close
Hopp til innhald

Louane

Frå Wikipedia – det frie oppslagsverket
Louane

Fødd26. november 1996 (29 år)
FødestadSainte-Catherine, Frankrike
AliasLouane, Louane Emera
OpphavFrankrike
Aktiv2013–
Sjangerpop, alternative dance, electronica, alternativ R&B, varietet
Instrumentgitar, piano, vokal
PlateselskapUniversal Music Group
Verka somskodespelar, songar, filmskodespelar, plateartist, musikar, komponist, låtskrivar
Sambuar medFlorian Rossi
PrisarCésar for mest lovende kvinnelige skuespiller, Victory of the album revelation of the year, NRJ Music Award de la révélation francophone de l'année, NRJ Music Award de l'artiste féminine francophone de l'année, NRJ Music Award de la chanson francophone de l'année

Anne Edwige Maria Peichert[1] (fødd 26. november 1996), kjend under artistnamnet Louane Emera eller berre Louane, er ein fransk songar og skodespelar. I Frankrike vart ho kjend som semifinalist i 2013-sesongen av The Voice: la plus belle voix, og internasjonalt er ho mest kjend for rolla si i filmen La Famille Bélier frå 2014, som ho vann César-prisen for mest lovande kvinnelege skodespelar for. Ho representerte Frankrike i Eurovision Song Contest 2025 med songen «Maman», der ho enda på sjuandeplass med 230 poeng.

Bakgrunn

[endre | endre wikiteksten]

Anne Peichert vart fødd i Sainte-Catherine 26. november 1996,[2] og vaks opp i det franske departementet Pas-de-Calais saman med dei fire systrene sine og den einaste broren, Benoît.[3] Faren hennar, Jean-Pierre Peichert, var fransk og son av ei polsk mor og ein tysk far. Mora hennar, Isabel Pinto dos Santos, var brasiliansk-portugisisk, dotter av ein portugisisk far og ei brasiliansk mor.[4]

I 2008 deltok ho i L'École des stars, ein fransk musikkonkurranse som vart sendt på kanalen Direct 8.[5]

Louane, som fekk diagnosen ADHD då ho var åtte år gammal,[6] har fortalt at foreldra ofte måtte straffe ho på grunn av hyperaktiviteten hennar, men at ho har lært mykje om disiplin av dei, og at dei alltid behandla henne med kjærleik.[7]

Louane miste begge foreldra sine i tenåra; tolkinga hennar av «Imagine» var tileigna faren, som døydde berre tre månader før ho deltok i The Voice, og mora døydde i 2014 etter lang tids sjukdom.[8][9]

Karriere

[endre | endre wikiteksten]

Musikk

[endre | endre wikiteksten]
Louane framfører «Maman» i finalen i Eurovision Song Contest 2025 i Basel.

I 2013 fekk ho sitt første verkelege gjennombrot då ho deltok i den andre sesongen av The Voice: la plus belle voix. Ho song «Un homme heureux» av William Sheller på auditionen, og alle dei fire mentorane – Florent Pagny, Jenifer, Louis Bertignac og Garou – snudde stolane sine. Ho valde å vere med på laget til Louis Bertignac. Episoden med «blind audition» vart sendt 16. februar 2013.

Den 23. mars 2013, under runden med musikalske duellar, vart ho vald av Bertignac framfor rivalen Diana Espir, etter at begge song «Torn» av Natalie Imbruglia. Under direktesendingane song ho «Les moulins de mon cœur» av Michel Legrand og vart redda av publikumsrøystene. 27. april 2013 framførte ho «Call Me Maybe» av Carly Rae Jepsen og vart redda vidare av mentoren sin. Med John Lennon sin «Imagine», tileigna den avdøde faren hennar, vart ho på nytt redda av publikum. Men ferda hennar enda i semifinalen etter tolkinga av «Quelqu’un m’a dit» av Carla Bruni. Ho fekk ein samla poengsum på 74, medan den andre semifinalisten på Team Bertignac, Loïs, fekk 76. Dermed vart Louane slått ut og enda mellom 5. og 8. plass.

Den 5. februar 2015 var ho oppvarmingsartist for Jessie J under ein showcase-konsert i Paris. Debutalbumet hennar, Chambre 12, kom ut 2. mars 2015,[10] og vart ein stor suksess. Singelen «Avenir» toppa òg den franske singellista.

I 2017 song ho på låten «It Won’t Kill Ya» frå debutalbumet til The Chainsmokers, Memories… Do Not Open.

Den 1. september 2021, i samband med Pokémon 25, gav ho ut songen «Game Girl», eit ordspel på Game Boy.

Den 30. januar 2025 vart det kunngjort at Louane skulle representere Frankrike i Eurovision Song Contest 2025 i Basel.[11] Songen hennar hadde tittelen «Maman», der ho syng om den avdøde mora si. I finalen 17. mai enda ho på sjuandeplass med 230 poeng.

Skodespel

[endre | endre wikiteksten]
Louane og regissør Éric Lartigau under eit event for filmen La Famille Bélier.

Etter deltakinga hennar i The Voice fekk regissøren Éric Lartigau auge på ho[12] og gav ho rolla i filmen La Famille Bélier, der ho spela Paula, ei 16 år gammal jente som er den einaste høyrande personen i ein familie av døve. Figuren syng fleire songar av Michel Sardou, særleg «Je vole».[13] For denne rolla vann ho César-prisen for mest lovande kvinnelege skodespelar under den 40. César-utdelinga.[14]

Ho har ei hovudrolle som barnepsykolog[15] i den franske TV-serien Visions frå 2022, produsert av TF1, som hadde premiere på Canneseries same året.[16][17] Serien er regissert av Akim Isker og har òg Soufiane Guerrab, Jean-Hugues Anglade og Julien Boisselier i sentrale roller.[18] Handlinga dreiar seg om etterforskinga av eit barn som er meldt sakna, og ein ung gut som ser merkelege syn.[15]

Privatliv

[endre | endre wikiteksten]

Louane er i eit forhold med songaren Florian Rossi. I mars 2020 fekk ho ei dotter som heiter Esmée.[19]

Referansar

[endre | endre wikiteksten]
  1. ↑ «A L'AUTRE». ASCAP. American Society of Composers, Authors and Publishers. Arkivert frå originalen 6. februar 2017. Henta 2. august 2024.
  2. ↑ «Louane : de sa passion pour Hannah Montana à son feat le plus fun l Trou Story l Konbini» (på fransk). Youtube. November 21, 2020.
  3. ↑ «Louane Emera, de The Voice à La famille Bélier». Europe 1 (på fransk). December 16, 2014.
  4. ↑ «Louane: Chambre 12, l'adolescence douloureuse» (på fransk). Gala. March 2, 2015.
  5. ↑ Assma Maad (17 December 2014). «Louane Emera, la voix émouvante de "La Famille Bélier"». lefigaro.fr (på fransk). Le Figaro. Henta 28 January 2015.
  6. ↑ Louane sur NRJ
  7. ↑ «"J'étais une gamine hyperactive et turbulente"». 20 Minuten (på fransk). 12 February 2015. Henta 20 March 2017.
  8. ↑ Capucine Trollion (28 January 2015). «5 choses à savoir sur Louane Emera : de The Voice aux Césars». elle.fr (på fransk). Elle. Henta 28 January 2015.
  9. ↑ Claire Courbet (19 January 2015). «Louane Emera passera l'épreuve de langue des signes au bac». lefigaro.fr (på fransk). Le Figaro. Henta 28 January 2015.
  10. ↑ «Rafraîchissante Louane». leparisien.fr (på fransk). Le Parisien. 20 January 2015. Henta 28 January 2015.
  11. ↑ «Louane will sing for France at Eurovision 2025». Eurovision (på engelsk). 30. januar 2025. Arkivert frå originalen 8 March 2025. Henta 13. mars 2025.
  12. ↑ Maguelone Bonnaud and Alain Grasset (17 December 2014). «Louane, le joyau de " The Voice "». leparisien.fr (på fransk). Le Parisien. Henta 28 January 2015.
  13. ↑ Emmanuel Marolle (18 January 2015). «" Je vole " plane sur les ventes». leparisien.fr (på fransk). Le Parisien. Henta 28 January 2015.
  14. ↑ Fabien Morin (28 January 2015). «Louane Emera : de The Voice aux César». lefigaro.fr (på fransk). Le Figaro. Henta 28 January 2015.
  15. 1 2 Morris, Anthony (20 September 2023). «When a child goes missing, the police are forced to look 'Beyond Signs'». SBS What's On. Henta 18 May 2024.
  16. ↑ «Beyond Signs». CANNESERIES (på fransk). Henta 18 May 2024.
  17. ↑ «VISIONS: Special screening at Canneseries 2022 – eric neveux». eric neveux – composer. 27 March 2022. Henta 18 May 2024.
  18. ↑ Mal:Imdb title
  19. ↑ «Louane maman pour la première fois : elle révèle le prénom de son bébé en photo». www.purepeople.com (på fransk). 8 June 2020. Henta 8. juni 2020.
Henta frå «https://nn.wikipedia.org/w/index.php?title=Louane&oldid=3646150»