Heed

Dësen Artikel beschäftegt sech mat der Planzenaart Heed. Fir aner Bedeitungen, kuckt wgl. Heed (Homonymie).

Heed

Heed (Calluna Vulgaris)
Wëssenschaftlech Klassifikatioun
Räich	Planzeräich
Ofdeelung	Bléieplanzen
Klass	Magnoliopsida
Uerdnung	Ericales
Famill	Ericaceae
Gattung	Calluna
Wëssenschaftlechen Numm
Calluna vulgaris
L., Hull

D'Heed (Calluna vulgaris) ass déi Aart vun der monotypescher Pflanzegattung Calluna, déi zu der Famill vun den Heedekrautplanzen (Ericaceae) gehéiert. Si ass déi dominant Planzenaart an der Heedlandschaft.

Beschreiwung

Illustratioun vum Otto Wilhelm Thomé

Et ass en ëmmergréngen Trausch mat niddregem Wuess, deen tëscht 20 a 50 cm héich ka ginn, och alt der 60, siele bis zu engem Meter. E wiisst lues a ka bis zu 40 Joer al ginn. En ass wäitleefeg an Europa a Klengasie verbreet, wou en op sauere Biedem an opppene sonnege Lage mat net zevill Schiet wiisst.

Nieft den Heedlanschaften, wou se déi dominant Planz ass, wiisst d'Heed och a Moueren, Torflandschaften a Pinien- an Eechebëschlandschafte mat sauerem Buedem. Se wiisst no wa se ofgegraast gouf oder bei liichte Bëschfeieren.

Heed huet kleng Blieder, net méi wéi 2–3 mm laang, déi zu zwee an zwee no uewe wuessen. Se blitt vu Juli bis September, d'Bléie si gewéinlech mof, 1 bis 4 mm laang, a wuessen a Kluddere wéi Drauwen.

• 
  Habitus a Blieder
• 
  Still mat Geleefs
• 
  Bléiestand
• 
  Bléien am Detail
• 
  oppe Bléi
• 
  Fruuchtstand.