Bluetooth

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Bluetooth.

Bluetooth ye un estandar de tecnolochía inalambrica^[1] utilizau pa intercambiar datos entre dispositivos fixos y mobils a distancias curtas emplegando ondas de radio UHF de longaria d'onda curta en as bandas de radio industrials, cientificas y medicas, dende 2.402 GHz a 2.480 GHz, y construir rez d'aria personal (PAN). Orichinalment estió concebiu como que una alternativa inalambrica a os cables de datos RS-232.

Bluetooth ye administrau por o Bluetooth Special Interest Group (u SIG), que conta con mas de 35,000 companyías miembros en as arias de telecomunicacions, informatica, rez y electronica de consumo.

Historia

O desarrollo d'a tecnolochía de radio de "vinclo curto", mas tarde clamada Bluetooth, estió encetada en 1989 por Nils Rydbeck, en Ericsson Mobile en Lund, Suecia. O primer dispositivo Bluetooth de consumo se lanzó en 1999. Estió un auricular mobil de mans libres que obtenió o "Premio a la millor tecnolochía" en COMDEX. O primer telefono móbil Bluetooth estió o Ericsson T39 que plegó a las botigas en 2001. IBM ThinkPad A30 en octubre de 2001 estió lo primer ordinador portiable con Bluetooth integrau.

Nombre y logo

O nombre Bluetooth ye una versión anglesa d'os escandinavos Blåtand u Blåtann (en norrén antigo blátǫnn), l'epiteto d'o rei d'o sieglo X Harald Dient azul (en anglés Harald Bluetooth) que chuntó a las tribus danesas disonants en un solament reino. A implicación ye que Bluetooth achunta os protocolos de comunicación como que o rei Harald Dient azul fazió con as diferents tribus.

O logo de Bluetooth ye a chunta d'as runas Hagall(ᚼ) y Bjarkan(ᛒ), as inicials de Harald Bluetooth.

Menas


Mena	Potencia maxima permitida (mW)	Alcanz
1	100 mW	~100 metros
2	2.5 mW	~5-10 metros
3	1 mW	~1 metro
4	0.5 mW	~0.5 metro

Versions


Versión	Amplo de banda
1.2	1 Mbit/s
2.0 + EDR	3 Mbit/s
3.0 + HS	24 Mbit/s
4.0	32 Mbit/s
5	50 Mbit/s^[2]

Referencias

↑ (en) Dictionary of Computer and Internet Terms, Barron's Educational Series, 2012, ISBN 978-0764147555, p.59
↑ (en) "Bluetooth Core Specifications"

Datos: Q39531
Multimedia: Bluetooth / Q39531

[1] (en) Dictionary of Computer and Internet Terms, Barron's Educational Series, 2012, ISBN 978-0764147555, p.59

[2] (en) "Bluetooth Core Specifications"

[1]

[2]