Nywan

Nywan ji (Gallus gallus domesticus) yet a̱basotbishyi a̱shong a̱man a̱yit kya nang á̱ cok a̱mali a̱ni, a̱wot á̱ ku tsa shyia̱ nji di̱ fam-a̱byin A̱tak-a̱tyin A̱siya hwa. Ji yet jhyiung ma̱ng jen 8,000 mdyia̱ swaak ji si sang a̱ kai koji di yong nyám mi̱ swanta hu. Nywán á̱ saai nji da̱nian nam nji hu wa ma̱ng ci, ku nang á̱ bu nsaai mba ma̱nang nkyang maat a̱ni.

Ma̱ng 2023, a̱mgba̱m shi a̱kpa nywan ku tat biliyon 26.5, a̱wot ma̱ng swak a̱ka̱man biliyon 50 nang ȧ̱́ ba̱ng a̱ni kuzang jen da̱nian yaan. Vwuon zwa ma̱nang nywang a̱shong ma̱ng si̱ mang ci beang da̱ a̱wat nam ma̱ng kyiat ci, ma̱ cacaat. Nywan nang ȧ̱́ cap di̱ mang a̱ni si̱ mi̱n kyiat tat ci 300 ma̱ng a̱lyia̱ a̱nyiung. Nywan yet tangka̱i nyám ja ji byia̱ a̱meang ma̱ng mun ndung mbeang nyia̱, a̱wot bu yet di̱ tashikum, khwi, ma̱ng tyiet a̱cyiet nkhyang a̱kai a̱ka̱vwuo ma̱didit. Bang nji din zwa tyia̱ nji yet a̱cucuk kyang a̱wot a̱ bu tyia̱ nji yet sot badundung swanta si̱ tyiet a̱cyiet nkyang zwa.

A̱gbak ma̱ng sha̱p nywán ji̱ swan ndung.