Garrulus glandarius

Garrulus glandarius
Denominacions populars
gai, gayo
Estau de conservación
Seguro (IUCN)
Clasificación cientifica
Reino:	Animalia
Filo:	Chordata
Clase:	Aves
Orden:	Passeriformes
Familia:	Corvidae
Chenero:	Garrulus
Especie:	G. glandarius
Descripción
Garrulus glandarius Linnaeus, 1758
Distribución cheografica
Distribución d'o Gai.

Uevos de Garrulus glandarius.

O gai u gayo (nombre cientifico Garrulus glandarius (L., 1758)) ye un muixón de mida meyana, d'entre 30 y 35 cm de lonchitut, con alas curtas y arrondoladas que no gosan a exceder os 60 cm d'amplaria. Como toz os corvidos s'alimenta d'animals chicoz, glans, lulos y altras fruitas, de manera omnivora. Ye un habitant caracteristico d'as selvas caducifolias.

Se conoixe rapidament per as suyas caracteristicas colors marronosas u naranchencas en o cuerpo, con franchas blancas en as alas que se centellan caracteristicament a distancia cuan l'animal fui per entre la vechetación, mientres emite o suyo caracteristico canto que li ha dau o suyo nombre en aragonés; "gaik", que puet repetir-se y ye siempre estrident. As singulars tacas azuls que tien en as alas nomás son visibles cuan l'animal ye posau en as brancas, y son una d'as partis clau d'a suya identificación.

O gai ye un muixón imitador, isto quier decir que emplega tiempos d'a suya vida en aprener os cantos d'altras aves d'o suyo ambient y finalment las emplega ta trafulcar-las y fer-las fuera d'o suyo territorio, fendo a sobén que istas creigan que lo territorio ye ocupau per altros animals d'a suya propia especie. Ista conducta ye singularment important con o canto de bellas rapinyadoras nocturnas, que en establir-se en lo suyo territorio, podrían significar un periglo pa lo chicot corvido.

Vinclos externos

• Se veigan as imáchens de Commons sobre gais.
• Wikispecies tien altras informacions sobre gais.
• Ficha seguntes Javier Blasco-Zumeta.

• Datos: Q25354
• Multimedia: Garrulus glandarius / Q25354
• Especies: Garrulus glandarius