Klemente X.a

Klemente X.a
Irudi gehiago
239. Aita santu 1670eko apirilaren 29a - 1676ko uztailaren 22a ← Klemente IX.a - Inozentzio XI.a → Roman Catholic Bishop of Camerino (en) 1627ko azaroaren 29a - 1666ko ekainaren 7a ← Giambattista Altieri (en) - Giacomo Franzoni → Elizbarrutia: Diocese of Camerino (en)
Bizitza
Jaiotzako izen-deiturak	Emilio Bonaventura Altieri
Jaiotza	Erroma, 1590eko uztailaren 13a
Herrialdea	Aita Santuen Lurraldea
Heriotza	Erroma, 1676ko uztailaren 22a (86 urte)
Hobiratze lekua	San Petri basilika Tomb of Clemens X (en)
Familia
Aita	Lorenzo Altieri
Ama	Vittoria Delfini
Ezkontidea(k)	ezkongabea
Haurrideak	ikusi Giambattista Altieri (en)
Hezkuntza
Heziketa	Erromako La Sapienza Unibertsitatea Gregoriotar Pontifize-Unibertsitatea
Hizkuntzak	latina
Jarduerak
Jarduerak	diplomazialaria, apaiz katolikoa eta apezpiku katolikoa
Parte-hartzailea 1669–70eko konklabea
Lantokia(k)	Erroma eta Aita Santuen Lurraldea
Ideologia eta sinesmenak
Erlijioa	Erromatar Eliza Katolikoa

Klemente X.a (Erroma, 1590eko uztailak 13-Erroma, 1676ko uztailak 22) Eliza Katolikoko 239. aita santua izan zen 1670 eta 1676 bitartean.

Jatorria eta prestakuntza

Bere jaiotza izena Emilio Bonaventura Altieri zen. Lorenzo Altieri eta honen emazte Victoria Delphiniren semea izan zen. Lehena, mendeetan zehar kargurik altuenak izan zituen antzinako erromatar nobleziako familia batekoa zen, Colonnatarrekin zein Orsinitarrekin noiz behinka aliantzak ere izan zituena. Bigarrena, berriz, veneziar nobleziako dama eta Gentile Delphiniren arreba zen, azken hau Camerinoko gobernari eta gotzaina.

Lehen ikasketak irakasle pribatuekin egin ondoren, La Sapienza Erromako Unibertsitatean ikasi zuen; hor, zuzenbide zibil eta kanonikoan doktoretza lortu zuen 1611n.

Eliz karrera

1623an Poloniako nuntziatura apostolikoaren auditore izendatua izan zen, eta 1624ko apirilaren 6an, Erroman, apaiz ordenatua, eta, jarraian, Vatikanoko Basilika Patriarkaleko teologia kanonigo izendatua izan zen.

Gotzaintza

1627ko azaroaren 29an Camerinoko apezpiku izendatu zuten. 1633an Loretoko gobernari izendatua izan zen, eta 1636an Romagna osokoa. 1641ean Erromako Markako gobernari izendatu zuten per modum provisionis. Urbano VIII.a aita santuak Ravenako lurraldea Po ibaiaren gainezkatzeetatik babesteko diseinatu ziren lanak eman zizkion, eta bere lanagatik sari gisan, Aita Santuen Lurralde guztien bisitari apostoliko izendatu zuen eta kardenal izendatzea ere nahi izan zuen, baina Emilio Altierik bere anaia Giambattistaren mesedetan uko egin zion.

1644an, Inozentzio X.a aita santuak nuntzio bidali zuen Napolira; kargu horretan zortzi urte eman zituen. Garai honetan bakearen berrezarpena ziurtatzen zaio Masanielloren matxinadaren egun zurrunbilotsuen ondoren. 1655eko jabe gabeko Aulki Santuan zehar, Kolegio Kardenalizioko arduraduna izan zen Lonbardia baketzeko. 1657tik 1667 arte Apezpiku eta Erregularren Kongregazioetako idazkaria izan zen, eta 1667an Inkisizioko Unibertsal eta Erromatarreko Kongregazio Goreneko kontsultari, Aita Santuen Lurraldeetako superintendente eta aita santuaren cubiculietako prefektu izendatua izan zen. Camerinoko apezpiku gisan dimititu zuen 1666an.

Kardenaltza

Jada 79 urte bete zituenean, 1669an, Klemente IX.a aita santuak kardenal izendatu zuen, baina aita santu horren bat-bateko heriotzak Klemente X.ari diakontza edo titulurik ematea eragotzi ez ezik, haren inbestitua ere ekarri zuen. Klemente IX.a aita santuak, Kolegio Sakratuko kide bihurtu zuenean "gure oinordekoa izango zara" esan ziola erregistratuta dago.

Aitasantutza

Aukeraketa

Klemente IX.aren hileta elizkizuna amaitu ondoren, 62 hautesle sartu ziren konklabean 1669ko abenduaren 20an. Izendapena onartua izateko, irabazleak botoen bi herenak jaso behar zituen, hau da, 42 boto, baina lau hilabeteren ondoren, egoera ez aurrera ez atzera zegoen: Giannicólo Conti, S. Maria in Traspontina tituluko kardenala eta Anconako apezpikua zenak 22 boto jaso zituen; Giacomo Rospigliosik, S. Sisto tituludun kardenala eta Klemente IX.aren iloba zenak 30; eta Carlo Cerrik, S. Adrianoko kardenal diakonoak, 23.

Azkenean, kardenalek oso antzinako metodoa erabiltzea adostu zuten, kardenal oso edadetu bat aukeratzea alegia, trantsizioko aita santu gisa. Altieri proposatu zuten, laurogei urteko kardenal bat, konklabea ospatu baino egun gutxi lehenago kardenal izendatua izan zen arren Elizaren zerbitzura denbora luzea zeramana. Altierik ez zuen aita santu izan nahi, baina gehiengoa lortu zuen azkenean 1670eko apirilaren 29an. Kexuak kexu (bere erresistentziaren ondorioz ohetik atera behar izan zutela esaten da), hurrengo maiatzaren 11n S. Maria in Via Latako kardenal protodiakono Francesco Maidalchinik koroatu zuen Vatikanoko Basilika Patriarkalean. Bere aurreko aita santuaren omenez hartu zuen aita santu izena, harengatik horrenbeste egin baitzuen.

Erreferentziak

Aurrekoa Klemente IX.a

Aita Santua 1670-1676

Ondorengoa Inozentzio XI.a

• Datuak: Q155956
• Multimedia: Clemens X / Q155956