Engkanto (Elf)
An Elf o Engkanto ha lengguwahe nga Filipino ngan ha Waray, amo an tawag ha usa nga klase hin humanoid nga sobrenatural nga nilalang ha Germanic nga folklore. An mga engkanto labi nga nasisiring ha Norte nga Germanic nga mitolohiya, diin hira gin-uunabi ha Icelandic Poetic Edda ngan ha Prose Edda.Ha panahon han medyebal nga mga kultura nga naggagamit han Germanic nga yinaknan, an mga engkanto gin-iisip nga may gahum hin mahika ngan sobra nga kapuruhan. Waray hira klaro nga kabaraka ha mga ordinaryo nga tawo pwede hira magbulig o magdaot ha ira. An mga tuohan mahitungod ha engkanto nagkakadirudilain depende han lugar ngan panahon, ngan nag-uswag ini nga mga paniniwala ha duha nga kultura—antes han Kristyanismo ngan ha Kristyano nga panahon.[1]
An pulong nga "elf" makita ha ngatanan nga Germanic nga mga yinaknan. Sigun ha mga eksperto, an orihinal nga kahulogan hini amo an puti nga nilalang. Pero an pag-ensinduro han kahulogan han engkanto ha una nga panahon, nasandig ha mga sinurat han mga Kristyano ha Old English, Middle English, medyebal nga Aleman, ngan Old Norse. Ha mga sinurat hini, an mga engkanto ginkokonekta ha mga diyos han Norse nga mitolohiya, ha pagpahinabo hin sakit, ha mahika, ngan ha kapuruhan ngan pag-akit.[2]
Katapos han medyebal nga panahon, an pulong nga elf waray na masyado gamita ha mga Germanic nga yinaknan, ngan napalitan hin mga pulong sugad han Zwerg (‘duwende’) ha Aleman (‘diwata’), huldra (‘tago nga nilalang’) ha Norte nga Germanic nga mga yinaknan, ngan mga hinuram nga pulong sugad han fairy (tikang ha Pranses). Bisan pa, nagpadayon la gihapon an tuohan ha mga engkanto ha temprano nga moderno nga panahon, labi na ha Scotland ngan Scandinavia, kun diin an mga engkanto gin-iisip nga mga tawo nga may mahika nga gahum nga nag-ukoy nga diri nakikita ha kilalakinabutang mga komunidad han mga tawo. Padayon hira nga ginkokonekta ha paghatag hin sakit ngan ha mga sekswal nga peligro. Pananglitan, damo nga temprano nga moderno nga mga ballad ha British Isles ngan Scandinavia, nga tikang pa han medyebal nga panahon, an nagsusumat hin mga engkanto nga naniningkamot magpaibog o mangawat hin tawo.[3][4]
- ↑ Hall, Alaric (2007). Elves in Anglo-Saxon England: Matters of Belief, Health, Gender and Identity. Boydell Press. ISBN 978-1-84383-294-2.
- ↑ Hall (2007), pp. 176–81.Hall, Alaric (2007). Elves in Anglo-Saxon England: Matters of Belief, Health, Gender and Identity. Boydell Press. ISBN 978-1-84383-294-2.
- ↑ Hall, Alaric (2007). Elves in Anglo-Saxon England: Matters of Belief, Health, Gender and Identity. Boydell Press. ISBN 978-1-84383-294-2.
- ↑ Althof, Hermann, ed. (1902). Das Waltharilied. Dieterich. p. 114
