Ambassada
Ambassada libo Työndöstö on diplomuattine ezitystö toizes valdivos, kudamua johtau ambassador. Ambassada suojuau työndäjän muan da sen kanzalazien hyödyy da oigevuttu ambassadan vastusalovehen al olijis mualois libo kanzoivälizen järjestös, da sežo hoidau yhtehisty poliittistu da erilästy virallistu toimivelgua. Tavallizesti ambassada sijaiččou toizen valdivon piälinnas.
Ambassadoin ruadoloi ohjuau kanzoinväline da kanzalline lainkogomus. Piämerkičykses on Wienan konvensii diplomuattizien välilöin näh (1961 v.), da sežo kanzalline lainkogomus. Wienan konvensien mugah ezimerkikse ambassadorua da muuloi ambassadan ruadajii suojuau diplomuattine koskemattomus.
Apostoline nuntiatuuru on Pyhän Istuimen korgeiman tazon diplomuattine mission, kudai vastuau ambassadua.
