Can Menor

Can Menor
Instancia de constelación
Epónimo can
Composto por Procyon
Características físicas
Superficie	183 °²
Códigos e identificadores Freebase /m/01wq8
Fontes e ligazóns  Descrito pola fonte Enciclopedia Soviética Armenia Grande Enciclopedia Soviética (1926 - 1947) "Q111160784 " Star Lore of All Ages (en) "Canis Minor, the Lesser Dog (en) " A field book of the stars (en) "Canis Minor (en) " Enciclopedia de Otto "Pes (souhvězdí)" Paulys Realenzyklopädie der klassischen Altertumswissenschaft "Canis 4 (Pauly-Wissowa)"
Wikidata G:Commons C:Commons

Canis Minor ou Can Menor é unha das 88 constelacións modernas. A súa figura é moi sinxela: unha liña que une dúas estrelas. Procyon a súa estrela máis brillante forma xunto con Betelgeuse (Orión) e Sirio do (Can Maior) o triángulo de inverno.

Estrelas principais

• α Canis Minoris (Procyon), oitava estrela máis brillante do firmamento, a súa distancia ó sistema solar é de aproximadamente 11 anos luz. Ten unha compañeira que é unha anana branca de magnitude 13.
• β Canis Minoris (Gomeisa), estrela branco-azulada de magnitude 2,89 cun disco de materia ó redor; é ademais unha variable Gamma Cassiopeiae.
• γ Canis Minoris, xigante laranxa de magnitude 4,33 e binaria espectroscópica.
• δ Canis Minoris, denominación compartida por tres estrelas diferentes: δ¹ CMi, δ² CMi e δ³ CMi. δ¹ Canis Minoris é unha xigante branco-amarela a 760 anos luz de distancia.
• η Canis Minoris, tamén unha xigante branco-amarela.
• U Canis Minoris, estrela variable Mira cunha magnitude que varía entre 7,3 e 11,0 nun período de 338 días.
• YZ Canis Minoris (Gliese 285), anana vermella que é á súa vez estrela fulgurante e variable BY Draconis; atópase a 19,3 anos luz da Terra.

Mitoloxía

O Can Menor.

Ó Can Menor Eratóstenes identificábao co can de Orión, catasterizado á vez que o seu amo, posto que sempre estivera en tódalas súas aventuras. Pero, ó igual que o Can Maior, tamén rexistra a variante de que pode se-la cadela Mera, que cos seus laios causados por atopa-los corpos dos seus amos Icario e Erígone, atraeu á xente para que lles deran sepultura. Outra variante é que se trataría do can de Céfalo que tratou de caza-la Raposa de Teumeso.

A estrela máis brillante desta constelación leva o nome de Procyon que significa "antes que o can" en referencia á súa aparición inmediatamente antes cá estrela can (Sirio).

Véxase tamén

Outros artigos

• Orión
• Canis Major
• Canes Venatici
• Procyon

Ligazóns externas

• The Deep Photographic Guide to the Constellations: Canis Minor (en inglés)
• Star Tales – Canis Minor (en inglés)