Eurasia
 |
Vos an lenga piemontèisa |
| Për amprende a dovré 'l sistema dle parlà locaj ch'a varda sì. |
.svg) L'Eurasia a l'é 'l pì grand continent o supercontinent dla Tèra, ch'a buta ansema l'Euròpa e l'Asia. A quata na surfassa d'apopré 55 milion ëd km² (36,2% dël teritòri emers) e a conta pì che 5,4 miliard d'abitant (70% dla popolassion mondial). Ël nòm "Eurasia" a ven da la combinassion dle paròle Euròpa e Asia. L'idea che coste doe region a sio 'd continent separà a l'é n'arzulta stòrica e cultural, nen geològica: an realtà a formo n'ùnica massa continental sensa na separassion natural ciàira. Ël confin antra Euròpa e Asia a l'é donch convensional e a l'é stàit definì an vàire manere ant ël cors dij sécoj. La linea pì comun-a a seguità ij Mont Uraj, ël Fium Ural, ël Mar Caspi, la Depression dël Kuma-Manyč, ël Mar Nèir e jë Stret dël Bòsfor e dij Dardanèj. An geologìa, l'Eurasia a l'é part dla Placa Euroasiàtica (gavà 'l subcontinent indian e l'Arabia). Da na mira geopolìtica, ël termo a l'ha pijà amportansa dòp la fin dl'Union Soviética. Anliure esterne[modìfica | modifiché la sorgiss]
|
