close
Jump to content

ProQuest

Վիքիպեդիայից՝ ազատ հանրագիտարանից
ProQuest
Տեսակմասնավոր ընկերություն և առցանց տվյալների բազա
Հիմնադրված է1938
ՀիմնադիրՅուջին Փաուեր
ՎայրԷն Արբոր, Միչիգան, ԱՄՆ
Երկիր ԱՄՆ
Մայր ընկերություն
Դուստր ընկերություններEx Libris Group?[1] և ProQuest (United Kingdom)?
ՆախկինCSA?
Կայքproquest.com
Մասնակից էORCID[2]

ProQuest LLC տեղեկատվական համաշխարհային ընկերություն, տեղեկատվական բովանդակության և տեխնոլոգիաների ոլորտում գործող համաշխարհային ընկերություն։ Ընկերությունը գտնվում է Միչիգան նահանգի Էնն Արբոր քաղաքում, որտեղ այն 1938 թվականին հիմնադրել է Յուջին Փաուերը՝ «University Microfilms» անվան ներքո:

ProQuest-ը հայտնի է գրադարանների համար նախատեսված իր հավելվածներով և տեղեկատվական ծառայություններով[3]՝ հասանելիություն ապահովելով ատենախոսությունների, թեզերի, էլեկտրոնային գրքերի, թերթերի, պարբերականների, պատմական հավաքածուների, պետական ու մշակութային արխիվների[4] և այլ տվյալների բազաների համար: Ենթադրվում է, որ այս բովանդակությունը կազմել է շուրջ 125 միլիարդ թվային էջ:

Ընկերությունն իր գործունեությունն սկսել է որպես միկրոֆիլմերի արտադրող, այնուհետև անցել է էլեկտրոնային հրատարակչության[5] և հետագայում ընդլայնվել[3]: 2021 թվականի դեկտեմբերի 1-ին Clarivate-ը Cambridge Information Group-ից 5,3 միլիարդ դոլարով գնել է ProQuest-ը, ինչը նկարագրվել է որպես խոշոր գործարք գրադարանային և տեղեկատվական հրատարակչական աշխարհում: Clarivate-ը նշել է, որ ձեռքբերման հիմքում ընկած է եղել ProQuest-ի արտադրանքներն ու հավելվածները Web of Science-ին ինտեգրելու օպերացիոն հայեցակարգը[6][7]:

Բիզնեսներ

[խմբագրել | խմբագրել կոդը]

ProQuest-ը հիմնադրվել է որպես միկրոֆիլմերի հրատարակիչ[8]: Այն սկսել է հրատարակել դոկտորական ատենախոսություններ 1939 թվականին[9], ավելի քան 3 միլիոն որոնելի ատենախոսություններ ու թեզեր[10] և նշանակվել է ԱՄՆ Կոնգրեսի գրադարանի արտագնա թվային արխիվ[11][12]: Ընկերության գիտական բովանդակությունը ներառում է ատենախոսություններ և թեզեր, առաջնային աղբյուրների նյութեր, էլեկտրոնային գրքեր, գիտական ամսագրեր[13], պատմական ու ընթացիկ թերթեր և պարբերականներ, տվյալների աղբյուրներ, ինչպես նաև հետազոտողներին հետաքրքրող այլ բովանդակություն[14]: ProQuest Video Preservation and Discovery Service-ը գրադարաններին թույլ է տալիս պահպանել և հասանելիություն ապահովել իրենց սեփական աուդիո և տեսանյութերի հավաքածուներին[15]:

2014 թվականի մայիսին ProQuest LLC-ն գործունեություն է ծավալում նաև հետևյալ անվանումներով[4].

  • Bowker՝ մատենագիտական տեղեկատվության կառավարման լուծումներ է տրամադրում հրատարակիչներին, գրադարաններին և գրավաճառներին[16], ինչպես նաև ISBN գործակալություն է հանդիսանում Միացյալ Նահանգների համար[17]։
  • Dialog՝ առցանց տեղեկատվական ծառայություն, որն ունի ավելի քան 1,4 միլիարդ եզակի գրառում[18]։ Այն նախատեսված է կորպորատիվ, բիզնես և պետական ոլորտների հետազոտողների համար՝ կենտրոնանալով դեղագործության, ճարտարագիտության և արտոնագրերի հետազոտությունների վրա[19]։
  • EBL (Ebook Library)՝ էլեկտրոնային գրքերի հարթակ, որի հրատարակությունների ցանկը ներառում է ակադեմիական գրքեր։ Այն սպասարկում է ակադեմիական, կորպորատիվ և հետազոտական գրադարաններին՝ միաժամանակ աջակցելով գրադարանային հավաքածուների զարգացման այնպիսի նորարարական մոդելներին, ինչպիսին է ընթերցողի պահանջով ձեռքբերումը[20]։
  • ebrary՝ էլեկտրոնային գրադարան, որն առաջարկում է էլեկտրոնային գրքերի հավաքածուների հասանելիություն՝ բաժանորդագրության կամ մշտական հասանելիության մոդելով։ Հավաքածուները ներկայացված են եղել թեմատիկ փաթեթներով, որոնք նախատեսված են եղել ակադեմիական, կորպորատիվ, պետական, հանրային և ավագ դպրոցների գրադարանների համար[21]:

Պատմություն

[խմբագրել | խմբագրել կոդը]
2008 թվականի համաժողովի ցուցադրական տաղավար

1930-1950 թվականներ

[խմբագրել | խմբագրել կոդը]

Յուջին Փաուերը, որը 1927 թվականին ստացել է բակալավրի, իսկ 1930 թվականին՝ մագիստրոսի (MBA) որակավորումներ Միչիգանի համալսարանում, 1938 թվականին հիմնադրել է University Microfilms անվամբ ընկերությունը՝ Բրիտանական թանգարանի աշխատությունները միկրոֆիլմի վրա պահպանելու նպատակով։ 1938 թվականի հունիսին Փաուերը քաղաքի կենտրոնում գտնվող Էնն Արբորի՝ նախկինում թաղման ծառայություններ մատուցած սրահում վարձակալած երկու սենյակներում էր աշխատել՝ մասնագիտանալով գրադարանային հավաքածուների պահպանման նպատակով իրականացվող միկրոլուսանկարչության ոլորտում։ Իր Edition of One ինքնակենսագրականում Փաուերը մանրամասն ներկայացրել է ընկերության զարգացման ընթացքը, այդ թվում՝ թե ինչպես է University Microfilms-ը Երկրորդ համաշխարհային պատերազմի տարիներին աջակցել Ռազմավարական ծառայությունների գրասենյակին[22]՝ որպես հետախուզական գործակալություն։ Այս աշխատանքը հիմնականում ներառել է քարտեզների և եվրոպական թերթերի լուսանկարահանում, որպեսզի դրանք հնարավոր լինի ավելի էժան և գաղտնի կերպով արտերկիր ուղարկել և այնտեղից հետ ստանալ։

Փաուերը նաև նկատել է ատենախոսությունների հրատարակման ոլորտում առկա մասնագիտացված պահանջարկը։ Ուսանողները հաճախ ստիպված էին լինում հրատարակել իրենց աշխատանքները՝ դոկտորական աստիճան ստանալու համար։ Ատենախոսությունները գրքերի տեսքով հրատարակելու փոխարեն հնարավոր էր դրանք ավելի ցածր ծախսերով հրատարակել միկրոֆիլմի միջոցով։ ProQuest-ը հետագայում նույնպես մեծ թվով ատենախոսություններ էր հրատարակել, և դրա «Ատենախոսություններ և թեզեր» հավաքածուն (նախկինում՝ Թվային ատենախոսություններ) ճանաչվել էր ԱՄՆ Կոնգրեսի գրադարանի՝ երկրի տարածքից դուրս գտնվող պաշտոնական շտեմարանը[12]:

Դոկտորական ատենախոսությունների՝ միկրոֆիլմի միջոցով հրատարակման համընդհանուր կիրառման գաղափարը զգալիորեն զարգացվել է Սթենֆորդի համալսարանում պատմության ոլորտում դոկտորական աստիճան ստացած Վոն Դևիս Բորնեթի կողմից իրականացված ուսումնասիրությունների և գրված երկու հոդվածների շնորհիվ։ Բորնեթը հավանություն էր տվել այդ գաղափարին և հրատարակել էր «Դոկտորական ատենախոսությունները և գիտական ուսումնասիրությունների ընթացքը»[23] և «Դոկտորական ատենախոսությունների հրատարակումը միկրոֆիլմի միջոցով» հոդվածները[24]։

Ատենախոսությունների շուկայի աճին զուգընթաց ընկերությունն ընդլայնվել է՝ անցնելով թերթերի և պարբերականների թվայնացմանը։ Ընկերության թերթերի հիմնական տվյալների բազան ProQuest Newsstand-ն է։

1960-1990 թվականներ

[խմբագրել | խմբագրել կոդը]

1962 թվականին Xerox-ը ձեռք է բերել ընկերությունը Xerox-ի սովորական բաժնետոմսերից 51 750-ի դիմաց, որոնք գնահատվում էին մոտ 7,9 միլիոն դոլար[25]: Xerox-ի սեփականատիրության ներքո ընկերության անվանումը փոխվել է մի քանի անգամ՝ University Microfilms-ից դառնալով Xerox University Microfilms, ապա՝ University Microfilms International, ինչից հետո կրճատվել է՝ հասնելով UMI-ի: 1985 թվականին Bell & Howell[26] ընկերությունն այն գնել է Xerox-ից: 1986 թվականին UMI-ն Բինգհեմ ընտանիքից ձեռք է բերել ABI/INFORM-ի սեփականատեր Data Courier ընկերությունը[27]:

1980-ականներին UMI-ն սկսել է արտադրել CD-ROM սկավառակներ, որոնք պահպանում էին պարբերականների սեղմագրերի և ցուցիչների տվյալների բազաներ: Այն ժամանակ, երբ մոդեմային կապը դանդաղ էր և թանկ, ավելի արդյունավետ էր տվյալների բազաներով CD-ROM-ները կանոնավոր կերպով փոստով ուղարկել բաժանորդագրված գրադարաններ, որոնք տեղադրում էին սկավառակները հատուկ համակարգիչների վրա: ProQuest ապրանքանիշն առաջին անգամ օգտագործվել է CD-ROM-ներով տվյալների բազաների համար: ProQuest Direct կոչվող առցանց ծառայությունը թողարկվել է 1995 թվականին. դրա անվանումը հետագայում կրճատվել է՝ դառնալով պարզապես ProQuest[28]: Մատենագիտական տվյալների բազաները հիմնականում վաճառվում են դպրոցներին, համալսարաններին և գրադարաններին:

1998 թվականին ընկերությունը հայտարարել է «Թվային պահոցների նախաձեռնություն» ծրագրի մասին, որն, ըստ նախատեսվածի, ներառել է UMI միկրոֆիլմերից թվայնացված 5,5 միլիարդ պատկեր, այդ թվում՝ 100-ից 150 տարվա պատմություն ունեցող խոշոր թերթերի լավագույն պահպանված օրինակներն ու 15-րդ դարին թվագրվող վաղ անգլիական գրքեր: Մինչ շարունակվում են միկրոֆիլմերի պահոցի բովանդակության թվայնացման աշխատանքները, ProQuest-ն արդեն ապահովել է 125 միլիարդ թվային էջերի որոնում և նավարկություն, այդ թվում՝ նախահեղափոխական Ամերիկայի ժամանակաշրջանին թվագրվող թերթերի մոտ 20 միլիոն էջ:

1999 թվականին ընկերության անվանումը փոխվել է՝ դառնալով Bell & Howell Information and Learning, իսկ 2001 թվականին՝ ProQuest Information and Learning. Bell & Howell-ն իր անունը փոխել է ProQuest Company-ի[29]:

Նույն՝ 1999 թվականին ընկերությունը ձեռք է բերել Chadwyck-Healey-ն՝ միկրոֆիլմերի հրատարակմամբ զբաղվող նախկին ընկերությունը, որն առաջիններից մեկն է արտադրել լիատեքստ CD-ROM տվյալների բազաներ: Այս ձեռքբերումը ProQuest-ին փոխանցել է Անգլիայի Քեմբրիջ քաղաքում տեղակայված ավելի քան 100 աշխատակից ունեցող հրատարակչական գործունեության սեփականության իրավունքը և հիմք է դարձել արտասահմանյան զգալի ընդլայնման համար:

2000-ական թվականներ

[խմբագրել | խմբագրել կոդը]

2000-2004 թվականների ֆինանսական տարիների, ինչպես նաև 2005 թվականի ֆինանսական տարվա առաջին երեք եռամսյակների ընթացքում ProQuest-ը համակարգված կերպով չափազանցրել է իր եկամուտը: Ընդհանուր առմամբ, նախահարկային շահույթը չափազանցվել է 129,9 միլիոն դոլարով (կամ մոտ 31%-ով)[30]: 2008 թվականին Voyager Learning Company-ն և ProQuest-ի ֆինանսական տնօրենը (եկամուտների չափազանցման ժամանակահատվածի) հարթել են ԱՄՆ արժեթղթերի և բորսաների հանձնաժողովի (SEC) մեղադրանքները՝ առանց ընդունելու կամ մերժեելու հանձնաժողովի բողոքի պնդումները[31]:

2001 թվականին ProQuest-ը գնել է Նյու Յորքի Norman Ross միկրոֆիլմերի հրատարակչությունը[32]:

2002 թվականին ProQuest-ը գնել է 1999 թվականին հիմնադրված bigchalk.com ընկերությունը, որը միավորում է ProQuest-ի դպրոցական ստորաբաժանման և Infonautics Inc.-ի K-12 բիզնեսի ակտիվները[33]:

2004 թվականին ProQuest Information and Learning-ը ձեռք է բերել սիեթլյան Serials Solutions ստարտափը, որը հասանելիության կառավարման և որոնման ծառայություններ է մատուցում այլ ընկերությունների կողմից տեղադրված բովանդակության համար[34]: Նույն թվականին ընկերությունը գնել է նաև Copley Publishing Group-ը:

2005 թվականին ProQuest-ի երեք ղեկավարներ հիմնադրել են National Archive Publishing Co ընկերությունը, որը ներառել է XanEdu-ն, UMI-ն և Digital Service Operations-ը[35]: Ընկերության շենքը գտնվել է Միչիգանի Սկայո քաղաքի Զիբ Ռոուդ 300 (300 Zeeb Road) հասցեում, որտեղ պահպանվել է մոտ 6 միլիարդ էջ տեղեկատվություն[36]:

2006 թվականին ProQuest կազմակերպությունը, որն այն ժամանակ ProQuest Information and Learning-ի մայր ընկերությունն էր, այն վաճառել է Cambridge Information Group-ին (R. R. Bowker-ի սեփականատիրոջը)[37]: Այս վաճառքի պահից սկսած՝ սույն հոդվածը հետևում է ProQuest Information and Learning-ի պատմությանը, այլ ոչ թե ProQuest կազմակերպությանը: (Հետագայում ProQuest Company-ն վերանվանվել է Voyager Learning Company, իսկ ավելի ուշ դարձել է Cambium Learning Group-ի մաս)[38]:

2007 թվականին ProQuest Information and Learning-ը միավորվել է CSA-ի հետ՝ ձևավորելով ProQuest CSA-ն: Նույն թվականի վերջում այն վերանվանվել է ProQuest LLC:

2008 թվականին ProQuest LLC-ն ձեռք է բերել RefWorks-ի (հղումների կառավարման առցանց ծրագիր) ամբողջական սեփականության իրավունքը, որի համասեփականատերն էր 2001 թվականից: RefWorks-ը միավորվել է ProQuest-ի գործող Community of Science (COS) բիզնեսի հետ՝ ձևավորելով RefWorks/COS-ը[39]: Նույն թվականին ProQuest-ը Thomson Reuters-ից ձեռք է բերել տվյալների բազաների խոշոր առցանց ընկերություն հանդիսացող Dialog-ը[40][41]:

2010-2020 թվականներ

[խմբագրել | խմբագրել կոդը]

2010 թվականին ProQuest-ը LexisNexis-ից ձեռք է բերել երկու սեփականություն՝ Congressional Information Service-ը (CIS) և University Publications of America-ն (UPA): CIS-ն արտադրել է օրենսդրական բովանդակության աշխարհում ամենասպառիչ առցանց հավաքածուներից մեկը և բարձր վարկանիշ ունեցող վիճակագրական աշխատություններ, իսկ UPA-ն ներառել է խորը պատմական բովանդակության հավաքածուներ: Այս ձեռքբերումը ներառել է թվային ապրանքներ և միկրոֆիլմերի ընդարձակ շտեմարան, որը նպաստելու էր ProQuest-ի հնարավորությունների ընդլայնմանը՝ ֆիլմերից որոնելի էլեկտրոնային ձևաչափերի փոփոխման գործում[42]:

2011 թվականին ProQuest-ը ձեռք է բերել ebrary-ն՝ ավելի քան 170,000 գիտական էլեկտրոնային գրքերի լիատեքստ առցանց թվային գրադարանը[43]: 2013 թվականին ProQuest-ը ձեռք է բերել Ebook Library-ն (EBL)՝ նպատակ ունենալով ebrary-ն և EBL-ը միավորել մեկ միասնական էլեկտրոնային գրքերի հարթակում[44]:

2014 թվականին ProQuest-ը ձեռք է բերել Pi2 Solutions մասնավոր ընկերությունը, որը մասնագիտացած էր կենսադեղագործական ոլորտի համար նախատեսված Drug Safety Triager (DST) և Product Literature Database (PLD) համակարգերի մեջ: Ընկերությունը Pi2 Solutions-ը միավորել է իր ProQuest Dialog կորպորատիվ տեղեկատվական ծառայության հետ[45]:

2015 թվականին ProQuest-ը ձեռք է բերել SiPX-ը[46] և Coutts Information Services-ը, այդ թվում՝ MyiLibrary հարթակն ու Online Acquisitions and Selection Information System-ը (OASIS)[47]:

2015 թվականի հոկտեմբերին ProQuest-ը ձեռք է բերել Ex Libris-ը: Նախատեսվել է ProQuest-ի Workflow Solutions ստորաբաժանումը (որը ներառում էր նախկին Serials Solutions-ը) միավորել Ex Libris-ի հետ, իսկ ընդլայնված կազմակերպությունը կոչել «Ex Libris, a ProQuest Company»[48]:

2016 թվականի հունիսին ProQuest-ը ձեռք է բերել Alexander Street Press-ը, որը հանդիսանում է սթրիմինգային տեսանյութերի և էլեկտրոնային գրքերի մատակարար[49]:

2020 թվականի հունվարին ProQuest-ը ձեռք է բերել Innovative Interfaces, Inc.-ը, որը տեխնոլոգիական լուծումներ է տրամադրում ակադեմիական և հանրային գրադարաններին[50]:

2021 թվականի մայիսի 17-ին հայտարարվել է, որ Clarivate-ը ձեռք է բերելու ProQuest-ը[51]: 2021 թվականի հուլիսի 28-ին Clarivate-ը հայտնել է, որ ձեռքբերումը հետաձգվել է Առևտրի դաշնային հանձնաժողովի հակամենաշնորհային հետաքննության պատճառով[52]: 2021 թվականի դեկտեմբերի 1-ին Clarivate-ը հաջողությամբ ավարտին է հասցրել ProQuest-ի ձեռքբերումը[7]:

Ծանոթագրություններ

[խմբագրել | խմբագրել կոդը]
  1. ↑ Breeding M. ProQuest to Acquire Ex Libris // Am. Libr. — Chicago: ALA, 2015. — ISSN 0002-9769; 2163-5129
  2. ↑ https://orcid.org/members/001G000001GAON6IAP-proquest
  3. 1 2 «ProQuest Goes Global». Information Today. 2014. Արխիվացված օրիգինալից July 1, 2017-ին. Վերցված է June 20, 2014-ին.
  4. 1 2 "Jisc and ProQuest Enable Access to Essential Digital Content" Արխիվացված Մայիս 27, 2020 Wayback Machine, retrieved May 21, 2014
  5. ↑ «ProQuest LLC». PrivCo.com. Արխիվացված օրիգինալից September 24, 2015-ին. Վերցված է May 23, 2014-ին.
  6. ↑ Milliot, Jim; Albanese, Andrew (2021-05-17). «Clarivate to Buy ProQuest for $5.3 Billion». Publishers Weekly. Արխիվացված օրիգինալից December 4, 2021-ին. Վերցված է 2021-12-04-ին.
  7. 1 2 «Clarivate Successfully Completes Acquisition of ProQuest». December 2021. Արխիվացված օրիգինալից June 4, 2022-ին. Վերցված է 2021-12-01-ին.
  8. ↑ Microfilm's 75th Anniversary Արխիվացված Հունիս 12, 2014 Wayback Machine, retrieved June 15, 2014
  9. ↑ Thistlethwaite, Polly (2013). "Publish. Perish?: The academic author and open access publishing". Media Authorship (edited by Cynthia Chris, David A. Gerstner). Routledge. p. 274.
  10. ↑ Dissertations & Theses, retrieved June 15, 2014
  11. ↑ ProQuest Dissertations & Theses Global Արխիվացված Օգոստոս 2, 2014 Wayback Machine, retrieved September 6, 2014
  12. 1 2 «Library of Congress and Copyright Office Sign Landmark Agreement with UMI» (Press release). Library of Congress. January 22, 1999. Արխիվացված օրիգինալից October 24, 2016-ին. Վերցված է 2012-03-13-ին.
  13. ↑ «Briefly». Detroit Free Press. Vol. 160, no. 326. Knight Ridder. 26 March 1991. էջ E1. Արխիվացված օրիգինալից February 16, 2020-ին. Վերցված է June 12, 2019-ին – via Newspapers.com.
  14. ↑ ProQuest – Academic Արխիվացված Հուլիս 12, 2014 Wayback Machine, retrieved June 15, 2014
  15. ↑ Against the Grain, News and Announcement 1/9/2014 Արխիվացված Սեպտեմբեր 3, 2014 Wayback Machine, retrieved June 15, 2014
  16. ↑ "RR Bowker LLC – Businessweek", retrieved May 21, 2014
  17. ↑ "Bowker – Products & Services" Արխիվացված Մարտ 28, 2015 Wayback Machine, retrieved May 21, 2014.
  18. ↑ Dialog | Cambridge Information Group Արխիվացված 2014-02-21 Wayback Machine, retrieved May 22, 2014
  19. ↑ Dialog, LLC home page Արխիվացված Հունվար 13, 2004 Wayback Machine retrieved May 22, 2014
  20. ↑ "EBL Unveils the New LibCentral" Արխիվացված Փետրվար 26, 2020 Wayback Machine, retrieved May 22, 2014
  21. ↑ «ebrary: Pre-Packaged Products». Արխիվացված է օրիգինալից June 30, 2014-ին.
  22. ↑ Power, Eugene B.; with Robert Anderson (1990). Edition of One: The Autobiography of Eugene B. Power, Founder of University Microfilms. Ann Arbor, Mich.: University Microfilms International. էջեր 128–142. ISBN 9780835708982. OCLC 231087195.
  23. ↑ Bornet, Vaughn Davis (October 1952). «Doctoral Dissertations and the Stream of Scholarship». College and University. 28: 17–30. ISSN 0010-0889. OCLC 6168802.
  24. ↑ Bornet, Vaughn Davis (Autumn 1953). «Microfilm Publication of Doctoral Dissertations». Bulletin of the American Association of University Professors. 39 (3): 501–513. doi:10.2307/40220982. JSTOR 40220982.
  25. ↑ «Microfilm Deal Slated by Xerox». The New York Times. February 21, 1962. ProQuest 115685638.
  26. ↑ Winter, Christine (November 14, 1985). «Bell, Howell Acquires Two Data Firms». Chicago Tribune. Արխիվացված օրիգինալից September 11, 2014-ին. Վերցված է Sep 10, 2014-ին.
  27. ↑ «Feature: History Lesson: ABI/Inform». Արխիվացված օրիգինալից April 30, 2021-ին. Վերցված է 2021-01-23-ին.
  28. ↑ «ProQuest (brand)». ProQuest. Արխիվացված է օրիգինալից 2008-09-25-ին. Վերցված է 2008-02-19-ին.
  29. ↑ «Bell & Howell Becomes ProQuest Company». Information Today. June 11, 2001. Արխիվացված օրիգինալից August 19, 2014-ին. Վերցված է June 20, 2014-ին.
  30. ↑ «SEC Complaint vs. Scott Hirth and ProQuest Company [in 2008] known as Voyager Learning Company» (PDF). United States Securities and Exchange Commission. Արխիվացված (PDF) օրիգինալից March 23, 2016-ին. Վերցված է October 30, 2014-ին.
  31. ↑ «Press Release: SEC Charges Ann Arbor-Based Company and Former Executive in Accounting Fraud Scheme». United States Securities and Exchange Commission. Արխիվացված օրիգինալից March 16, 2016-ին. Վերցված է October 30, 2014-ին.
  32. ↑ «Untitled Page». www.rosspub.com. Արխիվացված օրիգինալից November 27, 2013-ին. Վերցված է April 15, 2014-ին.
  33. ↑ ProQuest. «ProQuest Signs Definitive Agreement to Acquire bigchalk». prnewswire.com. Վերցված է 2017-05-23-ին. (չաշխատող հղում)
  34. ↑ «ProQuest Information and Learning has acquired Copley Publishing Group, Inc». May 2004.
  35. ↑ «National Archive Publishing Company Formed By Prior Management Team». ProQuest 221827164. Արխիվացված օրիգինալից November 15, 2023-ին. Վերցված է October 24, 2023-ին.
  36. ↑ «National Archive Publishing Co». Library of Congress. Արխիվացված օրիգինալից October 30, 2023-ին. Վերցված է October 24, 2023-ին.
  37. ↑ Mary H. Munroe (2004). «Cambridge Information Group Timeline». The Academic Publishing Industry: A Story of Merger and Acquisition. Արխիվացված է օրիգինալից 2014-10-20-ին – via Northern Illinois University.
  38. ↑ «Cambium Learning Group Inc. – Investor Relations – Management Team». Արխիվացված է օրիգինալից October 31, 2014-ին. Վերցված է October 30, 2014-ին.
  39. ↑ «ProQuest acquires RefWorks». ProQuest LLC. January 18, 2008. Արխիվացված է օրիգինալից September 12, 2012-ին. Վերցված է February 2, 2012-ին.
  40. ↑ «ProQuest acquires Dialog» (Press release). ProQuest LLC. July 1, 2008. Արխիվացված օրիգինալից September 17, 2009-ին. Վերցված է March 6, 2009-ին.
  41. ↑ «ProQuest signs agreement to acquire Dialog business from Thomson Reuters». scientific.thomsonreuters.com. June 12, 2008. Արխիվացված է օրիգինալից November 20, 2008-ին. Վերցված է January 18, 2009-ին.
  42. ↑ «ProQuest Acquires Acclaimed Congressional Information Service and University Publications of America from LexisNexis» (Press release). ProQuest LLC. November 30, 2010. Արխիվացված օրիգինալից June 14, 2021-ին. Վերցված է December 7, 2010-ին.
  43. ↑ Fitzpatrick, Sean (January 8, 2011). «ProQuest acquires ebrary». American Libraries. Արխիվացված օրիգինալից March 5, 2012-ին. Վերցված է 2012-02-03-ին.
  44. ↑ «ProQuest Signs Definitive Agreement to Acquire EBL» (Press release). ProQuest LLC. January 22, 2013. Արխիվացված է օրիգինալից July 30, 2014-ին. Վերցված է June 20, 2014-ին.
  45. ↑ «ProQuest Acquires Pi2» (Press release). ProQuest LLC. May 1, 2014. Արխիվացված է օրիգինալից May 2, 2014-ին. Վերցված է May 2, 2014-ին.
  46. ↑ «ProQuest Acquires SIPX». ProQuest LLC. April 8, 2015. Արխիվացված է օրիգինալից June 30, 2017-ին. Վերցված է September 5, 2015-ին.
  47. ↑ «ProQuest to Acquire Coutts Information Services and MyiLibrary from Ingram Content Group» (Press release). ProQuest LLC. April 30, 2015. Արխիվացված է օրիգինալից September 10, 2015-ին. Վերցված է September 5, 2015-ին.
  48. ↑ Breeding, Marshall (6 October 2015). «ProQuest to Acquire Ex Libris». American Libraries. Արխիվացված օրիգինալից October 7, 2015-ին. Վերցված է October 6, 2015-ին.
  49. ↑ «Alexander Street Press Joins the ProQuest Family of Companies» (Press release). ProQuest LLC. June 22, 2016. Արխիվացված է օրիգինալից June 25, 2016-ին. Վերցված է June 22, 2016-ին.
  50. ↑ «Ex Libris Completes the Acquisition of Innovative». about.proquest.com. Արխիվացված օրիգինալից July 26, 2021-ին. Վերցված է 2021-07-26-ին.
  51. ↑ «Clarivate acquire ProQuest». Clarivate. Արխիվացված օրիգինալից May 17, 2021-ին. Վերցված է 2021-05-17-ին.
  52. ↑ «Clarivate Purchase of ProQuest Delayed». Արխիվացված օրիգինալից August 16, 2021-ին. Վերցված է 2021-08-16-ին.

Արտաքին ղումներ

[խմբագրել | խմբագրել կոդը]
Ստացված է «https://hy.wikipedia.org/w/index.php?title=ProQuest&oldid=10871301» էջից