Yukio Hatoyama
| Yukio Hatoyama | |
|---|---|
| 鳩山 友紀夫 | |
 Yukio Hatoyama árið 2007. | |
| Forsætisráðherra Japans | |
| Í embætti 16. september 2009 – 8. júní 2010 | |
| Þjóðhöfðingi | Akihito |
| Forveri | Tarō Asō |
| Eftirmaður | Naoto Kan |
| Persónulegar upplýsingar | |
| Fæddur | 11. febrúar 1947 Bunkyō, Tókýó, Japan |
| Stjórnmálaflokkur | Lýðræðisflokkurinn (1998–2012) |
| Maki | Miyuki Hatoyama (g. 1975) |
| Foreldrar | Iichirō Hatoyama (faðir) Yasuko Hatoyama (móðir) |
| Háskóli | Háskólinn í Tókýó Stanford-háskóli |
| Starf | Stjórnmálamaður |
| Undirskrift |  |
Yukio Hatoyama (japanska: 鳩山 友紀夫; f. 11. febrúar 1947) er japanskur stjórnmálamaður sem var forsætisráðherra Japans frá 2009 til 2010.
Hatoyama er af ríkri og voldugri stjórnmálaætt. Hann er barnabarn Ichirō Hatoyama, var forsætisráðherra Japans á sjötta áratugnum og hinn afi hans stofnaði Bridgestone, stærsta dekkjaframleiðslufyrirtæki heims. Faðir Hatoyama var utanríkisráðherra Japans á áttunda áratugnum hans og bróðir hans var ráðherra í ríkisstjórn Tarō Asō.[1] Eiginkona hans, Miyuki Hatoyama, er leikkona, matreiðslubókahöfundur, fatahönnuður og sjónvarpsstjarna.[2]
Hatoyama var leiðtogi Lýðræðisflokksins, sem vann stórsigur gegn ríkisstjórn Frjálslynda lýðræðisflokksins í þingkosningum Japans árið 2009. Frjálslyndi lýðræðisflokkurinn hafði þá farið nánast óslitið með völd í Japan í hálfa öld. Í kosningabaráttunni hafði Lýðræðisflokkurinn boðað öflugra velferðarkerfi og breytta utanríkisstefnu með nánara sambandi við Asíu og auknu sjálfstæði gagnvart Bandaríkjunum.[1] Japanska þingið staðfesti kjör Hatoyama til forsætisráðherra þann 16. september 2009.[3]
Í kosningabaráttunni hafði Hatoyama lofað að beita sér fyrir því að herstöð Bandaríkjanna á Okinawa yrði lokað. Í maí 2010 tilkynnti Hatoyama hins vegar að herstöðin fengi að vera þar áfram og bað kjósendur afsökunar á því að hafa gengið á bak orða sinna.[4] Hatoyama sagði síðan af sér þann 3. júní 2010 eftir aðeins átta mánuði í embætti. Hann sagði ástæðuna vera bæði fjármögnunarhneyksli og ákvörðunina um að leyfa bandaríska hernum að halda herstöðinni og sagðist hafa brugðist trausti þjóðarinnar.[5]
Hatoyama heimsótti Krímskaga árið 2015 og fullyrti að innlimun Rússlands á Krímskaga hefði verið lögleg. Hann spáði því jafnframt ranglega að Úkraína og Atlantshafsbandalagið myndi gera kjarnorkuárás á Rússland árið 2023.[6][7]
Tilvísanir
[breyta | breyta frumkóða]- 1 2 Jóhanna María Vilhelmsdóttir (31. ágúst 2009). „Japanskur almenningur hefur krafist breytinga“. Morgunblaðið. bls. 14.
- ↑ „Forsætisráðherra sýnir föt“. mbl.is. 5. október 2009. Sótt 22. ágúst 2025.
- ↑ Atli Steinn Guðmundsson (16. september 2009). „Hatoyama tekur við völdum“. Vísir. Sótt 22. ágúst 2025.
- ↑ „Baðst afsökunar á herstöð frá BNA“. RÚV. 23. maí 2010. Sótt 22. ágúst 2025.
- ↑ „Hatoyama segir af sér embætti“. Vísir. 3. júní 2010. Sótt 22. ágúst 2025.
- ↑ „Ex-prime minister Hatoyama defends referendum in Crimea as constitutional“. The Japan Times (enska). 12. mars 2015. Sótt 16. desember 2023.
- ↑ 鳩山由紀夫氏、誤情報拡散を謝罪 ウクライナ巡り「核戦争で人類が滅びてしまいかねない」とツイートも「撤回する」
| Fyrirrennari: Tarō Asō |
|
Eftirmaður: Naoto Kan | |||
| Japanska keisaradæmið, 1868–1947 |
| ||||||
|---|---|---|---|---|---|---|---|
| Japanska ríkið, 1947– |
| ||||||
Forsætisráðherrar bráðabirgðastjórna eru skáletraðir | |||||||
Þetta æviágrip sem tengist stjórnmálum og Japan er stubbur. Þú getur hjálpað til með því að bæta við greinina.