close
Jump to content

Pirelli

Վիքիպեդիայից՝ ազատ հանրագիտարանից
Pirelli
պատկերանիշ
Տեսակբիզնես ձեռնարկություն, հանրային ընկերություն և կազմակերպություն
Հիմնադրված էհունվարի 28, 1872[1][2] և 1920
ՀիմնադիրGiovanni Battista Alberto Pirelli?
ՎայրՄիլան, Իտալիա[1]
Երկիր Իտալիա[1][3]
ՏնօրենMarco Tronchetti Provera?[1]
Արդյունաբերությունmanufacture of rubber tyres and tubes; retreading and rebuilding of rubber tyres?[4] և plastics and rubber industry?[4]
Ընդհանուր ակտիվներ▼12,7 մլրդ € (դեկտեմբերի 31, 2017)[1]
Հասույթ▲6,65 մլրդ € (2023)[5]
Աշխատողների թիվ30 198 մարդ (դեկտեմբերի 31, 2017)[1]
Մայր ընկերությունChemChina?
Դուստր ընկերություններPirelli (Germany)?, Pirelli Tyre?, Gruppo Sportivo Pirelli?, Superga?, Biblioteca tecnico scientifica Pirelli?, Pirelli Holding?, Compagnie Internationale Pirelli? և Metzeler?
ՍեփականատերChemChina?[6] և Marco Tronchetti Provera?[7]
Կայքpirelli.com​(իտալ.)​(անգլ.)
ԲորսաPIRC[1]
 Pirelli Վիքիպահեստում

Pirelli & C («Պիրելլի ընդ Քո»), իտալական ընկերություն, որը վերահսկվում է չինական քիմիական հսկա Sinochem Holdings-ի կողմից։ Այն աշխարհի խոշորագույն ավտոմոբիլային անվադողերի արտադրողներից մեկն է (2007 թվականին զբաղեցրել է հինգերորդ տեղը՝ ըստ հասույթի)[8]։ Գլխավոր գրասենյակը գտնվում է Իտալիայի Միլան քաղաքում։

Պատմություն

[խմբագրել | խմբագրել կոդը]

Ընկերությունը հիմնադրվել է 1872 թվականի հունվարի 28-ին Ջովանի Բատիստա Պիրելլիի կողմից՝ «G.B. Pirelli & C.» անվանմամբ։ Սկզբնական շրջանում այն զբաղվում էր ռետինե արտադրատեսակների արտադրությամբ և վաճառքով։ 1879 թվականին ընկերությունը սկսել է մեկուսացված հեռագրական մալուխների արտադրությունը, իսկ մի քանի տարի անց՝ նաև ստորջրյա հեռագրական մալուխների։ 1890 թվականին սկսվեց հեծանիվների անվադողերի, իսկ 1900 թվականին՝ ավտոմոբիլային անվադողերի արտադրությունը։

Առաջին արտասահմանյան ձեռնարկությունը՝ Բարսելոնայում գտնվող մալուխների գործարանը, սկսել է գործել 1902 թվականին։ Դրան հաջորդել են գործարաններ Մեծ Բրիտանիայում, Բրազիլիայում, Հունաստանում, Արգենտինայում, Թուրքիայում և Գերմանիայում։ 1930-ական թվականներին արտասահմանյան գործունեությունը կառավարելու նպատակով ստեղծվել է «Pirelli Holdings S.A.» հոլդինգային ընկերությունը, որի կենտրոնակայանը գտնվում էր Շվեյցարիայում։ Սա հնարավորություն տվեց պահպանել ընկերության միջազգային ցանցը Երկրորդ համաշխարհային պատերազմի ընթացքում։

Pirelli-ի կարևոր նորարարություններից էին աշխարհում առաջին անկյունագծային կորդով անվադողը՝ «Superflex Stella Bianca»-ն, որը մշակվել էր 1927 թվականին, և առաջին տեքստիլային կորդով ռադիալ անվադողը՝ «Cinturato CF67»-ը, որը 1952 թվականին մշակվել էր մրցարշավային ավտոմեքենաների համար[9][10][11]։

Երկրորդ համաշխարհային պատերազմի ընթացքում և դրանից անմիջապես հետո Իտալիայում տնտեսական անկմանը 1950-ական թվականներին փոխարինեց տնտեսական վերելքը, և ընկերությունը վերսկսեց իր գործունեության ընդլայնումը դեպի այլ երկրներ՝ բացելով մալուխների և անվադողերի արտադրության գործարաններ, հատկապես Հարավային Ամերիկայում, Ասիայում և Ավստրալիայում։ 1960-ական թվականներին ընկերությունը կառուցել է նաև անվադողերի մի քանի գործարան Արևելյան Եվրոպայում։

Սակայն 1960-ական թվականների վերջին ընկերությունը սկսեց զիջել իր դիրքերը Michelin-ին, որը առաջինն էր յուրացրել պողպատե կորդով ռադիալ անվադողերի արտադրությունը և ավելի վաղ էր մուտք գործել ԱՄՆ շուկա։ Pirelli-ն փորձեց բարելավել իր դիրքերը՝ համագործակցելով բրիտանական Dunlop Tires ընկերության հետ, սակայն այդ համագործակցությունը քիչ արդյունավետ էր և 1981 թվականին դադարեցվեց։

1973 թվականի ապրիլի 4-ին ավտովթարի հետևանքով զոհվեց ընկերության ղեկավար և հիմնադրի թոռ Ջովանի Պիրելլին, որը նաև ճանաչված գրող էր։ Ընկերության ղեկավարությունը ստանձնեց նրա կրտսեր եղբայրը՝ Լեոպոլդ Պիրելլին։[9].

1985 թվականին ընկերությունը ձեռք բերեց գերմանական «Metzeler Kautschuk» ընկերությունը, որը զբաղվում էր անվադողերի և այլ ռետինե արտադրատեսակների արտադրությամբ։ Աճի ռազմավարությունը միաձուլումների և ձեռքբերումների միջոցով շարունակվեց նաև 1988 թվականին՝ ամերիկյան «Armstrong Tire Co.» անվադողերի արտադրողի և «Filergie» մալուխների արտադրող ընկերության գնմամբ, որն ուներ 13 գործարան Ֆրանսիայում և Պորտուգալիայում։

Այնուհետև հաջորդեցին 1989 թվականին «Firestone» ընկերությունը ձեռք բերելու անհաջող փորձը և գերմանական «Continental AG» ընկերության հետ չկայացած միաձուլումը։ Այս երկու անհաջողությունները, ավտոմոբիլային արդյունաբերության անկման հետ միասին, վատթարացրին ընկերության ֆինանսական վիճակը։ Լեոպոլդ Պիրելլին հեռացվեց ղեկավարությունից, իսկ գլխավոր տնօրենի պաշտոնը ստանձնեց նրա փեսան՝ Մարկո Տրոնկետի Պրովերան։

Իրականացվեց լայնածավալ վերակազմավորում․ վաճառվեցին ոչ հիմնական ակտիվները, աշխատակիցների թիվը կրճատվեց մոտ մեկ քառորդով, իսկ գործարանների քանակը 1990 թվականի 103-ից նվազեց մինչև 74՝ 1994 թվականին[9]։

2005 թվականին մալուխային արտադրանքի ստորաբաժանումը ձեռք բերվեց ներդրումային «Goldman Sachs» բանկի կողմից և վերակազմավորվեց որպես «Prysmian» ընկերություն։ Նույն թվականին ընկերությունը բացեց իր առաջին գործարանը Չինաստանում (Շանդուն նահանգում), իսկ հաջորդ տարի սկսեց գործել Ռումինիայի Սլատինա քաղաքում գտնվող գործարանը, որը մինչև 2014 թվականը ընդլայնվեց և դարձավ ընկերության խոշորագույն արտադրական համալիրը։

2015 թվականի մարտին Pirelli-ի բաժնետոմսերը 7,1 միլիարդ եվրոյով գնել է չինական «ChemChina» կազմակերպությունը՝ «Camfin» և «LTI» («Ռոսնեֆտ»-ի կառույց) ընկերությունների հետ համատեղ։ Նույն թվականի նոյեմբերին ընկերության բաժնետոմսերը հանվել են Միլանի ֆոնդային բորսայի ցուցակից։ Երկու տարի անց՝ 2017 թվականի հոկտեմբերին, ընկերությունը վերադարձավ բորսա՝ տեղաբաշխելով իր բաժնետոմսերի 40%-ը[12]։

Սեփականատերեր և ղեկավարություն

[խմբագրել | խմբագրել կոդը]

Ընկերության խոշորագույն բաժնետերերն են՝ Sinochem Holdings (37 %), տնօրենների խորհրդի նախագահ Մարկո Տրոնկետի Պրովերա

(14,1 %), Մետաքսի ճանապարհի հիմնադրամ (9 %),Ալբերտո Բոմբասեյ (5 %).

  • Նին Գաոնինը (Ning Gaoning, ծնված՝ 1958 թվականին) 2018 թվականի օգոստոսից հանդիսանում է տնօրենների խորհրդի նախագահ։ Նա նաև Sinochem Holdings-ի տնօրենների խորհրդի նախագահն է։
  • Մարկո Տրոնկետի Պրովերան (Marco Tronchetti Provera, ծնված՝ 1948 թվականին) 2003 թվականից զբաղեցնում է գործադիր փոխնախագահի և գլխավոր գործադիր տնօրենի պաշտոնները։ Նա նաև «Camfin» ընկերության տնօրենների խորհրդի նախագահն է։

2014 թվականի մարտին ռուսական պետական նավթագազային «Ռոսնեֆտ» ընկերությունը 553 միլիոն եվրոյով ձեռք բերեց Pirelli-ի բաժնետոմսերի 13%-ը[13]։ ընկերության տնօրենների խորհրդի կազմում ընդգրկելով իր ներկայացուցիչներին[14][15]։

Գործունեություն

[խմբագրել | խմբագրել կոդը]

Ներկայումս «Պիրելլի» ընկերության անվադողերի արտադրության սեկտորը ներառում է 24 գործարան՝ աշխարհի 13 երկրներում՝ Իտալիայում (5 գործարան), Բրազիլիայում (5), Մեծ Բրիտանիայում (2), Գերմանիայում (2), Թուրքիայում (2), Ռումինիայում (2), Արգենտինայում (1), ԱՄՆ-ում (1), Չինաստանում (1), Եգիպտոսում (1), Ռուսաստանում (2), Իսպանիայում (1) և Վենեսուելայում (1)։В секторе «Պիրելլի» անվադողերի արտադրությունը ներկայացված է «Pirelli Tyre» ընկերության միջոցով, որը աշխարհում զբաղեցնում է վաճառքների ծավալով հինգերորդ տեղը[16]։ Սպառողական շուկան (մարդատար ավտոմեքենաների, ամենագնացների, ֆուրգոնների և մոտոցիկլետների անվադողեր) ապահովում է ընկերության վաճառքների 70%-ը, իսկ արդյունաբերական մատակարարումները (արտադրանքը նախատեսված է հատուկ տրանսպորտային միջոցների՝ ավտոբուսների, բեռնատարների, էքսկավատորների և տրակտորների համար) կազմում են ընդհանուր վաճառքների մինչև 30%-ը[17]։ Ընդ որում, ընկերությունը մասնագիտացած է պրեմիում սեգմենտի անվադողերի արտադրության մեջ[18]։

Բացի այդ, ընկերությունը մշակում է նոր տեխնոլոգիաներ և սարքավորումներ ոչ միայն անվադողերի, այլ նաև ռետինատեխնիկական արդյունաբերության համար։

Բացի հիմնական բիզնեսից, ընկերությունը ունի փոքրածավալ հագուստի և կոշիկի արտադրություն՝ «P. Zero» ապրանքանիշի ներքո[18]։

Գործունեության տարածաշրջաններ[19]:

  • Եվրոպա և Թուրքիա՝ 38,6% եկամուտ
  • Հյուսիսային Ամերիկա՝ 21,5% եկամուտ
  • Ասիա-Խաղաղօվկիանոսյան տարածաշրջան՝ 19,1% եկամուտ
  • Հարավային Ամերիկա՝ 12,5% եկամուտ
  • Ռուսաստան, Սկանդինավիա, Մերձավոր Արևելք և այլ տարածաշրջաններ՝ 8,3% եկամուտ

Pirelli-ն Ռուսաստանում

[խմբագրել | խմբագրել կոդը]

2008 թվականի հուլիսին Pirelli & C. SpA ընկերությունը և պետական «Ռոստեխնոլոգիաներ» կորպորացիան՝ Սամարայի մարզի կառավարության հետ միասին, ստորագրեցին համաձայնագիր Ռուսաստանում՝ Տոլյատի քաղաքում անվադողերի արտադրության գործարան կառուցելու մասին։

Ակնկալվում էր, որ այդ ձեռնարկությունում կաշխատի մոտ 1500 մարդ, իսկ տարեկան արտադրության ծավալը կկազմի 3–3,5 միլիոն անվադող՝ մարդատար ավտոմեքենաների համար և 700 հազար՝ բեռնատարների համար։ Ընդհանուր ներդրումների չափը գնահատվում էր 70–80 միլիոն եվրո[8]։ Իտալացիների գործընկերներն էին ռուսական քիմիական Սիբուր ընկերությունը, ինչպես նաև «Ռոստեխնոլոգիաներ» կորպորացիան։ Սակայն Պիրելլին չկառուցեց Տոլյատիի գործարանը և իր զարգացման համար ընտրեց Վորոնեժ և Կիրով քաղաքները[20][21][22]։

2011 թվականին հայտնի է դարձել, որ 2008 թվականի համաձայնագրի շրջանակում Պիրելլիի և Ռոստեխնոլոգիաների միջև կստեղծվի համատեղ ձեռնարկություն այն բանից հետո, երբ իտալացիները Սիբուր-Ռուսական անվադողեր ընկերությունից ձեռք կբերեն անվադողերի գործարաններ Կիրովում և Վորոնեժում (նախկինում այդ ձեռնարկությունները պատկանում էին սնանկացած Amtel-Vredestein ընկերությանը)։ Առաջին գործարանը Pirelli-ն ձեռք բերեց 2011 թվականի վերջում, իսկ երկրորդը՝ 2012 թվականին[23]։ Գնման ընդհանուր գումարը կազմել է 222 միլիոն եվրո։ Երկու ձեռնարկությունների արդիականացման համար կատարված ներդրումները մինչև 2017 թվականը կազմել են 200 միլիոն եվրո[22]։

2013 թվականի օգոստոսի 5-ին Pirelli ընկերությունը օգտվել է իր բաժնեմասը «Pirelli Tyre Russia» ընկերությունում (որը իտալացիների, ռուսական «Ռոստեխ» պետական կորպորացիայի և GHP խմբի համատեղ ձեռնարկությունն էր) ավելացնելու օպցիոնից և գնեց ռուսական «Fleming Family & Partners» ընկերության բաժինը։ Արդյունքում Pirelli-ի բաժնեմասը համատեղ ձեռնարկությունում կազմեց 65 %[24]։

2013 թվականի տվյալներով՝ Ռուսաստանում Pirelli-ն զբաղեցնում էր երրորդ տեղը անվադող արտադրողների շուկայական մասնաբաժնով՝ 16 խոշորագույն արտադրողների շարքում (ըստ Cordiant վերլուծական կենտրոնի 2013 թվականի նոյեմբերի 26-ի զեկույցի)[18]։

2021 թվականի վերջի տվյալներով՝ երկու գործարանները տարեկան արտադրում էին 8,2 միլիոն անվադող[19]։

2022 թվականի մարտին պատժամիջոցների պատճառով Pirelli-ն դադարեցրեց ներդրումները Կիրովի և Վորոնեժի գործարաններում[25]։

2023 թվականի սեպտեմբերի տվյալներով ընկերությունը շարունակում է իր գործունեությունը Ռուսաստանում[26]։

Սպորտ

[խմբագրել | խմբագրել կոդը]
Pirelli անվադողերը FORMULA 1-ի համար

Pirelli-ի անվադողերը լայնորեն օգտագործվում են ավտոսպորտում և մոտոսպորտում։ Ընկերությունը երկար տարիներ մասնակցել է Ֆորմուլա-1 աշխարհի առաջնությանը՝ ընդհատումներով (սեզոններ՝ 1950–1958, 1981–1986, 1989–1991)[27], իսկ 2011 թվականից դարձել է տվյալ մրցաշարի՝ Ֆորմուլա-1-ի, անվադողերի բացառիկ մատակարար[28]։ 2022 թվականի սեպտեմբերի 12-ի տվյալներով՝ Իտալական անվադողերով մեկնարկել են Ֆորմուլա-1 աշխարհի առաջնության 361 փուլերում[29]։ 2008 թվականից աշխարհի ռալլի առաջնության մի շարք սեզոններում Pirelli-ն դարձել է անվադողերի մոնոպոլ մատակարար։ 2011 թվականից ընկերությունը հանդիսանում է ՖԻԱ Ֆորմուլա-2 և ՖԻԱ Ֆորմուլա-3 առաջնությունների անվադողերի միակ պաշտոնական մատակարարը։

Pirelli-ն 1995 թվականից մինչև 2021 թվականը եղել է Միլանի «Ինտերնացիոնալե» ֆուտբոլային ակումբի տիտղոսային հովանավորը[30]։

2011/2012 մրցաշրջանում Pirelli-ն եղել է Ռուսաստանի ֆուտբոլի գավաթի (Կուբոկ Ռոսիի) տիտղոսային հովանավորը[31]։

Pirelli և հանրաճանաչ մշակույթ

[խմբագրել | խմբագրել կոդը]

Լայն ճանաչում է ստացել «Pirelli» ընկերության կողմից ամեն տարի թողարկվող լուսանկարչական օրացույցը։

Սովորաբար օրացույցի նկարահանումներն իրականացվում են աշխարհի առաջատար լուսանկարիչների կողմից, իսկ մոդելները շոու բիզնեսի և նորաձևության «աստղերը» են, այդ թվում՝ Նաոմի Քեմփբելը, Սինդի Քրոուֆորդը, Միլա Յովովիչը, Քեյթ Մոսը, Ջենիֆեր Լոպեսը, Սոֆի Լորենը և շատ ուրիշներ։

Հետաքրքիր է, որ սկզբում Pirelli-ն իր օրացույցը նախատեսում էր բեռնատարների վարորդների (դալնոբոյշիկների) և ավտոմեխանիկների համար՝ վաճառելով այն բենզալցակայաններում և ավտոսպասարկման կետերում։ Սակայն հետագայում օրացույցը վերածվել է ինքնուրույն մշակութային երևույթի և դարձել կոլեկցիոն արժեք ունեցող առարկա[18]։

Pirelli-ն մանրածախ ոլորտում

[խմբագրել | խմբագրել կոդը]

2016 թվականին իտալական Pirelli ընկերությունը բացել է առաջին Pirelli P Zero World բարձր դասի ավտոմեքենաների անվադողերի մանրածախ վաճառքի և սպասարկման կենտրոնը։

Մանրածախ ոլորտի զարգացման շնորհիվ Pirelli-ն նպատակ ունի ամրապնդել իր դիրքը՝ որպես բարձրակարգ ավտոմեքենաների համար անվադողերի առաջատար մատակարար։

Pirelli P Zero World կենտրոններում վաճառվում է Pirelli-ի ամբողջական անվադողերի տեսականին, ներառյալ՝

  • սպորտային ավտոմեքենաների համար նախատեսված P Zero Trofeo R թրեքային անվադողերը,
  • պատմական մեքենաների համար նախատեսված Pirelli Collezione ռետրո անվադողերը,
  • ճանապարհային հեծանիվների անվադողերը,
  • ինչպես նաև մոտոցիկլետների անվադողերը։

Բացի այդ, ներկայացված են նաև Pirelli Design հավաքածուի ապրանքները՝ սկսած Roger Dubuis ձեռքի ժամացույցներից մինչև Tecnorib շարժիչային նավակներ։

Զվարճանքի մասում գործում է նաև լիաչափ Formula 1 մեքենայի սիմուլյատոր։

Pirelli P Zero World կենտրոնների հիմնական տեղեկատվությունը
Քաղաք Հասցե Բացման տարի
1 Լոս Անջելես Սանտա Մոնիկա բուլվար 10349 2016
2 Մյունխեն Հանաուեր փողոց 42 2017
3 Մոնտե-Կառլո Ավենյու Պրինսես Գրաս 4 2018
4 Դուբայ Հեսսա փողոց 2019
5 Մելբուռն Չիֆլի Դրայվ 102 2019

Դուստր ընկերություններ

[խմբագրել | խմբագրել կոդը]

2021 թվականի դրությամբ Pirelli-ի հիմնական դուստր և կապված ընկերությունները[19]:

  • Pirelli Tyre Co. Ltd. (Չինաստան, 90 %)
  • Pirelli Deutschland GmbH (Գերմանիա, 100 %)
  • Pirelli Tyre S.p.A. (Իտալիա, 100 %)
  • Pirelli Industrie Pneumatici S.r.l. (Իտալիա, 100 %)
  • Pirelli International Treasury S.p.A. (Իտալիա, 100 %)
  • Pirelli Neumaticos S.A. de C.V. (Մեքսիկա, 100 %)
  • Pirelli Pneus Ltda (Բրազիլիա, 100 %)
  • Pirelli Comercial de Pneus Brasil Ltda (Բրազիլիա, 100 %)
  • Pirelli UK Tyres Ltd. (Մեծ Բրիտանիա, 100 %)
  • Pirelli Tire LLC (ԱՄՆ, 100 %)
  • S.C. Pirelli Tyres Romania S.r.l. (Ռումինիա, 100 %)
  • Limited Liability Company Pirelli Tyre Russia (Ռուսաստան, 65 %)

Ծանոթագրություններ

[խմբագրել | խմբագրել կոդը]
  1. 1 2 3 4 5 6 7 https://s3-eu-west-1.amazonaws.com/psi-dotcom-prd/corporate/3144_PIRELLI_ANNUAL_REPORT_2017_ENG.pdf
  2. ↑ https://www.company-histories.com/Pirelli-SpA-Company-History.html
  3. ↑ https://www.lobbyfacts.eu/datacard/pirelli--c-spa?rid=7655050974-03
  4. 1 2 20th Century Press Archives — 1908. — 144 p.
  5. ↑ https://press.pirelli.com/download/de15dfbc-56bc-4be1-ad2c-3b203820fc50/cs-pirelli-risultati2023-6marzo2024-eng-cda.pdf
  6. ↑ https://www.reuters.com/article/us-pirelli-ipo/chemchina-gave-up-pirelli-control-to-show-its-market-friendly-face-pirelli-ceo-idUSKCN1BT0YB
  7. ↑ https://www.reuters.com/article/pirelli-ipo/pirelli-ceo-says-core-shareholders-have-no-plans-to-sell-stakes-idUSI6N1D100W
  8. 1 2 Глеб Столяров. Pirelli все ближеԱրխիվացված 2008-09-04 Wayback Machine // Ведомости, № 142 (2164), 1 августа 2008
  9. 1 2 3 «History of Pirelli S.p.A. – FundingUniverse» (անգլերեն). International Directory of Company Histories, Vol. 15. St. James Press, 1996. Արխիվացված օրիգինալից 2022-09-11-ին. Վերցված է 2022-09-11-ին.
  10. ↑ «1872 — основана компания Pirelli». www.zr.ru. Արխիվացված օրիգինալից 2016-05-07-ին. Վերցված է 2016-05-04-ին.
  11. ↑ «История бренда Pirelli». www.brandreport.ru. Արխիվացված օրիգինալից 2016-06-02-ին. Վերցված է 2016-05-04-ին.
  12. ↑ «Tyremaker Pirelli to sell 40 percent stake in Milan market comeback» (անգլերեն). Reuters. 2017-09-04. Արխիվացված օրիգինալից 2022-09-11-ին. Վերցված է 2022-09-11-ին.
  13. ↑ «Танцовщица не для «Роснефти»». Важные истории (ռուսերեն). Արխիվացված օրիգինալից 2024-05-13-ին. Վերցված է 2024-05-13-ին.
  14. ↑ «Pirelli Names Rosneft Chairman Igor Sechin to Board». Արխիվացված օրիգինալից 2014-07-14-ին. Վերցված է 2014-07-11-ին.
  15. ↑ «Представители «Роснефти» вошли в состав Совета директоров компании Pirelli & C. S.p.A.; Пресс-центр Роснефти». Արխիվացված օրիգինալից 2014-07-14-ին. Վերցված է 2014-07-11-ին.
  16. ↑ «История компании — PIRELLI TYRE». Արխիվացված է օրիգինալից 2009-06-27-ին. Վերցված է 2009-09-17-ին. {{cite web}}: no-break space character in |title= at position 17 (օգնություն)
  17. ↑ «О компании Pirelli Tyre — PIRELLI TYRE». Արխիվացված է օրիգինալից 2009-03-02-ին. Վերցված է 2009-09-17-ին. {{cite web}}: no-break space character in |title= at position 24 (օգնություն)
  18. 1 2 3 4 Анастасия Дагаева. «Рецепт шины — это как рецепт лекарства», — Марко Тронкетти Провера, председатель правления шинной компании Pirelli Արխիվացված է Դեկտեմբեր 19, 2010 Wayback Machine-ի միջոցով: // Ведомости, 16.12.2010, № 238 (2756)
  19. 1 2 3 Քաղվածելու սխալ՝ Սխալ <ref> պիտակ՝ «ar2021» անվանումով ref-երը տեքստ չեն պարունակում:
  20. ↑ «colesa.ru — Строительство шинного завода Pirelli в Тольятти откладывается». Արխիվացված օրիգինալից 2009-07-27-ին. Վերցված է 2009-09-17-ին. {{cite web}}: no-break space character in |title= at position 10 (օգնություն)
  21. ↑ «Компания Pirelli перенесла срок подписания договора». Արխիվացված օրիգինալից 2012-03-10-ին. Վերցված է 2011-08-13-ին.
  22. 1 2 Владимир Штанов (2017-08-24). «Производство на Кировском шинном заводе разделилось». Արխիվացված օրիգինալից 2018-07-01-ին. Վերցված է 2018-07-01-ին.
  23. ↑ Станислав Шустицкий (2016-06-24). ««Шины Pirelli: сделано в России»». Արխիվացված օրիգինալից 2018-07-01-ին. Վերցված է 2018-07-01-ին.
  24. ↑ Александра Терентьева. «Pirelli инвестирует в Россию более 400 млн евро». // vedomosti.ru. Արխիվացված օրիգինալից 2011-12-14-ին. Վերցված է 2011-11-29-ին. {{cite web}}: no-break space character in |title= at position 39 (օգնություն)
  25. ↑ «Итальянский концерн Pirelli приостановил инвестиции в производство в РФ». Интерфакс. 2022-03-18. Արխիվացված օրիգինալից 2022-03-18-ին. Վերցված է 2022-03-18-ին.
  26. ↑ «Pirelli продолжает работу в России». RUPEC (ռուսերեն). 2023-09-15. Արխիվացված օրիգինալից 2023-12-06-ին. Վերցված է 2024-09-25-ին.
  27. ↑ «Pirelli Grands Prix started». statsf1.com (անգլերեն). Արխիվացված օրիգինալից 2021-10-11-ին. Վերցված է 2022-09-12-ին.
  28. ↑ Pirelli показала новые 18-дюймовые шины для Формулы-1 в сравнении с нынешними // matador.tech; 12 декабря 2021 года
  29. ↑ «Энциклопедия Формулы 1: 1950-2022. Статистика. Шины». wildsoft.motorsport.com. Արխիվացված օրիգինալից 2022-05-09-ին. Վերցված է 2022-09-05-ին.
  30. ↑ ««Интер» представил новую форму. Впервые с 1995 года на ней нет Pirelli // Чемпионат.com; 13 июля 2021 года». Արխիվացված օրիգինալից 2022-09-11-ին. Վերցված է 2022-09-11-ին. {{cite web}}: no-break space character in |title= at position 71 (օգնություն)
  31. ↑ Компания Pirelli стала титульным спонсором Кубка России // Чемпионат.com; 15 июля 2011 года Արխիվացված 2011-08-18 Wayback Machine

Արտաքին հղումներ

[խմբագրել | խմբագրել կոդը]
Ստացված է «https://hy.wikipedia.org/w/index.php?title=Pirelli&oldid=10811965» էջից