Pasar malam

Pasar Malam di Seri Kembangan, Selangor, Malaysia.

Pasar malam di Jurong Timur, Singapura.

Pasar malam di Hong Kong, China.

Tomu totuong (Jawi: ‏ڤاسر مالم‎‎) nopo nga iso pongindopuan ii kikonsep do badi toi ko' bazar ii potimpuunon ontok sosodopon gisom pitanga tuong.

Tomu diti nopo nga iso tomu tanga dalan hiti Malaysia, Singapura om Indonesia ii asaru maan wonsoio id toning do kawalaian.

Kogumuan dudumagang papadagang do mogikakawao taakanon, asil tani miagal ko' tua-ua om tongorapaon, manuk, daging, asil do rahat miagal ko' sada, sotong, om haro nogi pomoinan, basaan, aksesori, tongotayam om ogumu po.

Kagayat nogi ginawo do tutumombuli tu kosudong o gatang tongokakamot dau. Kosoruan nopo tomu totuong diti nga pohoroon insan sominggu id iso-iso kinoyonon, mantad diti kaanu i dudumagang do mamadagang id mogisusuai kinoyonon monikid tadau.Kogumuan koiyonon do tomu totuong nopo nga id talun-alun ii maan ontobo aantakan poindalanon o pongindopuan. Ii no pogi momoguna i dudumagang do payung montok powilihanan do taakanon dagangon om popion kawagu kalapas aawi papadagang.

Tumanud pogun

Malaysia

Kogumuan tomu totuong hiti Malaysia potiimpunon mantad pukul 5.00 sodopon om osoruan aawi pukul 10 doungotuong gisom 12 pitanga tuong nga tumanud pongontok om kooturan pogun toi ko' kinoyonon diolo.

Nuru i dudumagang do maganu lesen pongindopuan mantad koobian di kikuasa (PBT) id kioyonon diolo di. Ahal diti montok momogompi kolidangan kakadaian om kolidasan.

Dudumagang om ii kukumaraja nuru nogi maganu suntikan kolidasan demam kepialu/ tifoid ii kikawo do Typhim VI.

Koiyonon tomu totuong tamangon di koobian di kikuasa.

Mogisuususai o tomu totuong tumanud tinaru. Osoruan nopo tinaru Melayu nga papadagang buuk kougamaan, kopiah, gonob om kakamot Melayu ii suai.

Tomu totuong tinaru Cina asaru papadagang do set Mah Jong, setanggi, colok, karatas om ogumu po kawo kakamot kougamaan tulun Cina.

Suai ko ii, tomu totuong tulun India papadagang do kakamot kougamaan Hindu.

Belanda

Id belanda, kinaantakan monikid toun do tulun Indonesia ii pohoroon id The Hague pinomungaranan do Perayaan Tong Tong, ii di gulu kingaran do Pasar Malam Besar. Mantad do ginumu tulun senari Indonesia om kalantayan ababayan diti mantad 1959, ogumu nodi tomu totuong ii maan pohoroo monikid toun hiti Belanda. Baino nodi nga timpuunon nodi i kedutaan Indonesian manahak sokodung kousinan kumaa tomu totuong Indonesia monikid toun, loolobi po montok popointutun pongindopuan Indonesian om popoingkawas pionitan Belanda-Indonesia.