Bainita
| Altzairuak |
|---|
 |
| Faseak |
| Mikroegiturak |
| Motak |
| Burdinan oinarritutako beste material batzuk |
Bainita altzairuen osagai mikroskopikoa da, ferrita-kristalen eta burdin karburozko kristalen agregatu batez eratua. Austenitatik sortzen da altzairuak hoztean, perlitaren azaltze-tenperaturaren eta martensitaren kristaltze-tenperaturaren tarteko tenperaturan.[1]
Bainita lehen aldiz deskribatu zuten E. S. Davenportek eta Edgar Bainek (harengandik jasotzen du izena) "iraoketa-tratamendurik gabeko martensitaren antzeko itxura" zuela.[2]
Bainitak orratzak edo plakak osatzen ditu, transformazio-tenperaturaren arabera. Bainitaren xehetasun mikroestrukturalak hain dira finak, ezen mikroskopio elektronikoaren bidez bakarrik baita posible bereizmena. Matrize ferritiko batek eta zementitazko partikula luzangek osatzen dute. Orratzen inguruko fasea martensita da, non eta ez den tratamendu isotermikoa egiten austenita osoa bainita bihurtu arte.
Transformazio bainitikoa ere denboraren eta tenperaturaren araberakoa da,[3] eta transformazio isotermikoko diagrama batean irudika daiteke, perlitaren eraketan baino tenperatura txikiagoetan. 540º-727 °C artean egiten diren tratamendu isotermikoetan perlita sortzen da, eta 215-540 °C artean, trantsizio-produktua bainita da. Transformazio perlitikoak eta bainitikoak elkarren artean lehiatzen dira, eta aleazio baten zati bat baino ezin da perlita edo bainita bihurtu. Beste mikroosagai bat bihurtzea soil-soilik posible da austenita sortu arte berriro berotzea.
Hala ere, perlitan ez bezala, ferrita eta zementita ez daude aleazioaren eta transformazio-tenperaturaren araberako formetan. Mikroegitura tenperaturaren araberakoa da, eta bi morfologia bereizten dira:
- Goi-bainita:[1] perlitarenak baino tenperatura baxuagoko tarteetan eratzen da. Orratzez edo ferritazko makilez osatuta dago, eta horien artean zementita dago.
- Behe-bainita:[1] Ms martensitaren ordenako tenperaturan eratzen da (pixka bat altuagoak).
Nagusiki transformazio isotermikoetan gertatzen da (austempering), baina hozte jarraituan ere gerta daiteke, eta perlitaren eta martensitaren arteko transformazioari dagokio.
Erreferentziak
[aldatu | aldatu iturburu kodea]- 1 2 3 Euskalterm: [Metalurgia Hiztegia] [2012]
- ↑ Bhadeshia, H.K.D.H.. (2010). «A Personal Commentary on "Transformation of Austenite at Constant Subcritical Temperatures"» Metallurgical and Materials Transactions A 41 (6): 1351–1390. doi:. Bibcode: 2010MMTA...41.1351B..
- ↑ Bhadeshia, H. K. D. H.. (2005). Howe, J. M. ed. Solid Phase Transformations in Inorganic Materials. 1, 469–484 or..
