Mapeed
Mapeed utawi Mepeed inggih punika silih tunggil tradisi sané wénten ring Bali. Mapeed utawi Mepeed madué artos majalan sinambi mabaris makelompok sareng krama sané lianan, tur sampun sué kalaksanayang olih leluhur krama Baliné.[1]
Tradisi puniki kalaksanayang nyabran nem sasih tur matetujon antuk ngaturang suksma majeng ring Ida Sang Hyang Widhi Wasa. Mapeed utawi Mepeed puniki kasarengin olih para anak istri sané nyuunang banten gebogan. Gebogan punika banten tradisional Bali sané madaging antuk makudang-kudang soroh buah miwah jaja tur kahiasin makudang-kudang busung sané tegehnyané sawatara siki méter, selanturnyané gebogan punika kasuun ngantos ka Pura Kahyangan Désa. Iring-iringan anak istri puniki mabaris, nganggén kebaya, makain, miwah maseléndang. Kasarengin taler olih anak lanang sané makta keris, mabaju putih, makain putih, miwah madéstar putih. Ring tradisi puniki sané nyarengin nénten anak sané sampun kelih kémanten, nanging anak sané kantun cerik taler dados nyarengin tradisi puniki.[2]
Tradisi mepeed punika sampun kalanturang saking pewarisan nyantos pewarisan miwah nénten dados kaicalang duaning nénten suci. Nilai sakral tradisi puniki magenah ring tatujon mepeed inggih punika mendak (mencari) 'tirta' utawi 'toya ning' (air suci) sane wenten ring Pura Taman Beji.[3] Toyane punika raris kanggen ring upacara 'Pujawali'.
Mepeed punika mapiteges mamargi sinarengan, punika mawinan krama sané rauh ka kota patut mamargi sareng sekaa tur nénten dados mamargi soang-soang.[4] Mepeed sané kamargiang ring désa Sukawati, nénten sakadi mepeed sané kamargiang ring désa-désa tiosan sané ketahnyané pamilet wantah kasarengin olih krama istri sané mapunduh becik ri tatkala 'nyuun' (ngambil napi-napi ring duur sirah) gebogan. Mepeed ring désa puniki taler kasarengin olih krama lanang, alit-alit, remaja, ibu PKK ngantos lingsir sané mamargi sinarengan nganggén 'payas' (busana) Bali.
- ↑ Ariani, Ni Wayan Santi. "Tradisi Mapeed di Bali: Sejarah, Keunikan, dan Makna Filosofisnya". detikbali (ring Indonesia). Kaarsipin saking versi asli tanggal 2024-10-05. Kaaksés 2025-12-02.
- ↑ "Rate limit reached". scholar.archive.org. Kaaksés 2025-09-26.
- ↑ Bali, Nusa (27 Desember 2017). "Tradisi Mepeed Sukawati Pantang di Tiadakan". Nusa Bali. Kaaksés 23 Desember 2019. Check date values in:
|access-date=, |date=(help) - ↑ Fifi, Fifi (25 Oktober 2017). "Tradisi Mapeed, Pemandangan Langka Yang Hanya Ada di Bali". Balikami. Kaarsipin saking versi asli tanggal 2019-12-29. Kaaksés 29 Desember 2019. Unknown parameter
|dead-url=ignored (help); Check date values in:|access-date=(help)
