Seblak

Seblak
ᮞᮨᮘᮣᮊ᮪
Seblak; ᮞᮨᮘᮣᮊ᮪
	Sajian seblak
Tanjaan	Hidangan utama atau kudapan
Asal negeri	Indonesia
Daèrah	Parahyangan
Bikinan	Orang Sunda
Suhu pas ditanjain	Panas
Bahan poko'	Kerupuk dimasak ama telor orak-arik/utuh, sayuran bangsa sawi èn ngkol, ama bangsa sumber protèin laèn (ikan ayam, cèkèr, makanan laot, atawa sosis sampi, sosis ayam), ama cabé rawit, cabé keriting/ cabé gedé, bawang puti, bawang mèrah, kencur.
Ragem	Seblak kering, berkuah atau kurupuk seblak
Other information	Bisa bakal madang kapan baè.
	Cookbook: Seblak; ᮞᮨᮘᮣᮊ᮪; Média: Seblak; ᮞᮨᮘᮣᮊ᮪;

Seblak (basa Sunda: ᮞᮨᮘᮣᮊ᮪) nya'entu daharan has Sunda nyang asalnya deri daèrah Priangan nyang rasanya asin gurih ama lebih ke pedes. Seblak kamprahnya dikeja' deri kerupuk nyang dibumbuin bawang puti ama kencur.

Asal-muasal èn kenyohoran

Seblak nyang mulain nyohor kira-kira taun 2000-an di Bandung, katanya mah udah ada di Garut èn Cianjur Kidul deri sebelonan jaman merdéka, nyang digero'nya tuh Kurupuk Léor (alatan dia entu léor/lembèk). Orang kata enni daharan tuh nongol lagi jaman susah ba'an makanan di Parahyangan kidul alatan penjajahan. Cuman, kaga' ada catetan atawa sumber nyang danta pekara enni riwayat Kurupuk Léor . Di berabiji tempat di Ciamis, ada ongkoh daharan nyang mirip, digero'nya tuh kulub babanggi atawa belekem . ^[1] ^[2]

Wayah gini mah seblak udah jadi jajanan jalanan nyang nyohor di seantèro masarakat. Seblak ora tibang ditemuin di Bandung, tapi sekarang gè' bisa ditemuin ampir di mana-mana di Indonesia. Nurutin modèlan jaman sekarang, seblak ora tibang diolah maké ba'an asalnya doangan. Seblak udah jadi daharan modèren èn nyohor pisan. Enni daharan nyang kenyel-kenyel entuh kamprahnya gableg rasa pedes lagi bè nyegerin, ongkoh ada berabiji rupa rasa, ba'an, ama bungkusannya.

Ba'an-ba'an

Dia punya ba'an utamanya mah kerupuk, cara ngolahnya gancil bangat, nya'entu mula-mula tibang kerupuk digodog, sayur bisa ditambahin, terus dibumbuin maké bangsa kencur, bawang mèrah, bawang puti, garem, cabé rawit, ama mècin nurutin serèra baè.

Macem-macem seblak

Seblak kering nya'entu kerupuk pedes mirip ama basrèng (baso gorèng).
Seblak basah: kerupuk seblak, makroni seblak, seblak cèkèr ayam, seblak tulang ayam, seblak mi basah, seblak tulang, seblak baso, seblak basrèng seblak batagor, seblak aci, seblak kwétio, seblak somay, seblak pangsit, seblak kikil, seblak telor, seblak daharan laot, seblak tomyam, ènsb. ^[3]

Gambaran

Seblak Jeletot
Tukang seblak di Jakarta
Seblak di Garut

Ruju'an

↑ "Resep Seblak Kerupuk Babanggi oleh Deffy D." Cookpad (dalem basa Indonésia). 2022-12-17. Dipungut 2024-11-08.
↑ Kompasiana.com (2023-02-15). "Belekem, Olahan Kerupuk Saingan Seblak". KOMPASIANA (dalem basa Indonésia). Dipungut 2024-11-08.
↑ "5 Varian Seblak Favorit yang Bisa Dibuat Sendiri di Rumah". Fimela. 20 April 2019. Dipungut 9 Juni 2025.

[1] "Resep Seblak Kerupuk Babanggi oleh Deffy D." Cookpad (dalem basa Indonésia). 2022-12-17. Dipungut 2024-11-08.

[2] Kompasiana.com (2023-02-15). "Belekem, Olahan Kerupuk Saingan Seblak". KOMPASIANA (dalem basa Indonésia). Dipungut 2024-11-08.

[3] "5 Varian Seblak Favorit yang Bisa Dibuat Sendiri di Rumah". Fimela. 20 April 2019. Dipungut 9 Juni 2025.

[1]

[2]

[3]