Begoñaibarra

Gazteleku
	Euskal Herria
Kokapena
Herrialdea	Bizkaia
Udalerria	Bilbo
Administrazioa
Posta kodea	480XX
Geografia
Koordenatuak	43°16′08″N 2°55′37″W / 43.26889°N 2.92694°W
Azalera	0,25 km²
Demografia
Biztanleria	5.571 (2023)
Dentsitatea	22.284 bizt/km²

Begoñaibarra (Gazteleku edo Castaños ere bai) Bilboko auzo bat da, Uribarriko barrutian dagoena. Bilboko itsasadarraren ekialdean dago Zabalgunearearen parean. Auzoa XIX. mendean zehar garatzen hasi zen. Garai hartan, Bilbo Zazpikaleak ziren. Bertan bizi ziren hiriko biztanle guztiak. Dirudun jendea eta burgesiak, jende pilaketa hartatik ihes egin nahian, Begoñaibarrako lurretan etxe berriak eraiki zituzten.

Campo Volantin pasealekuan hainbat jauregi eta etxe dotore eraiki ziren, ingurua aldaparik gabeko parke eta pasealekua zelarik. Ehun urte geroago, eta Indautxun gertatu bezala, etxebizitza behar handiak eta zoruaren prezioek, jauregi horietako gehienak eraitsi egin ziren etxebizitza modernoak eraikitzeko. Gaur egun, jauregi horietatik bakarra mantentzen da, Salbeko plazaren ondoan dagoen Olabarri jauregia, Bilboko Portuaren Agintaritzaren egoitza ohia. Jauregi hori Olabarri familiaren bizitokia izan zen 1940ko hamarkadara bitarte.

Begoñako Errepublikaren mapa topografikoa (1925 eta 1785))
1785
1925
1925

Begoñaibarra
Begoñaibarra 1868an
Begoñaibarra Pikotamenditik zuhaitzen artean
Begoñaibarra Salbeko zubitik (2025)

Kaleak, etorbideak eta pasealekuak

Campo Volantin pasealekua, Salbeko zubitik aurrera Unibertsitateen etorbidea bihurtzen dena.
Castaños kalea
Orturi kalea

Eraikin nabarmenak

Funikularra
Artxandako funikularra
Campo de Volantín pasealekuaren 32. zenbakiko etxebizitzak
Olabarri jauregia
Hesperia Bilbao hotela
Salbeko zubia
Udaletxeko zubia (Begoñako zubia)
Zubizuri

Garraiobide eta Azpiegiturak

Autobusak

Linea	Ibilbidea	Maiztasuna (min)
22	Sarrikue - Atxuri	15´ (12´ 12:30etatik 15:00etara)
26	Uribarri - Termibus	14´
30	Miribilla - San Inazio	15´
72	Larraskitu - Gazteleku	12´

Beste batzuk

Bilbo eta Artxanda mendia elkartzeko Artxandako funikularra eraiki zen 1915ean. Harrezkero, hiriaren aisialdi gune nagusienetakoa izan da hori.

Horrez gain, Uribitarte (Abandoibarra) eta Begoñaibarra elkartzen dituen zubi berria eraiki da Zubizuri Santiago Calatrava arkitekto valentziarrak diseinatua.

Garbitegia

Sakontzeko, irakurri: «Modernismoa Euskal Herrian»

Ricardo Bastida arkitekto ezagunak auzo honetako udal garbitegia diseinatu zuen, 1905ean eraikitakoa. Modernismoak Bizkaian emandako adibiderik ederrenen artean dugu, bai eta estilo horretako eraikin bakarrenetarikoa izan ere. Urteak aurrera azoka moduan erabili izan zuten eta, azken zaharberritze lanen ondorioz, gaur egun liburutegia barne hartzen duen udaltegia dena.