Isa Miranda

Isa Miranda
Vida
Nacimientu	Milán, 5 de xunetu de 1905
Nacionalidá	Italia (1946–) Reinu d'Italia (–1946)
Muerte	Roma, 8 de xunetu de 1982 (77 años)
Sepultura	Campo Verano
Causa de la muerte	enfermedá
Estudios
Llingües falaes	italianu
Oficiu
Oficiu	escritora, actriz de teatru, actriz de cine, poeta
Seudónimos	Isa Miranda
Astronauta
IMDb	nm0592109

Fotograma de la película de 1934 La signora di tutti, de Max Ophüls.

Ines Isabella Sampietro (5 de xunetu de 1905, Milán – 8 de xunetu de 1982, Roma), conocida como Isa Miranda, foi una actriz italiana.

Trayeutoria

Ines Isabella Sampietro trabayó en drames teatrales en Milán, hasta decidise a colar a una capital del cine como Roma pa empecipiar la so carrera cinematográfica, con un nuevu nome, Isa Miranda, que la fadría famosa.

El so ésitu llegó en 1934 con Max Ophüls, quien, emigráu d'Alemaña a Francia, foi convidáu a faer n'Italia un filme bien notable: La signora di tutti. Afaya asina pal cine a Isa Miranda, que xugaba'l papel de Gaby Doriot, una estrella de cine de vida amorosa complicada, y que los sos traces físiques remembraben dacuando a Marlene Dietrich. La signora di tutti ye una escura traxedia de celos y d'ambición, con grandes pasiones y escelente fotografía, na que Miranda destaca.

A partir d'entós, Isa Miranda tuvo dellos pidimientos de dir a Hollywood, y de fechu foi contratada pola Paramount Pictures. Foi conocida como la "Marlene Dietrich italiana", poles sos interpretaciones de muyeres fatales, que yá taba trazada en La Signora di tutti. Asina rodó Hotel Imperial (1939) y Adventure in Diamonds (1940).

Tornó a Italia tres la guerra. Fixo en 1949, Los murios de Malapaga, de René Clément, una producción francu-italiana

Isa Miranda tamién protagonizó unu de los episodios de Rondar (1950), coles mesmes dirixida por Max Ophüls. Pos la so carrera prosiguió en Francia, Alemaña ya Inglaterra.

Ente los sos filmes inclúyense Siamo donne (1953), Summertime (1955), Gli Sbandati (1955), La Noia (L'aburrición, 1963), The Yellow Rolls-Royce (1964), o The Shoes of the Fisherman (The Shoes of the Fisherman, 1968), onde representaba a la marquesa; y apaeció, yá mayor, en El porteru de nueche (1974) de Liliana Cavani.

Isa Miranda tuvo casada col productor y direutu italianu Alfredo Guarini hasta la so muerte en 1981; ella morrió un añu dempués, cuando acababa de cumplir los 73 años.

Filmografía selecta

• La signora di tutti (1934), de Max Ophüls
• Scipio Africanus: The Defeat of Hannibal (1937)
• Adventure in Diamonds (1940)
• Los murios de Malapaga (1949), de René Clément
• Rondar (1950), de Max Ophüls
• Le Secret d'Hélène Marimon (1954)
• Summertime (1955)
• La noia, de Damiano Damiani
• Un monde nouveau (1965)
• The Shoes of the Fisherman (1968), de Michael Anderson
• Marta (1971)
• Lo chiamaremo Andrea (1972)
• Le farò da padre (1974)

Premios

Añu	Premiu	Categoría	Trabayu	Resultáu
1949	Festival de Cannes	Meyor actriz	Demasiáu tarde	Ganadora

Bibliografía

• Max Ophüls: Spiel im Dasein. Eine Rückblende, Stuttgart, Henry Goverts, 1959 (la so autobiografía póstuma). Ed. recién francesa: Souvenirs, París, Cahiers du Cinéma / Cinémathèque française, 2002 ISBN 2-86642-326-7, con apéndiz de Truffaut y Rivette.

Enllaces esternos

• Esta obra remanez de la traducción de Isa Miranda de Wikipedia - inglés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.

• Wikimedia Commons acueye conteníu multimedia sobre Isa Miranda.
• Isa Miranda na Internet Movie Database (n'inglés)
• Isa Miranda n'AllMovie (n'inglés)
• «Isa Miranda». en Find a Grave. (n'inglés)

• Datos: Q461477
• Multimedia: Isa Miranda