Vallo
 |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- No s'ha d'entivocar con bayo.
Un vallo[1][2][3][4][nota 1] ye un sulco u conducto feito en a tierra de labor destinau a que pase l'augua[5] cuan se riega u cuan pleve y que s'ixagüe y asinas no quede quieta y s'atarquile, lo que podría malmeter as venas d'as plantas, pos se pudrirían. Os vallos se fan con l'aladro u con a ixada (hada).
En primeras os vallos amanecen a resultas de l'acción d'o guambre de l'aladro, que va «rompendo» a tierra a mesura que abanza y tira la tierra cara t'afuera, formando os cavallons. O sulco que queda en mel medio ye o vallo.
En as tierras de secano, os cavallons se desfan a poco con que pleva u mesmo cuan «s'atabla» la uebra dimpués de sembrar. Por contra en regano, como por eixemplo en a huerta, os vallos se mantienen a fuerza d'«acancillar» y sacar as glebas y os torrocos y tornar a montar-los en os cavallons.
En regar, cuan se debanta la talladera y l'augua d'a cequia preta a correr por o huerto, cal que s'haiga feito bien a fayena d'acancillar o camino enantes, pos si no, podría brincar por os cavallons y malmeter as plantas.
Se veiga tamién
[editar | modificar o codigo]Notas
[editar | modificar o codigo]- ↑ En grafía de 1987 s'escribiba ballo
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ CORONAS CABRERO, Mariano, Vocabulario aragonés de Labuerda-A Buerda (Sobrarbe); Prensas Universitarias de Zaragoza + Xordica Editorial. Zaragoza, 2007. ISBN 978-84-96457-23-2
- ↑ GARCÉS LÓPEZ, Agliberto (NAGORE, F. ed.). Fraseología del habla popular aragonesa (2º ed); Publicazions d'o Consello d'a Fabla Aragonesa. Uesca, 2005. ISBN 84-95997-16-9
- ↑ LÓPEZ SUSÍN, J.I. et MONTANER SUSÍN, M. D. Bocabulario de Plasenzia (Sotonera); Publicazions d'o Consello d'a Fabla Aragonesa. Uesca, 2000. ISBN 84-86036-84-4
- ↑ ROMANOS, Fernando y SÁNCHEZ, Fernando. L'Aragonés de A Fueba. Bocabulario y notas gramaticals. Publicazions d'o Consello d'a Fabla Aragonesa, 1999. ISBN 36-86036-68-2.
