Boezinge

Boezinge

municipality section, kêriadenn

Stad	Belgia
E tiriad	Ieper
Daveennoù douaroniel	50°53′43″N 2°51′27″E
Kod-post	8904
Roll monumantoù	Q2215262

 

 Eus Wikidata

• 
  Lec'hiadur e Ieper
• 
  Banniel
• 
  Skoed

Boezinge en izelvroeg, Boezienge e flandrezeg kornôgel, zo ur gumun a-wechall e Flandrez Belgia e rannvro Westhoek hag e proviñs Kornôg-Flandrez. Lakaet eo bet e kumun Ieper gant lezenn 1977.

Istor

XX^vet kantved

• Brezel-bed kentañ : ar c’hentañ argad alaman gant aezhennoù mougus zo bet kaset war-raok d’an 22 a viz Ebrel 1915 da 5 eur d’abardaez, a-enep da soudarded ar 87vet D.I.T. hag ar 45vet D.I. war dalbenn ar brezel Steenstrate Langemark St Juliaan. Lazhet e voe kantadoù a soudarded vreizhat eus an 73vet hag ar 74vet Rujumant Troadegiezh Tiriadel.

Douaroniezh

• Gorread : 18,24 km²
• Poblañs (1999) : 2 216 a dud
• Stankter : 121 den/km²

Melestradurezh

• 
  Ar maerdi.

Armerzh

• 
  Ti-bresañ Sas.

Dezougen

• 
  An ti-gar, serret.

Monumantoù ha traoù heverk

• Er vourc'h

• 
  Iliz katolik Sint Michiel.
• 
  Monumant ar re varv.

• E "Carrefour des Roses" (kroazhent "Molenstraat" ha "Poezelstraat")

• 
  An daol-vaen.
• 
  Plakenn-goun e galleg, brezhoneg hag izelvroeg.
• 
  Ar c'halvar.
• 
  Monumant Francis Ledwige.

Eno e voe staliet ur c'halvar (XVI^vet kantved) eus Louergad e Breizh evit enoriñ ar Vretoned marvet eno e-kerzh ar Brezel-bed kentañ hag ivez un daol-vaen eus Henant-Bihan. Emañ monumant ar barzh iwerzhonat Francis Ledwidge just e-kichen, el lec'h ma voe lazhet e dibenn miz Gouhere 1917.

Bezioù milourel ar C'hommonwealth

Bered ar gumun

Ur bez ag ar Brezel-bed kentañ ha 14 bez ag an Eil Brezel-bed zo enni.

Bro	Niver a soudarded
Rouantelezh-Unanet	15
Hollad	15

Bered ar C'hommonwealth

Artillery Wood Cemetery

Ur vered ag ar Brezel bed kentañ eo. Krouet eo bet e dibenn miz Gouere 1917. Implijet e voe evel ur vered ag an talbenn betek miz Meurzh 1918. 141 bez a voe enni pa voe sinet an arsav-brezel e miz Du 1918. Brasaet e voe da zegemeret bezioù o tont eus an tachennoù-emgann arall hag eus beredoù bihan arall.

Lazhet e voe ar barzh kembreat Hedd Wyn hag ar barzh iwerzhonat Francis Ledwidge e Boezinge d'ar 31añ a viz Gouere 1917. Douaret int bet er vered.

Ar vered. Bez ar barzh kembreat Hedd Wyn er vered. Monumant Francis Ledwige.

Bro Niver a soudarded Afrika ar Su 1 Aostralia 5 Kanada 40 Rouantelezh-Unanet 1 255 Zeland-Nevez 2 Dianav 4 Hollad 1 307

Bered ar C'hommonwealth

Bard Cottage Cemetery

Ur vered ag ar Brezel-bed kentañ eo. Krouet eo bet e miz Even 1915. Implijet e voe betek miz Here 1918. Goude arsav-brezel miz Du 1918 e voe degaset 14 bez eus ar parkeier tro-dro ha 32 vez eus ar vered Marengo Farm Cemetery, homañ o vout tost-tre e tu ar Su.

War Stone. Meur a vez.

Bro Niver a soudarded Afrika ar Su 2 Alamagn 4 Kanada 15 Rouantelezh-Unanet 1 622 Hollad 1 643

Bered ar C'hommonwealth

Dragoon Camp Cemetery

Ur vered ag ar Brezel-bed kentañ eo. Krouet eo bet d’an 9 a viz Eost 1917 gant Kembreiz an 38th (Welsh) Division. Anvet e voe Villa Gretchen Cemetery da gentañ. Ar gêr saoznek Dragoon a dalv Aerouant, an aerouant ruz o vout arouez Kembre. Implijet e voe ar vered betek miz Here 1918.

Bro Niver a soudarded Rouantelezh-Unanet 66 (10 anezhe chomet dianav) Hollad 66

Bered ar C'hommonwealth

Welsh Cemetery (Caesar’s Nose)

Ur vered ag ar Brezel-bed kentañ eo. Krouet eo bet e miz Gouere 1917 gant Kembreiz an 38th (Welsh) Division. Anvet e voe Villa Gretchen Cemetery da gentañ. Implijet e voe betek miz Du 1917.

Bro Niver a soudarded Rouantelezh-Unanet 68 Hollad 68

Bered ar C'hommonwealth

Colne Valley Cemetery

Ur vered ag ar Brezel-bed kentañ eo. Krouet eo bet e miz Gouere 1915 gant Saozon an Territorial battalions of 49th (West Riding) Division. Implijet e voe betek miz C’hwevrer 1916.

Bro Niver a soudarded Rouantelezh-Unanet 47 Hollad 47

Bered ar C'hommonwealth

Essex Farm Cemetery

Ur vered ag ar Brezel-bed kentañ eo. Krouet eo bet e miz Ebrel 1915. Implijet e voe betek miz Eost 1917.

Bro Niver a soudarded Alamagn 5 Kanada 9 Rouantelezh-Unanet 1 107 Chomet dianav penn-da-benn 83 Hollad 1 204

Bered ar C'hommonwealth

Talana Farm Cemetery

Ur vered ag ar Brezel-bed kentañ eo. Krouet eo bet e miz Ebrel 1915 gant soudarded c’hall. E miz Even 1915 e krogas ar 1st Bn. Rifle Brigade hag ar 1st Bn. Somerset Light Infantry d’ober war he zro. Implijet e voe betek miz Meurzh 1918.

Bro Niver a soudarded Rouantelezh-Unanet 529 Hollad 529

Bered ar C'hommonwealth

La Belle Alliance Cemetery

Ur vered ag ar Brezel-bed kentañ eo. Krouet eo bet e miz C’hwevrer 1916 gant an 10th hag an 11th King’s Royal Rifle Corps. Bezioù arall a voe ouzhpennet enni e mizioù Gouere hag Eost 1917. Anvet eo ar vered diwar anv un atant a zo e kichen.

Bro Niver a soudarded Rouantelezh-Unanet 60 Hollad 60

Bered ar C'hommonwealth

No Man's Cot Cemetery

Ur vered ag ar Brezel-bed kentañ eo. Krouet eo bet e miz Gouere 1917. Implijet e voe betek miz Meurzh 1918. Kalz ag ar soudarded a zo douaret enni a oa Skosiz eus ar 51st (Highland) Division.

Bro Niver a soudarded Rouantelezh-Unanet 60 Hollad 60