Wilsters

Wilsters
gewoane wilster
Taksonomy
ryk:	dieren (Animalia)
stamme:	rêchstringdieren (Chordata)
klasse:	fûgels (Aves)
boppeskift:	nije fûgels (Neoaves)
skift:	wilstereftigen (Charadriiformes)
famylje:	wilsterfûgels (Charadriidae)
skaai:	wilsters (Pluvialis)
Brehm, 1830

Wilsters (Pluvialis) foarmje in fûgelskaai yn 'e famylje wilsterfûgels (Charadriidae).

It skaai bestiet út middelgrutte waadfûgels mei koarte poaten en in koarte, stevige snaffel. Yn it briedkleed ha de soarten in opfallende swarte búk mei faak in oangrinzgjende wite bâne. De boppedielen binne bûnt mei gouden en brune plakken. Bûten de briedtiid binne se griisbrún. De slykwilster kypt der wat út: hy is grutter en foarser as de oare soarten en hat yn it briedkleed boppe gjin goudkleurige mar sulvergrize plakken.

Wilsters binne trekfûgels. Se briede op iepen lânskippen lykas tûndra's, gersfjilden en kustgebieten. Se trekke oer grutte ôfstannen nei harren oerwinteringsgebieten.

It iten bestiet meast út ynsekten, wjirms en wringeleazen.

Soarten

Der binne fjouwer soarten bekend:

Ofbyld	Fryske namme	Wittenskiplike namme	Fersprieding	Status/ Trend
	wilster	Pluvialis apricaria	Briedt yn Skandinaavje, Yslân, Grut-Brittanje, Noard-Ruslân, oerwinteret yn West-Europa en yn lannen oan 'e Middellânske See.	net bedrige, stabyl
	Sibearyske wilster	Pluvialis fulva	Briedt yn Noard-Sibearje en Alaska en oerwinteret yn Súd-Brazylje, Oerûguay en Argentynje.	net bedrige,
	Amerikaanske wilster	Pluvialis dominica	Briedt yn East-Sibearje, Alaska en Kanada, oerwinteret fan Marokko oant Iran.	net bedrige,
	slykwilster	Pluvialis squatarola	Briedt yn Arktysk Ruslân oant Alaska en Kanada, oerwinteret oan kusten fan Noard-, Súd-Amearika, Europa, Afrika, Súd-Aazje en Australaazje.	kwetsber,

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Pluvialis fan Wikimedia Commons.