日心說

日心說

日心說，又叫地動說，係認為太陽係宇宙中心、地球繞住太陽轉嘅學說，同地心說相對。呢個學說由1543年哥白尼發佈嘅《天體運行論》本書提出，顛覆嗰時世人嘅觀念，最終被證明係啱嘅。

歷史

，連1609年伽利略發明咗望遠鏡都唔例外。然而，事實上，日心說當時本身亦有唔少缺陷，哥白尼難以反駁唔少對於日心說嘅批駁意見，《天體運行論》問世後嘅大約三、四十年期間，天主教官方冇對此作出強烈嘅反應，反而係新教有唔少代表人物對哥白尼口誅筆伐，直到後嚟自由思想家布魯諾提出咗一系列與天主教教義相違悖嘅講法，導致天主教官方下令處死佢，而佢本身又支持日心說，導致支持日心說嘅勢力發展連帶受到壓制，所以與其話佢支持日心說係佢被處死係原因，倒不如話支持日心說嘅勢力因佢而被打壓。响哥白尼在世時期，日心說缺乏實際證據，令日心說比地心說受到更少支持，同宗教方面打壓一事冇乜關係，而日心說本身亦都源自哥白尼自己喺宗教方面上嘅睇法，而唔係基於科學實證。

1650年代開普勒將圓形軌道改成橢圓軌道之後，逐漸有好多人支持日心說而拋棄地心說。期間當局亦試過將日心說支持者嘅伽利略收監，連好多伽利略出版啲書都一度列為禁止出版物，直到1853年先至完全解禁。

理論體系

日心論認為，太陽係宇宙嘅中心，冚唪唥行星圍住太陽轉。後嚟嘅日心論者亦認為，地球雖然係粒行星，但佢既似陀螺噉有自轉，又似其它星體噉圍住太陽轉。