Orana

Ny orana dia rano milatsaka avy amin' ny rahona eny amin'ny habakabaka, vokatry ny fiandon' ny evoky ny rahona rehefa mihamangatsiaka ny andro. Ny orana no loharano voalohany ho an' ny ankabeazan' ny tany, satria manome toetra tsara ipetrahan' ny zava-misy sy ny zavamananaina (biby sy zavamaniry). Saingy miverina any an-dranomasina avokoa ny 80 isanjaton' ny orana latsaka. Ho an' ny orana tsy milatsaka eny an-dranomasina dia misy zava-mitranga atao hoe "virga" amin' ny teny anglisy, ny virga dia orana tsy milatsaka amin' ny tany fa orana lasa evoka alohan' ny fahatongavany eto an-tany. Any amin' ny tany mafana no tena misy izany fisehoana izany. Misy karazany ny orana: ny erika izay orana madinika mifafy amin' ny vanin-taona mangatsiaka (ririnina); ny orampiso izay orana kely tsy mahalena tany na tsy nanorika; ny orambaratra, orana mivatravatra amin' ny vanin-taona mafana na fotoam-pahavaratra, ny orambatravatra izay orana manila fihavy ny lohataona.

Raha mivaingana ny rano milatsaka avy eny amin' ny habakabaka dia atao hoe havandra na oram-panala.

Orana artifisialy

Misy ihany koa ny antsoina hoe orana artifisialy^[1], orana foronina amin’ny fomba siantifika, amin’ny alalan’ny teknika antsoina hoe cloud seeding (fampitomboana rahona).

Ahoana no fomba anaovana azy?

Amin’ity teknika ity dia:

Alefa amin’ny rahona ny akora manokana toy ny silver iodide na sira.
Ireo akora ireo dia manampy ny vovon-drano ao anaty rahona hiangona.
Rehefa mavesatra ireo vongan-drano dia milatsaka ho orana.

Inona no antony anaovana orana artifisialy?

Hiadiana amin’ny haintany
Hampitomboana ny rano amin’ny tohodrano
Hanampiana ny fambolena
Indraindray koa hanalefahana havandra

Ohatra amin’ny firenena tena mampiasa azy

Shina
Arabo Emiraty Mitambatra
Etazonia

Raha fintinina dia orana vokarin’olombelona amin’ny alalan’ny siansa ny orana artifisialy, fa tsy avy amin’ny fizotran’ny toetr’andro voajanahary fotsiny.

Jereo koa

Hijery « orana » any amin'ny Wikibolana.

Rohy ivelany

Miteny frantsay

Lahatsoratra momban'ny orana Archived Aogositra 30, 2009 at the Wayback Machine
http://illuminati-news.com/china-rain.htm Archived Aogositra 17, 2011 at the Wayback Machine

Mbola ambangovangony ity lahatsoratra ity ary tokony hofenoina.

Azonao atao ny mandray anjara eto amin'ny Wikipedia amin'ny alàlan'ny fanitarana azy.
Jereo koa ny pejy Ahoana ny manao takelaka rehefa te-hijery hoe ahoana no fanaovana azy.

Loharano

↑ https://www.meteomadagascar.mg/prestation/pluies-provoquees/

[1] ttps://www.meteomadagascar.mg/prestation/pluies-provoquees/

[1]