癭

五倍子，喺鹽膚木上，裏面收埋大堆五倍子蚜。

癭，本身講頸腫出一嚿嚿，今下做借喻草木腫出一嚿嚿。

西洋用櫟癭來講。有啲似蘋菓。

有啲癭不過一笪仔

真菌感染成癭

病原感染樹皮成癭

癭內幼蟲

癭，借喻話草木表面腫咗一嚿，生得唔尋常，有啲會睇成病，一般傷害唔大，亦有啲會致死。隻字本身講人頸腫到突咗出來。要指明草木，就叫植物癭。大唐杜甫有詩話「長歌敲柳癭、小睡憑藤輪。」，反映借字好耐。

藥材有味叫五焙子，正正葉上蟲癭。蟲癭一般話昆蟲產卵，產喺幼芽嫩葉，幼蟲分泌汁液，注入草木組織內，搞到生得唔正常，從而保護幼蟲，直到化蛹成蟲。但唔一定葉，唔同昆蟲有自己鍾情部位，葉片、葉柄、枝、芽、根或花。並唔祇昆蟲會，病毒、細菌、真菌、蟎等，到其他草木都有可能。好多研究昆蟲為主，單講品種成千上萬。研究呢門就叫癭學，或者蟲癭學。

西洋按拉丁文，就參照櫟癭咁叫，英文意譯櫟木蘋菓。又或者跟希臘文叫佢噴汁。古羅馬確會用佢來做墨水材料。十六世紀嗰陣，玫瑰癭當藥，畀細路睏好啲。

無論東洋西洋，唔少癭都用來做藥。

昆蟲同宿主息息相關，幼蟲要跟宿主同期生長。好多時宿主冬後發芽，細胞快速生長時期，就會產卵成幼蟲，趁呢陣時注入化學物質，激起草木放出植物生長激素，改變草木生長形態，兼供應營養畀幼蟲。結構上營養內層為多，而防衞就外層為多。

雙方品種一夾，有生大又有生得細，有啲成兩吋大，有啲十六分之一吋大，細到葉上一笪咁。形狀亦都變化萬千，球形、筒形、囊形、子彈形、花形、鑽石形等等都有。

質地咁講，有硬有軟，有啲有鱗，有啲有毛。內部有樹脂質，有軟木質，又有革質，有啲組織密布形，有啲成蛛網。

佢有啲開口，亦有啲埋口。開口嗰啲就方便危急逃生用，埋口啲就完全保護咁。

癭九成生喺雙子葉植物啲葉上。