Filosofie

La peraule filosofie e à une vore di significancis. La sô etimologjie e ven de antighe peraule greche "Φιλοσοφία" (philo-sophia), che vûl dî "amôr dal savê". Come discipline, e rivuarde la investigazion resonade e sistematiche de nature dal univiers e dal nestri puest jenfri di lui. E je diferente de sience parcè che i siei risultâts no dipindin necessariementri de osservazion o di esperiments sientifics. E je distinte de religjon o dal misticisim parcè che il so metodi di ricercje al è dal dut razionâl, e e cjape in considerazion la fede o l'intuizion dome se a puedin jessi sotmetudis a une analisi resonade.

Storie de filosofie

La storie de filosofie e je lungje tant che la storie de umanitât, ma di solît si scomence a calcolâla a partir de Antighe Grecie tal VI secul p.d.C., cul passâ dal mît al logos (la rason).

Filosofie antighe (VI secul p.d.C. - V secul d.C.)

La filosofie de Grecie antighe e je la fonde di dut il rasonament ocidentâl. Jenfri i corents e i autôrs plui impurtants si cjatin:

I presocratics: tant che Talete, Eraclit e Parmenide, che a cirivin il prin principi de nature (arché).

Socrate: che al à puartât la filosofie a concentrâsi su l'om e su la etiche, doprant il metodi de maieutiche (l'art di fâ nassi lis ideis cul dialic).
Platon: disçipul di Socrat, che al à creât la teorie des ideis e il famôs mît de caverne.
Aristotel: dissipul di Platon, che al à sistemât dutis lis siencis de sô epoche, de logjiche ae fisiche e ae poetiche.

In chest periodi a nassin ancje scueles helenistichis tant che il stoicisim, l'epicureisim e il sceticisim.

Filosofie medievâl (V - XV secul)

Cuntun fuart leam cul cristianesim, la filosofie medievâl e à cirût di fâ sintonizâ la rason e la fede.

La Patristiche: cun Sant Agostin, che al à integrât il platonisim inte dotrine cristiane.
La Scolastiche: cun Sant Tomâs d'Aquino, che al à doprât la filosofie di Aristotele par creâ une grande sintesi teologjiche e filosofiche.

Filosofie moderne (XVI - XIX secul)

Cun la Rivoluzion Sientifiche, la filosofie e met tal centri la gnoseologjie (la teorie de cognossince).

Il Razionalisim: cun René Descartes (Cartesio), famôs pal so "Cogito, ergo sum" (O rasoni, duncje o soi).

L'Empirisim: cun John Locke e David Hume, che a sostegnin che ogni cognossince e ven dome de esperience sensibile.

L'Iluminisim: che al celebre il podê de rason umane cuintri i prejudizis e il dogmatisim.

Immanuel Kant: che al mure cul criticisim la sintesi definitive tra razionalisim e empirisim.

L'Idealisim: dominât di Georg Wilhelm Friedrich Hegel, che al viôt la realtât tant che un'evoluzion storiche dal Spirt.

Filosofie contemporanie (dal XIX secul in ca)

La filosofie e devente plui framentade e e critique i grancj sistemis dal passât.

La rute dai sistemis: Karl Marx (socialisim), Friedrich Nietzsche (critiche de morâl) e Sigmund Freud (la scuvierte dal incussient).
La filosofie analitiche: prevalent tal mont anglosasson, concentrade su la analisi dal lengaç e de logjiche (Ludwig Wittgenstein).
La filosofie continentâl: caraterizade dal esistenzialisim (Jean-Paul Sartre, Martin Heidegger) e de fenomenologjie (Edmund Husserl).

Branchjs de filosofie

La filosofie si divit in diviersis disiplinis specifichis:

Metafisiche: e studie la nature de realtât, de bande de sô esistence e de sô struture.
Gnoseologjie (o epistemologjie):studie e mene ivestigazions parsore i limits e la nature de cognossince umane.
Etiche: e riflet sui valôrs morâi, su ce che al è just e ce che al è sbaliât.
Logjiche: e oparre su lis regulis e la struture di un rasonament dret e valit.
Estetiche: e studie la bielece, l'art e la sensibilitât.

Cjale ancje