Portland é a cidade máis grande do estado estadounidense de Maine e a capital do Condado de Cumberland, en Maine. A poboación en 2010 era de 66.194,[1] cun crecemento dun 3% dende o censo do ano 2000. Portland é a cidade principal da área metropolitana, que inclúe os Condados de Cumberland, York, e Sagadahoc.
Os turistas visitan o histórico distrito de Old Port, polo Porto de Portland, na desembocadura do río Fore e parte da Baía Casco, e o Distrito das Artes de Portland, que vai pola Congress Street no centro da cidade. O Faro de Portland está situado no Cabo Elizabeth e marca a entrada ao porto.
O escudo da cidade representa un fénix renacendo das súas cinzas, xusto debaixo do lema da cidade, Resurgam, en latín "Levantareime de novo." O lema refírese ás reconstrucións de Portland ante catro incendios devastadores.[2] A cidade de Portland, Oregón foi chamada así por Portland, Maine.[3]
