Alchecira (Valencia)

	Alchecira; Alzira; Alcira
	Municipio d'o País Valenciano
	; Casa d'a Villa d'Alchecira
Entidat; • Estau; • Comunidat; • Provincia; • Comarca	Municipio; Espanya; País Valenciano; Valencia; Ribera Alta
Partiu chudicial	Alchecira
Superficie	110,4 km²
Población; • Total	; 48 236 hab. (2025)
Altaria; • Meyana	; 14 m.
Alcalde	Alfons Domínguez
Codigo postal	46600
Chentilicio	Alzireny/a u alzirenc/a (en catalán)
Coordenadas	39° 9’ 0’’N 0°26’ 6’’U
	Alchecira Alchecira en País Valenciano
	Web oficial

Iste articlo ye sobre un municipio valenciano; ta atros usos, se veiga Alchecira.

Alchecira (en catalán Alzira; en castellano Alcira^[1]) ye un municipio valenciano situau en a provincia de Valencia. Ye en a comarca d'a Ribera Alta, estando-ne la suya capital. Tamién ye la capital d'o partiu chudicial d'Alchecira.

A localidat tien una superficie de 110,40 km², una población de 44.518 habitants en 2014 y una densidat de población de 403,24 habs/km².

Cheografía

Alchercira se troba situada a 14 metros d'altaria sobre lo livel d'a mar, y lo suyo termin municipal ye partiu en dos partes, una de 83,24 km² y l'atra de 28,22 km², mugando con os termins municipals d'Alberic, Algemesí, Antella, Benimodo, Benimuslem, Carcaixent, Guadassuar, Massalavés, Sumacàrcer y Tous (en a miesma comarca); con Corbera, Fabara y Polinyà de Xúquer (en a Ribera Baixa); y Simat de la Valldigna, Tavernes de la Valldigna y Benifairó de la Valldigna (en a comarca d'a Safor).

Por o suyo termin municipal pasa o río Xúcar, y lo termin ye prencipalment en a suya marguin dreita. O Xucar estió un río navegable dica Alchecira dica lo sieglo XVI.

Historia

En o suyo termin municipal hi han restos arqueolochicos anteriors a l'arribada d'a dominación romana, y se creye que en Alchecira yera l'antiga ciudat prerromana de Saetabicula.

Estió una ciudat important mientes a dominación islamica, periodo en que s'amuralló lo suyo casco urbán, a partir d'o nuclio fundau por os musulmans, Al-Chazirat Xuquar.

Estió conquerida o 30 d'aviento de 1242 por o rei d'Aragón Chaime I, o Conqueridor, que la repobló y li concedió bels privilechios. O rei d'Aragón Alifonso III o Franco li concedió o privilechio de mercau. Alchecira habió puesto en as Corz d'Aragón.

En os sieglos XVI y XVII, padexió la despoblación dimpués d'a expulsión d'os moriscos y a deseparación de Carcaixent, Guadassuar y Algemesí.

Felipe V d'Espanya, dimpués d'a Guerra de Succesión Espanyola, suprimió toz os suyos privilechios.

En a Guerra d'o Francés, s'estableixió en Alchecira a Chunta de Defensa d'a provincia.

En 1853 plegó lo ferrocarril ta Alchecira.

Demografía

Evolución demografica

1749	1787	1842	1857	1860	1877	1887	1897	1900
-	-	-	-	-	-	-	-	20-572

1910	1920	1930	1940	1950	1960	1970	1981	1991
22.657	20-839	21.232	24.518	24.935	26.659	32.876	47.446	40.055

1992	1994	1996	1997	1998	1999	2000	2001	2002
-	-	-	-	-	-	41.264	-	-

2003	2004	2005	2006	2007	2008	2009	2010	2011
-	-	42.543	-	43.038	-	-	-	-

2012	2013	2014	2015	2016	2017	2018	2019	2020
-	-	44.518	-	-	-	-	-	-

2021	2022	2023	2024	2025	2026	2027	2028	-
-	45.451	-	-	48.236	-	-	-	-

1749-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidaz poblacionals en l'INE.

Personaches

Ibn Khafacha (1058-1138) poeta andalusí, conoixiu con as embotadas de al-Chazirí, ("o d'Alchecira"), y ax-Xuqrí ("o d'o Xúcar").

Referencias

↑ Pancracio Celdrán: Diccionario de topónimos españoles y sus gentilicios, Espasa Calpe, S.A., Madrit, 2^nda edición, chulio de 2003, pachina 33.

Vinclos externos

Se veigan as imáchens de Commons sobre Alchecira.
Achuntamiento d'Alchezira.
Semana Santa d'Alchecira.

Municipios d'a comarca Ribera Alta

Datos: Q931780
Multimedia: Alzira / Q931780

[1] Pancracio Celdrán: Diccionario de topónimos españoles y sus gentilicios, Espasa Calpe, S.A., Madrit, 2^nda edición, chulio de 2003, pachina 33.

[1]