Tazo
Ny tazo na ny fanaviana dia fiakarana vonjimaiky ny hafana vokarin' ny vatan' ny zavamananaina (biby mampinono, vorona, sns) mba hiadiany amin' ny fanafihan' ny virosy na ny bakteria. Mihoatra ny 38 °C (ao amin' ny zazakely) na ny 37,2 °C - 37,5 °C (ao amin' ny olo-dehibe) izany ao amin' ny olombelona. Amin' ny fampitomboana ny hafanana anatiny, ny vatana dia manentana ny hery fiarovana ary mamorona tontolo manohitra ny fihanaky ny mikrôba. Na dia tsara sy mahasoa aza izy io amin' ny ankapobeny, dia mitaky fanaraha-maso amim-pitandremana mba hisorohana ny tsy fahazoana aina sy hamantarana ny tena antony mahatonga azy. Tsy karazana tazo ny tazomoka sy ny tazovony fa aretina manokana.
