Foi deseñado polo arquitecto Ernst von Ihne e rematado en 1904. Chamado orixinalmente o Kaiser-Friedrich-Museum en honor do emperador alemán Frederico III, o museo mudou o seu nome en honor do seu primeiro director, Wilhelm von Bode, en 1956.
A colección de escultura mostra a arte do Oriente cristián (con énfase no Exipto Copto), esculturas de Bizancio e Rávena, as esculturas da Idade Media, o gótico italiano, e o primeiro Renacemento. Os derradeiros traballos do Gótico alemán están representados por Tilman Riemenschneider, tamén ten obras do renacemento alemán do sur, e arte barroca prusiana ata o século XVIII. No futuro algúns traballos seleccionados da Gemäldegalerie de Berlín integraranse na colección de escultura. Isto está baseado no concepto de Wilhelm von Bode das "salas de estilo", nos cales as esculturas, as pinturas, e a artesanía dunha época vense xuntos, do mesmo xeito que xeralmente facíase nas coleccións privadas da clase media alta.
O Münzkabinett ("Gabinete Numismático") é unha das coleccións numismáticas máis grandes do mundo. O seu rango de tempos abrangue dende o principio da cuñaxe no sétimo séculoa. C. en Asia Menor ata os nosos días. Con aproximadamente 750.000 artigos a colección é un arquivo único para a investigación histórica.[1]
Mitte 
Vista nocturna
Vestíbulo da entrada
Escaleiras
O Pergamonmuseum e o Museo Bode, fotografía do ano 1951
O Museo en 1904
