest Komunističnoj partije" (1848 rok; v soavtorstvu s Friedrichom EngelsomФридрихом Енгелсом) i "Kapital" (1867–1894), ktory jest kritikoju političnoj ekonomije, ktoru koristaje jego teorija historičnogo materializma v hodu analizy kapitalizma. Politična i filozofska myslj Marxa okazala ogromny vliv na vslědnu intelektualnu, ekonomičnu i političnu historiju.
Kritika Marxom historije, spoločenstva i političnoj ekonomije utvrdžaje, že ljudske spoločenstva razvivajut se črěz etapy klasovogo konflikta. Pri kapitalističnom sposobu proizvodstva to projavjaje se v konfliktu medžu vlastnymi klasami (buržuazija), ktore kontrolujut srědstva proizvodstva, i rabotnymi klasami (proletariat), ktore zapezpečajut tute srědstva, prodavajuče svoju rabotny silu za zaplatu. Každy iz etapov javjaje se historičnym, to je voznikaje, razvivaje se i iznikaje s časom pri oprěděljenyh kondicijah. Kapitalizm, kako i druge socialno-ekonomične sistemy, sodrživaje vnutrene protivorečnosti, ktore privedut jego črěz proletarsku revoluciju k zaměně novoju sistemoju - bezklasovym komunističnym spoločenstvom.
Marx urodil se v Trirě, Kraljevstvo Prusija, učil se v universitetah Bonna, Berlina i Ěnny, v poslědnjem on polučal doktorat v 1841 godu. Za vlastne politične publikacije s poklikami svrgnuti prusku monarhiju Marx byl prinuždeny ostaviti Němciju v 1843 godu.
