Caudata

Os terminos salamandra y zalamandra endrezan ta este articlo. Ta veyer o reptil checonido nocturno que s'enfila por as parez se veiga Tarentola.

Caudata
Una salamandra (Salamandra salamandra)
Denominacions populars
caudaus / caudatos, urodelos
Rechistro fósil	Dende o Churasico
Clasificación cientifica
Dominio:	Eukaryota
Reino:	Animalia
Subreino:	Eumetazoa
Filo:	Chordata
Subfilo:	Vertebrata
Superclase:	Tetrapoda
Clase:	Amphibia
Orden:	Caudata
Descripción
Caudata Scopoli, 1777
Familias
Familias de Caudata: Ambystomatidae Amphiumidae Cryptobranchidae Hynobiidae Plethodontidae Proteidae Rhyacotritonidae Salamandridae Sirenidae

Os caudaus (nombre cientifico Caudata) u urodelos (antes Urodela) son un orden d'animals a dentro d'a clase Amphibia, distribuyius en toz os continents treito d'Australia y l'Antarctida. A orden d'os caudaus comprende bellas 600 especies descritas, y se fan diferenciar d'os anuros en que guardan a coda en a forma adulta, y les falta l'oyiu meyo.

Denominacions

Per convenio s'acepta que en as luengas latinas (como l'aragonés) o termino "urodelo" se puede considerar sinonimo d'o nombre popular de salamandras, que s'emplegaría con uso chenerico, encara que en a realidat bi ha muitas especies clasificatas en Caudata que popularment tienen nombres concretos diferents, como os ditos "guardafuents".

En o "Libro d'el Trasoro" l'autor fa notar que a forma externa d'os urodelos ye pareixida a la d'os engardaixos:

Salamandra yes resenblant a la chica liserda e es de diuersas colores, e su veneno yes sobre los otros; por que los otros fieren de vna sola cosa, mas aquesta fiere de mas e de muytas ensenble. Por que si ella puya por vna pomera, ella jnvenenea todas las pomas de la pomera, e mata todas aquellas que comen; e si ella caye en vn poço, la fuerça de su veneno mata todos aquellos que ende beuen. E sabet que salamandra biue en medio del fuego ardient sin dolor e sin dapnyo de su cuerpo, e encara ella mata el fuego por su natura.

En o "Libro de Marco Polo" tamién mencionan as salamandras, pero decindo que ye una substancia d'a cual ye feito l'urodelo, y bi n'ha chacimientos en Asia Central. O parrafo ye confuso y en a versión aragonesa se refiere a Sannils u oasis de Hami, (actual Xinjiang) mientres que en a versión anglesa se refiere a Chingintalas, de localización confusa:

Et a la fin de aquesta proui(n)çia deues trasmontana ya mena de azero et daudaui Et aqui se faze la salamandra car ella se faze dela mena como el metall et fazese assi ellos cauan tanto entro aq(ue) troban la vena que es assi como lana Et apr(e)s sacan la et meten la a secar et quando es seca pican la en grandes morteros de arambre et apr(e)s la lauan et finca como lana et apres la filan et fazen ne touallas et quando son fechos so(n) vn poco brunos et meten(en) los al fuego et tornan blancos como nieue et toda ora que son suzios los meten al fuego et tornan blancos et aq(ue)sta es la salama(n)dra dela qual nenguno non de osa portar ni sacar fuera de aquellas encontradas sino el grant chan aq(ue)stas cosas vi yo todas

Se veiga tamién

• Anura.
• Guardafuents.
• Salamandra salamandra, a salamandra.

Vinclos externos

• Wikispecies tiene un articlo sobre Caudata.
• Se veigan as imáchens de Commons sobre os caudaus.

• Datos: Q53663
• Multimedia: Caudata / Q53663
• Especies: Caudata