Alaskagril

Alaskagril
taksonomy
ryk	dieren (Animalia)
stamme	rêchstringdieren (Chordata)
klasse	fûgels (Aves)
skift	wilstereftigen (Charadriiformes)
famylje	snipfûgels (Scolopacidae)
skaai	grillen (Calidris)
soarte
Calidris mauri
	Cabanis, 1857
	IUCN-status:
ferspriedingsgebiet
	; briedfûgel; trekfûgel ; wintergast ;

De Alaskagril (Calidris mauri) is in fûgel út de famylje fan 'e snipfûgels (Scolopacidae).

Skaaimerken

Folwoeksen fûgels hawwe donkere poaten en in koarte, tinne, donkere snaffel. It lichem is boppe brún en ûnder wyt. Se hawwe in readbrune krún. Dizze fûgel kin dreech te ûnderskieden wêze fan oare ferlykbere lytse steltrinners, benammen de grize gril (Calidris pusilla). Dat is foaral it gefal yn it winterkleed, as beide soarten effen griis binne. De Alaskagril kriget syn winterkleed in stik earder yn 'e hjerst as de grize gril.

In folwoeksen Alaskagril hat in lingte fan 14 oant 17 sm, in wjukspanwiidte fan 35 oant 37 sm en in gewicht fan 22 oant 35 gram.

Fersprieding

Dizze soarte briedt yn it noardeasten fan Sibearje en yn it westen en noarden fan Alaska; de fûgel oerwinteret yn it noarden fan Súd-Amearika.

Nederlân

It is in seldsume dwaalgast yn West-Jeropa. Yn Nederlân is de soarte mar in pear kear waarnommen. Yn augustus 2019 waard der in pear dagen by De Westhoek yn 'e Fryske Waadsee in Alaskagril sjoen en yn augustus 2024 wie der in fûgel te sjen by de pier yn Holwert.

Status

De Alaskagril is ien fan 'e meast foarkommende steltrinners yn Noard-Amearika, mei in rûsde populaasje fan 3,5 miljoen folwoeksen eksimplaren. De IUCN klassifisearret de soarte as net bedrige (Least Concern). Der wurdt lykwols oannommen dat de oantallen ôfnimme.

Boarnen, noaten en referinsjes

Boarnen, noaten en/as referinsjes:

Wikimedia Commons

Ofbylden dy't by dit ûnderwerp hearre, binne te finen yn de kategory Calidris mauri fan Wikimedia Commons.