Blantyre é a cidade máis poboada de Malawi. Á beira do río Shire, cerca de Zomba, é o centro administrativo do distrito de Blantyre e da rexión meridional, e principal centro comercial e industrial, desde o que se canaliza o comercio e o transporte das terras altas do Shire. A cidade ten unha poboación de 732.518 habitantes (2008).
Foi fundada en 1876 por misioneiros escoceses, e bautizada co nome da cidade natal do explorador escocés David Livingstone. Blantyre converteuse en municipio en 1895 e en 1956 uniuse ao de Limbe para formar o municipio de Blantyre-Limbe. En 1966 adquiriu a categoría de cidade.
É sede dun palacio presidencial, o palacio Sankija, e do Tribunal Superior de Apelación, de varias escolas técnicas e da Universidade de Malawi (1964). Na zona cultívase fundamentalmente tabaco, maínzo, trigo, café, e tung do que se extrae aceite.
