Pokémon

Bro orin	Japan
Anv orin	ポケットモンスター Pokettomonsutā
Anv etrebroadel	Pokémon (en) Pocket monsters
Statud	Frañchizenn
Doareoù	RPG Anime Manga C'hoari kartoù Filmoù
Diazezerien	Tajiri Satoshi Sugimori Ken
Diorroer	Game Freak (pennañ)
Perc'henn	The Pokémon Company
Embanner	Nintendo
Savennoù	Game Boy, Game Boy Color, Game Boy Advance, Nintendo DS, Nintendo 3DS, Nintendo Switch, Nintendo Switch 2, Android, iOS
Padelezh	1996 – bremañ
Internet	Pokémon Hub

Ur frañchizenn er media eo Pokémon krouet gant Satoshi Tajiri, krouer an heuliad c'hoarioù video dezhi ar memes anv embannet gant Nintendo. Hervez ar stadegoù ofisiel e vefe bet gwerzhet 143 milion a c'hoarioù Pokémon. Ar c'hoari Pokémon Ruz ha Glas en deus graet ar muiañ a verzh ; prenet ez eus bet ouzhpenn 20 milion a skouerennoù, ur rekord istorel evit ar pezh a sell ouzh gwerzh ar c'hoarioù video.

Bez' e c'hell bezañ kavet produioù pennañ Pokémon dindan stumm tresadennoù-bev, mangaoù, ha c'hoarioù kartoù. Er stirad tresadennoù-bev ez eo Sacha Ketchum an haroz hag a zo heuliet e-kerzh e veaj ma klask pakañ ar muiañ posupl a Bokémoned, ar pezh e vez adkavet er c'hoarioù video.
E bouez sevenadurel a zo bet bras-tre er broioù e-lec'h ma'z eo bet silet ; Japan, SUA, ha meur a broioù europat.

Meizad

Er bed-se n'eus ket eus al loened gwirion anavezet ; poblet eo ar blanedenn gant Pokémoned, doareoù loened hag a c'hell dislonkañ tan (evel ar charizard), pe tredan (evel Pikachu). Bez' e c'hellont bezañ mekanikel (Magnetit a zo unan anezho), pe zoken bezañ frouezhenn mab-den (evel Mewtow)... Peurviañ e treuzvevont gant mab-den difreuz, met kudennoù a sav alies.
Pep spesad Pokémon en deus e anv : hennez a c'hell bezañ implijet kement evit kaozeal eus ur Pokémon resis pe evit hollad ar spesad Pokémon. Peurviañ ne c'hell ket ur Pokémon lavarout un dra all estreget e anv (met un doare yezh e chom, komprenus etre an holl Bokémoned), memes ma zo bet eus darvoudoù spesius e-lec'h ma'z eo bet desket yezh mab-den gant ur Pokémon.

Pokémoned zo lavaret mojennek, a zo unanel en o spesad (evel-se n’eus nemet eus ur Mew er bed-se).

Pep Pokémon en deus un doareenn pe meur a hini, termeniñ a raio al lod brasañ eus o doareoù-tagañ, o c’hreñvderioù hag o gwanderioù e-keñver doarennoù all (aesoc'h e vo d'ur Pokémon plantel gouzañv tagadennoù dourel eget re an tan, da skouer).
17 doareenn disheñvel a zo, pep hini dezhi gwanderioù ha kreñvderioù a-enep unan all.

Bez' e c'hell ur Pokémon cheñch doareenn goude bezañ bet "diorroet", ma c'hell e spesad en ober. Ne c'hell ket ur Pokémon diorren muioc'h evit div wech. A-wechoù e c'hell choaz etre meur a ziorroadur disheñvel (evel Evoli).

Dresourien Pokémoned 'zo a brient o Fokémon d'ober emgannoù etrezo. Ar Pokémoned-se a vez peurvuiañ douget en ur Pocket Ball, ur seurt bolotenn hag a c'hell degemer ur Pokémon hepken (bihanaet eo neuze ar Pokémon evit mont e-barzh).
Hunvre ar muiañ niver a dresourien (ha niverus int) a zo pakañ an titl "mestr dresour" ; d'en ober e rankont dont a-benn da bakañ ur skouerenn eus an holl Bokémoned er bed... D'en ober e rankont treuziñ ar vro.

Ar c’hrogadoù Pokémoned a zo aozet etre daou zresour, ha paouez a ra pa'z eo KO an holl Bokémoned nemet unan anezho. Peurviañ n'eus Pokémon lazhet ebet, hag ar re lakaet KO a zo pareet en ospitalioù arbennika, anvet "kreizennoù Pokémon".