Winchester Model 1892
| Winchester Model 1892 | |
|---|---|
 Ur garabinenn Winchester Model 1892 | |
| Kinnig | |
| Bro |  Stadoù-Unanet Amerika |
| Doare | Fuzuilh pe karabinenn (hervez he hirder) |
| Mont en-dro | Tennata dre zorn, dre loc'henn-grogenn |
| Munisionoù | .32-20 Winchester .38-40 Winchester .44-40 Winchester .25-20 Winchester .218 Bee Stummoù modern .357 Magnum .44 Magnum |
| Bloavezh krouidigezh | 1892 |
| Ijiner | John M. Browning |
| Produerien | Winchester Repeating Arms Company |
| Mare produiñ | (Gant Winchester) 1892-1941 Abaoe 2014 |
| Skouerennoù produet | 1.007.608 |
| Perzhioù teknikel | |
| Mas | 2,6 kg (stumm karabinenn) |
| Hirder ar c'hanol | 510 mm (stumm karabinenn) |
| Endalc'h | Karger korzennek etre 5 ha 17 kartouchenn |
| Lezenn | |
| Rummad e Bro-C'hall | C pe D |
Ar Winchester Model 1892 zo ur fuzuilh ha karabinenn breouet gant John Browning e 1892, ha bet produet etre 1892 ha 1941 gant an embregerezh stadunanat Winchester. Kambret e oa he stummoù orin e .32-20 Winchester, .38-40 Winchester ha .44-40 Winchester. Kinniget e voe adalek 1895 e .25-20 Winchester[1], ha diwezhatoc'h e .218 Bee.
Ur sistem tennata dre loc'henn-grogenn a zo dezhi, hag ur c'harger korzennek disheñvel e endalc'h hervez ar stummoù :
- Sporting Rifle ha Fancy Sporting Rifle : stummoù fuzuilh, kanolioù 24' hag endalc'h 13 kartouchenn ;
- Carbine : stumm karabinenn, kanol 20' hag endalc'h 11 kartouchenn [2];
- Musket, stumm hir he c'hanol (30') hag uhel e endalc'h (17 tenn), bet poblek-tre e Suamerika[1].
1.007.608 skouerenn eus ar Model 1892 a zo bet produet gant Winchester[3]. Meur a gopienn zo bet savet adalek eil hanterenn an XXvet kantved gant embregerezhioù evel Rossi ha Chiappa[4]. Winchester a oa adkroget d'ober an arm e 2014, e .357 Magnum pe e .44 Remington Magnum[5].
Implij
[kemmañ | kemmañ ar vammenn].jpg)
Priziet e oa an arm gant ar c'howboyed[6]. Diwezhatoc'h e voe implijet e kalz filmoù western. Unan eus armoù muiañ-karet hag implijetañ John Wayne e oa da skouer, ha skouerennoù en e goun a voe savet gant Winchester e 2007[1]. Koulskoude e voe krouet ar Model 1892 e dibenn trec'h ar Stadoù-Unanet war ar C'hornôg, ha n'emañ ket e-touez an "armoù o deus gounezet ar C'hornôg"[7] evel ar Winchester Model 1873 hag ar revolver Colt Single Action Army, gwerzhet o-daou ugent vloaz a-raok[8].
Levrlennadur
[kemmañ | kemmañ ar vammenn]- (en) Martin Pegler, Winchester Lever-Action Rifles, Osprey Publishing, 2015, 80 p., ISBN 978-1472806574
Daveennoù
[kemmañ | kemmañ ar vammenn]- 1 2 3 (en) SIMPSON Layne, Winchester Model 1892 Short Rifle Review, Shooting Times, 08/12/2014 (lennet d'ar 27/02/2026)
- ↑ (en) WAHL Paul, Gun trader's guide, Thirteenth Edition, Stoeger, p. 331
- ↑ (en) MILLER Payton, Winchester Model 92 Trapper Rifle: Highly Collectible, Rifle Shooter, 14/08/2025 (lennet d'ar 27/02/2026)
- ↑ (en) Chiappa Winchester 1892, Gun Mart, 27/01/2017 (lennet d'ar 27/02/2026)
- ↑ (fr) MODEL 1892 SHORT RIFLE, lec'hienn Winchester (lennet d'ar 27/02/2026)
- ↑ (fr) HOUSTON Rob, STROYAN Christine (renerezh), Armes à feu de légende, Larousse, 2019, ISBN 978-2035979650, p. 180
- ↑ "The guns that won the West" hervez un droienn saoznek voutin.
- ↑ (en) ENGESSER Joe, Guns that Won the West: 150 Years of the Colt Single Action Army and the Winchester Model 1873, Rock Island Auction Company, 2023 (lennet d'ar 27/02/2026)
