Polibi

Polibi (v. 200 avC, Megalopolis - v. 120 avC) es un òme politic e istorian de la Liga Aquea. Ostatge de Roma en 167 avC, venguèc un protegit dels Scipions, çò que li permetèc de tenir un ròtle diplomatic per amaisar las relacions entre los Romans e los Aqueus. Aquò li permetèc pereu de participar a plusors viatges e expedicions militaras dins lo monde mediterraneu. Après sa liberacion en 150 avC, comencèc la redaccion de sas Istòrias, una temptativa de contar, dins un estile rigorós, l'istòria de l'espaci mediterraneu despuei la Prumiera Guerra Punica en 264 avC fins a la presa de Corint en 146 avC. Dins aqueu trabalh, ensajèc de cercar e d'identificar las rasons a l'origina de l'expansion e de la dominacion romana en destriant las causas e los pretextes. Desvolopèc donc un metòde de rechercha de documents, de confirmacion de las informacions descubertas e d'explicacions dels eveniments sensa recórrer a l'intervencion dau divin. Prepausèc egalament d'analisis dels regimes politics e detalhèc relativament ben la geografia antica.

Ligams internes

• Istòria.
• Liga Aquea.
• Roma antica.

Bibliografia

• (fr) Marie-Rose Guelfucci, « Polybe, le regard politique, la structure des Histoires et la construction du sens », Cahiers des études anciennes, t. XLVII,‎ 2010, pp. 329-357.
• (fr) Paul Pédech, La Méthode historique de Polybe, París, Les Belles Lettres, coll. « Collection d'études anciennes », 1964, 644 p.