Volga

Stroomgebied van de Volga

De bôottrekkers van de Volga, schilderie deur Ilja Repin (1870-1873)

De Volga (Russisch: Волга) is e riviere in Rusland die met e lengte van 3.531 kilometer de langste riviere van Europa is.

De Volga ountspriengt in de Valdai heuvels te nôordwestn van Moskou en stroomt zuudwoarts noa de Kaspische Zêe, woar da z' een delta vormt. Ênigte van de grotste stuwmeern ter weireld zyn te viendn an de Volga. Deur kanoaln stoat de Volga in verbiendienge met de Baltische Zêe, de Witte Zêe en de Zwarte Zêe. De riviere speelt e grôte economische, culturele en historische rolle in Rusland.

• 
  Soamnvloeiienge van de Oka en de Volga in Nizjni Novgorod
• 
  De Volga by Oeljanovsk
• 
  De Volga in Samara

Belangryke steedn langst de Volga zyn:

• Tver, êen van d' êerste grôte steedn an de boovnloop van de riviere
• Rybinsk, bekend vo 't grôot Rybinsk-reservoir
• Jaroslavl, een historische stad met UNESCO weirelderfgoed
• Nizjni Novgorod, e belangryk economisch en cultureel centrum woar dat de riviere de Oka in de Volga uutmoundt
• Kazan, hoofdstad van Tatarstan en êen van de grotste steedn van de regio
• Oeljanovsk, geboortestad van Lenin
• Samara, grôte industriestad met e belangrykn hoavn
• Saratov, historisch commercecentrum in de middnloop
• Volgograd, grôte stad an de beneednloop, weireldberoemd deur de Slag van Stalingrad
• Astrachan, de latste grôte stad vo dat de riviere toekomt in de Kaspische Zêe

Ofbeeldiengn die ier by passn ku je vien in de categorie Volga van Wikimedia Commons.