James Galway

James Galway
	; (2013)
Biografía
Nacemento	8 de decembro de 1939 (86 anos); Belfast
Educación	Conservatorio de París ; Guildhall School of Music and Drama ; Royal College of Music
Actividade
Ocupación	intérprete de frauta travesa, editor, arranxador musical, frautista, director de orquestra, classical flautist (en) , músico
Período de actividade	1975 -
Membro de	Berliner Philharmoniker
Xénero artístico	Música clásica
Instrumento	Frauta travesa
Selo discográfico	RCA Red Seal
Outro
Título	Knight Bachelor
Parentes	Martin Galway, sobrinho fraterno
Premios
	(11 de maio de 2018) doutor honoris causa pola Universidade de Miami; (2014) Premio Gramophone pola obra de toda unha vida; (30 de xuño de 1979) honorary Master of Arts (en) Concedido por Open University; Classic Brit Awards (pt) ; Oficial da Orde do Imperio Británico ;
Sitio web	jamesgalway.com

Sir James Galway, (Irlanda do Norte, 8 de decembro de 1939), coñecido coma o home da frauta dourada, é un dos maiores virtuosos dese instrumento. Naceu en Belfast.

Seguindo os pasos de Jean-Pierre Rampal, converteuse nun dos primeiros frautistas que recorreron a súa carreira musical como solista. A Raíña Isabel II nomeouno sir en xuño de 2001.

Educación

James Galway estudou no Royal College of Music con John Francis e logo na Guildhall School of Music con Geoffrey Gilbert. Logo estudou no Conservatorio de París con Gaston Crunelle e Jean-Pierre Rampal e tamén recibiu clases particulares con Marcel Moyse.

Biografía

Logo do seu período de estudo, traballou 15 anos en orquestras. Galway tocou na Philharmonia Orchestra nos anos cincuenta.

Logo disto tocou coa Sadler's Wells Opera, Covent Garden Opera, a London Symphony Orchestra e a Royal Philharmonic Orchestra.

Pertenceu á Orquestra Filharmónica de Berlín, onde tocou como frauta primeira entre 1969 e 1979. Para sorpresa de Herbert von Karajan, e tras un período de desencontros, “Jimmy” Galway decidiu iniciar unha carreira en solitario que finalmente foi dun enorme éxito. Aínda hoxe adícase regularmente á interpretación, e é un dos frautistas máis recoñecidos internacionalmente. Compositores coma o español Joaquín Rodrigo ou o inglés Malcolm Arnold, por quen ten mostrado a súa admiración en repetidas ocasións, adicáronlle algunhas das súas obras.

Ademais de concertos de repertorio clásico, tamén toca programas de música contemporánea. O álbum "In Ireland", gravado por James Galway e The Chieftains superou o número 32 nas listas de vendas do Reino Unido.

É o frautista principal do London Mozart Players, con sede en Londres.

Hai pouco, Sir James participou na gravación da banda sonora da triloxía de O Señor dos Aneis, gañadora dun Oscar da Academia Americana de Cine.

Na actualidade reside en Meggen (Suíza) coa súa dona, a frautista estadounidense Jeanne Galway.

Véxase tamén

Ligazóns externas

Sir James Galway