Saltopus é un xénero de dinosaurobípede moi pequeno do que só se coñece unha única especieS. elginensis. Viviu durante o período Triásico tardío no que no presente é Escocia. É un dos máis famosos réptiles de Elgin.
Saltopus elginensis é coñecido por un único esqueleto parcial ao que lle falta a caveira mais que inclúe partes da columna vertebral, as extremidades anteriores, a pelve e as extremidades posteriores. Estes conserváronse principalmente como impresións ou fundicións naturais no gres e conta con moi pouco material óseo.[1] Tiña a metade de tamaño dun gato doméstico, e podería chegar a medir entre 80 e 100 cm de longo.[2] Tiña os ósos ocos coma os dos paxaros e outros dinosauros. É probable que o seu peso roldase arredor de 1 kg. A maioría da súa lonxitude está atribuída á súa longa cola. Tiña mans con cinco dedos, sendo o cuarto e o quinto máis pequenos que os outros. Ao contrario da descrición orixinal, en 2011 estabeleceuse que o sacro estaba composto de dúas vértebras, sendo esta unha condición primitiva, e non por catro.[2]
↑Huene, F.R. von (1910). "Ein primitiver Dinosaurier aus der mittleren Trias von Elgin." Geol. Pal. Abh. n. s., 8: 315-322.
12Michael J. Benton and Alick D. Walker†. 2011. "Saltopus, a dinosauriform from the Upper Triassic of Scotland", Earth and Environmental Science Transactions of the Royal Society of Edinburgh, Volume 101, Special Issue 3-4, pp 285 - 299 Royal Society of Edinburgh 2011. Published online: 17 May 2011 doi10.1017/S1755691011020081
