Sisimiut

Sisimiut
Nome oficial    Holsteinsborg (da)
Instancia de cidade
Datas  Fundación / creación 1764
Localización  Situado en  Qeqqata, Groenlandia, Reino de Dinamarca  Irmandado con Albertslund Whitstable Klaksvík Albertslund  Coordenadas 66°56′20″N 53°40′20″O
Cifras e dimensións  Poboación 5.582 (2020) 5.539 (2016) 3.741 (1977) 3.757 (1978) 3.796 (1979) 3.976 (1980) 4.136 (1981) 4.270 (1982) 4.298 (1983) 4.405 (1984) 4.524 (1985) 4.583 (1986) 4.716 (1987) 4.823 (1988) 4.814 (1989) 4.871 (1990) 4.957 (1991) 5.004 (1992) 4.881 (1993) 4.839 (1994) 4.979 (1995) 5.117 (1996) 5.116 (1997) 5.195 (1998) 5.149 (1999) 5.127 (2000) 5.166 (2001) 5.221 (2002) 5.263 (2003) 5.246 (2004) 5.350 (2005) 5.399 (2006) 5.344 (2007) 5.397 (2008) 5.497 (2009) 5.460 (2010) 5.498 (2011) 5.571 (2012) 5.598 (2013) 5.524 (2014) 5.572 (2015) 5.539 (2016) 5.414 (2017) 5.491 (2018)  Superficie    34,4 km²
Códigos e identificadores Código postal 3911 VIAF 134911435 Freebase /m/0b3j_y
Fontes e ligazóns  Páxina WEB sisimiutcity.com  Descrito pola fonte Trap Danmark (5th ed.) (en) pp. 489 Meyers Konversations-Lexikon, 4ª edición (1885–1890) "Q122538048 "
Wikidata C:Commons

Sisimiut, antigamente Holsteinsborg, é unha cidade do concello de Qeqqata, no centro-oeste de Groenlandia. Cunha poboación de 5 582 habitantes en 2020, é a vila máis poboada e a capital municipal de Qeqqata, así como a segunda cidade por número de habitantes de Groenlandia despois de Nuuk.

Sisimiut é o segundo maior centro de negocios nacional despois de Nuuk, sendo a pesca a principal industria. Desde o punto de vista arquitectónico, Sisimiut é unha mestura de vivendas unifamiliares tradicionais e vivendas comunitarias, con bloques de apartamentos levantados na década de 1960 durante un período de expansión da cidade. Sisimiut aínda está en expansión, coa zona ao norte do porto, á beira da pequena baía de Kangerluarsunnguaq reservada para vivendas modernas de estilo suburbio que se construíron na década de 2010. Varias escolas profesionais e xerais teñen a súa sede en Sisimiut, que proporcionan educación aos habitantes da cidade e aos dos asentamentos máis pequenos da rexión. O novo Centro Cultural Taseralik é o segundo centro cultural que se establece en Groenlandia, despois de Katuaq en Nuuk.

Demografía

Sisimiut é unha das cidades de máis rápido crecemento en Groenlandia, con emigrantes dos asentamentos máis pequenos que reforzan a tendencia. Ademais de Kangerlussuaq, é o único asentamento do municipio de Qeqqata que presenta padróns de crecemento estables nas últimas dúas décadas.

Gráfica de evolución demográfica de Sisimiut entre 1991 e 2010

Fonte:Statistics Greenland.

Transporte

A cidade ten a súa propia liña de autobuses e o porto libre de xeo durante todo o ano máis ao norte do país, sendo unha base de transporte marítimo para o oeste e o noroeste de Groenlandia. Os buques de abastecemento diríxense desde o porto comercial cara a asentamentos máis pequenos nas rexións máis remotas do fiorde de Uummannaq, o arquipélago de Upernavik e ata Qaanaaq, no norte de Groenlandia. O aeroporto de Sisimiut, no que opera Air Greenland, ofrece conexións con outras cidades da costa occidental de Groenlandia e, a través do aeroporto de Kangerlussuaq, con Europa.

Galería de imaxes

• 
  Porto de Sisimiut.
• 
  Casa unifamiliar típica.
• 
  Bloque de apartamentos de Sisimiut.
• 
  Aeroporto de Sisimiut.