Frábær árangur og ógleymanleg upplifun hjá sunddeild Breiðabliks í Danmörku!
Alls tóku 21 efnilegir sundiðkendur Breiðabliks á aldrinum 11–14 ára þátt í Triton Open þar sem þau létu ljós sitt skína. Hópurinn náði fjölmörgum bætingum, sýndi mikinn metnað og safnaði dýrmætri reynslu.
Stemningin var frábær innan hópsins og ferðin heppnaðist í alla staði vel. Umgjörð mótsins og móttökur sundliðs Triton voru til mikillar fyrirmyndar og þökkum við þeim kærlega fyrir.
Áfram Breiðablik 💚
Aðalfundur Sunddeildar Breiðabliks fer fram þriðjudaginn 14. apríl kl. 20:00.
Fundurinn verður haldinn í veislusalnum á annarri hæð í Smáranum.
Framkvæmd og dagskrá fundarins er skv. lögum Breiðabliks og er svo hljóðandi:
Kjörgengi til stjórnar hafa skráðir félagar, 18 ára og eldri, sem greitt hafa félagsgjald og/eða æfingagjöld til Sunddeildar áður en auglýstum framboðsfresti lýkur sem er viku fyrir aðalfund.
Skráning og greiðsla félagsgjalda þarf að vera lokið að minnsta kosti 48 klst. fyrir aðalfund til þess að öðlast atkvæðarétt á aðalfundinum. Skráning fer fram hér.
Skriflegu framboði til formanns eða stjórnar skal skila til Tönju Tómasdóttur framkvæmdastjóra félagsins á netfangið [email protected], að lágmarki viku fyrir boðaðan aðalfund eða í síðasta lagi kl. 20:00 þriðjudaginn 7. apríl 2026.
Að öðru leyti vísast í lög félagsins sem finna má á heimasíðu Breiðabliks, breidablik.is.
Sundsamband Íslands hélt upp á 75 ára afmæli sambandsins þann 12. febrúar í Þróttaraheimilinu í Laugardalnum. Þar kom saman fjölbreyttur hópur samstarfsaðila og velunnara sundhreyfingarinnar í gegnum árin og var margt um manninn og mikil gleði við völd.
Í 75 ár hefur sambandið unnið markvisst að uppbyggingu sundíþróttarinnar á Íslandi og var afmælið því kærkomið tækifæri til að hittast, rifja upp sögur úr starfinu og líta björtum augum fram á veginn. Boðið var upp á fjölbreytta og skemmtilega dagskrá þar sem meðal annars fluttu Willum Þór Þórsson, forseti Íþrótta- og Ólympíusamband Íslands (ÍSÍ), og Björn Sigurðsson, formaður SSÍ, hátíðarávörp. Hátíðin var sérstaklega tileinkuð sjálfboðaliðum sem í gegnum árin hafa unnið ómetanlegt starf í þágu sundhreyfingarinnar. Heiðursviðurkenningar voru veittar þeim sem hafa af alúð og metnaði lagt sitt af mörkum og sýnt í verki hversu mikilvægur þáttur sjálfboðastarf er í íslensku íþróttalífi.
Sérstaklega viljum við ítreka stoltið innan okkar raða yfir því að Viktoría Gísladóttir, úr okkar góðu sunddeild Breiðabliks, hlaut viðurkenningu sem Íþróttaeldhugi og sjálfboðaliði afmælisársins. Slík viðurkenning er ekki aðeins persónulegur heiður heldur einnig viðurkenning á því öfluga og óeigingjarna starfi sem unnið er innan Breiðabliks.
Við óskum SSÍ hjartanlega til hamingju með 75 árin og hlökkum til áframhaldandi samstarfs og uppbyggingar sundíþróttarinnar á komandi árum.
Íþróttahátið Breiðabliks fór fram í gærkvöldi miðvikudaginn 7. janúar. Þar heiðrar Breiðablik íþróttafólkið sitt fyrir árangur ársins 2025. Sundmaður Breiðabliks árið 2025 er Snævar Örn Kristmannsson og sundkona Breiðabliks árið 2025 er Guðbjörg Helga Hilmarsdóttir.
Sundmaður Breiðabliks
Snævar Örn keppir í flokki einhverfa og er einn fremsti sundmaður í hans flokki í heiminum í flugsundi.
Helsti árangur Snævars er heimsmet sem hann sett í 50 metra flugsundi á Íslandsmeistaramótinu í sundi í 25 metra laug, á sama móti sett hann einnig 3 evrópumet í 100 flug, 200 flug og 100 fjórsundi
Hann fór einnig á Virtus leikana í Tælandi í ágúst og nældi sér í þrjú silfurverðlaun. Þar keppa sterkustu sundmenn í hans flokki í heiminum. Hann náði þessum árangir í öllum flugsundgreinunum 50, 100 og 200 metrum. Á Íslandsmeistaramótunum á árinu hefur hann náð í 2 silfur og eitt bronsverðlaun í opnum flokki.
Í heildina hefur náð að slá 30 Íslandsmet yfir árið. Það verður spennandi að sjá hvað Snævar Örn mun taka sér fyrir hendur á næsta ári.
Sundkona Breiðabliks
Guðbjörg Helga Hilmarsdóttir er mjög framarlega á sýnum aldri og hefur náð framúrskarandi árangri á árinu sem er að líða.
Helsta afrek hennar á árinu eru aldursflokkameistari í 200m skriðsundi og hlaut annað sæti í 100m skriðsundi á sama móti AMÍ (aldursflokkameistaramót Íslands). Náði einnig lámarki inn í Framtíðarhóps SSÍ á árinu og var mjög nálægt lámörkum inn á norðurlandameistaramótið.
Guðbjörg Helga hefur verið fastur liðsmaður í framtíðarhópi SSÍ. Á árinu fór hún í nokkrar ferðir með þeim, þar á meðal Taastrup open og landakeppni hjá Íslandi og Færeyjum.
Guðbjörg Helga leggur sig 100% fram á æfingum og verður áhugavert að fylgjast með henni í nánari framtíð.
Óskum við þeim innilega til hamingju með árangurinn.
Snævar Örn Kristmannsson sundmaður úr Breiðablik/ÍFR keppir undir flokki S19 í sundi sem er flokkur einhverfa. Árið hjá honum hefur hreint út sagt verið stórmagnað.
Hann var kjörinn íþróttamaður fatlaðra árið 2025 í byrjun desember fyrir framúrskarandi afrek sín á árinu. Hann hefur sett 1 heimsmet, 5 evrópumet og 33 Íslandsmet. Heimsmetið voru sett í 50m flugsundi og evrópumetin í 50m – 100m – 200m flugsund og 100m – 200m fjórsundi.
Á heimsmeistaramóti Virtus sem fram fór í Tælandi í ágústmánuði, vann hann til þrenn silfurverðlauna í öllum flugsundgreinunum.
Viljum við óska Snævari innilega til hamingju með frábæran árangurinn á árinu!
Um helgina fór fram Norðurlandameistaramót í sundi fram í Laugardalslaug og átti Breiðablik 2 keppendur um helgina, þau Freyju Birkisdóttur og Snævar Örn Kristmannsson.
Snævar Örn Kristmannsson keppti í 50m og 100m flugsundi, 200m fjórsundi og 50m skriðsundi. Hann setti nýtt evrópumet í 100m flugsundi á tímanum 59.61, metið átti hann fyrir. Einnig bætti hann sig í 200m fjórsundi.
Freyja Birkisdóttir keppti í 400m fjórsundi, 400m og 800m skriðsundi. Í 400m skriðsundi bætti hún besta tímann sinn á árinu.
Flott helgi að baki hjá okkar fólki.
Um helgina fór Íslandsmeistaramót 25 metra laug í sundi (ÍM 25) fram í Laugardalslaug. Breiðablik átti 13 keppendur á mótinu sem stungu sér 89 sinnum til leiks. Þeim gekk mjög vel um helgina og mátti sjá mörg frábær sund
Helstu afrek mótsins átti Snævar Örn Kristmannsson, en hann gerði sér lítið fyrir og sett Heimsmet í 50 m Flug í flokki S19 og auk þess sem hann setti þrjú ný Evrópumót í 100 m Flug, 200 m Flug og 100 m Fjór.
Þeir keppendur sem tryggðu sér inn í landsliðshópa um helgina eru:
Verðlaunahafar hjá Breiðabliki í opnum flokki á mótinu voru:
Verðlaunahafar hjá Breiðabliki í unglingaflokki voru:
Við erum virkilega stolt af hópnum okkar.
Sundmaðurinn Snævar Örn Kristmannsson Breiðablik/ÍFR keppti á heimsmeistaramóti VIRTUS í Tælandi. Mótið fór fram í síðustu viku, og átti hann hreint út sagt frábært mót. Hann keppir í flokki 3 hjá VIRTUS, flokkur þrjú er flokkur sundmanna með einhverfugreiningu.
Hann keppti í 50 m flugsundi, 100 m flugsundi, 200 m flugsundi og 50 m skriðsundi. Hann setti Íslandsmet í sínum flokki í öllum greinum, komst í úrslit í öllum sundum og náði sér í þrjár silfurverðlaunapeninga í 50 m, 100 m og 200 m flugsundi.
Við erum virkilega stolt af Snævari og óskum honum innilega til hamingju með árangurinn.
Til upplýsinga:
VIRTUS er Alþjóðasamband íþróttafólks með þroskahamlanir og er stofnandi Alþjóða Ólympíunefndar Fatlaðra (IPC)
Fresturinn til að sækja vinninga í vorhapprdrætti Sunddeildar Breiðabliks rennur út 30. september 2025.
Þeir sem eiga eftir að ná í vinningana sína hafið samband í netfang [email protected], við finnum tíma sem þið getið náð í vinningin ykkar.
Dregið hefur verið í vorhappdrætti Sunddeildar Breiðabliks
Við óskum öllum vinningshöfum hjartanlega til hamingju. Vinninga má vitja í: Smáranum (Dalsmári 5) fimmtudaginn 12. júní kl.13-15 og miðvikudaginn 18.júní kl.13-15
eða í Sundlaug Kópavogs miðvikudaginn 11. júní kl.17-19.
Nálgast má niðurstöðurnar hér að neðan.
Vinningur 1: 443
Vinningur 2: 854
Vinningur 3: 872
Vinningur 4: 497
Vinningur 5: 1038
Vinningur 6: 559
Vinningur 7: 798
Vinningur 8: 712
Vinningur 9: 811
Vinningur 10: 740
Vinningur 11: 694
Vinningur 12: 933
Vinningur 13: 892
Vinningur 14: 375
Vinningur 15: 973
Vinningur 16: 698
Vinningur 17: 385
Vinningur 18: 142
Vinningur 19: 490
Vinningur 20: 484
Vinningur 21: 244
Vinningur 22: 543
Vinningur 23: 967
Vinningur 24: 498
Vinningur 25: 776
Vinningur 26: 304
Vinningur 27: 123
Vinningur 28: 770
Vinningur 29: 982
Vinningur 30: 495
Vinningur 31: 865
Vinningur 32: 920
Vinningur 33: 866
Vinningur 34: 382
Vinningur 35: 1021
Vinningur 36: 974
Vinningur 37: 937
Vinningur 38: 736
Vinningur 39: 806
Vinningur 40: 154
Vinningur 41: 316
Vinningur 42: 695
Vinningur 43: 778
Vinningur 44: 153
Sunddeild Breiðabliks þakkar þátttakendum kærlega fyrir stuðninginn og biðst velvirðingar á töfum á tilkynningu á vinningshöfum í vorhappdrættinu sem urðu vegna óviðráðanlegra aðstæðna.
