Gaku Shibasaki
  | |||||||||||||||||||||||||||||||||||||||||||||||||||||||||||||||||||
| Biografía | |||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 28 de maio de 1992 (34 anos) Noheji | ||||||||||||||||||||||||||||||||||||||||||||||||||||||||||||||||||
| Altura | 175 cm | ||||||||||||||||||||||||||||||||||||||||||||||||||||||||||||||||||
| Peso | 64 kg | ||||||||||||||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||||||||||||||||||||||||||
| Período de actividade | 2011 - | ||||||||||||||||||||||||||||||||||||||||||||||||||||||||||||||||||
| Nacionalidade deportiva | Xapón | ||||||||||||||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||||||||||||||
| Posición de xogo | Centrocampista | ||||||||||||||||||||||||||||||||||||||||||||||||||||||||||||||||||
| Número deportivo | 20 | ||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||
| Participou en | |||||||||||||||||||||||||||||||||||||||||||||||||||||||||||||||||||
| 2019 | Copa América de 2019 | ||||||||||||||||||||||||||||||||||||||||||||||||||||||||||||||||||
| 2018 | Mundial de Fútbol Rusia 2018 | ||||||||||||||||||||||||||||||||||||||||||||||||||||||||||||||||||
| 2015 | Copa de Asia de 2015 |
||||||||||||||||||||||||||||||||||||||||||||||||||||||||||||||||||
| Familia | |||||||||||||||||||||||||||||||||||||||||||||||||||||||||||||||||||
| Cónxuxe | Erina Mano (2018–) | ||||||||||||||||||||||||||||||||||||||||||||||||||||||||||||||||||
   | |||||||||||||||||||||||||||||||||||||||||||||||||||||||||||||||||||
Gaku Shibasaki (柴崎 岳 Shibasaki Gaku), nado en Noheji (Aomori) o 28 de maio de 1992, é un futbolista xaponés. Xoga de centrocampista e o seu equipo actual é o Kashima Antlers da J1 League.
Traxectoria
[editar | editar a fonte]Kashima Antlers (1ª etapa)
[editar | editar a fonte]Nado en Noheji, na prefectura de Aomori, estudou no Instituto Yamada, onde comezou a destacar en campionatos xuvenís de fútbol. En xaneiro de 2010 anunciouse sería xogador do Kashima Antlers a partir da tempada 2011.[1] Debutou co seu novo club na J1 League o 29 de abril de 2011, nun partido ante o Avispa Fukuoka, da man do adestrador brasileiro Oswaldo de Oliveira, que o fixo xogar como lateral dereito.[2] Catro días despois disputou o seu primeiro encontro continental, ante o Shanghai Shenhua na Liga de Campións da AFC.[3]
Marcou o seu primeiro gol na prórroga das semifinais da Copa J.League, metendo o seu equipo na final, que finalmente acabaría conquistando ante o Urawa Red Diamonds con Shibasaki como titular.[4] Pechou a súa primeira campaña como profesional, cun total de 20 encontros e un gol. Na seguinte tempada, xa con Jorginho como adestrador, revalidou o título da copa da liga, sendo o autor dos dous goles do Kashima Antlers na final contra o Shimizu S-Pulse no Estadio Nacional.[5] Durante esta campaña xogou 45 encontros, nos que anotou catro goles, asentado no centro do campo, e recibiu o premio ao mellor xogador novo da liga.
Disputou a totalidade dos partidos do seu equipo na tempada 2013 e continuou destacando na 2014, na que foi elixido no once ideal da liga. En 2015 gañou a súa terceira Copa J.League e ao ano seguinte proclamouse por primeira vez campión de liga, superando na final ao Urawa Red Diamonds.[6] Como campión do Xapón, disputou a Copa do Mundo de Clubs, sendo titular en todos os encontros do seu equipo e contribuíndo a acadar a final. Enfrontouse entón ao Real Madrid no Estadio Internacional de Iocoama e anotou dous goles cos que o Kashima Antlers neutralizou o tanto inicial de Karim Benzema. A pesar de que a final se acabou decantando a favor do conxunto español grazas a un triplete de Cristiano Ronaldo, a actuación de Shibasaki chamou a atención do fútbol europeo e valeulle o Balón de Bronce do torneo como terceiro mellor xogador (só por detrás de Cristiano Ronaldo e Luka Modrić), así como o premio ao xogo limpo da FIFA.[7]
O primeiro día do 2017 conquistou a Copa do Emperador ante o Kawasaki Frontale, sendo este o último encontro da súa primeira etapa no Kashima Antlers.[8]
Tenerife
[editar | editar a fonte]O 31 de xaneiro de 2017 anunciouse a súa fichaxe polo Tenerife, da Segunda División. Despois dun difícil período de adaptación,[9] debutou co club canario o 19 de marzo, nun partido de liga ante o Reus, substituíndo no treito final a Aitor Sanz.[10] Nos seguintes encontros aumentou a súa participación e asentouse na titularidade a partir da xornada 36, sendo unha importante peza do equipo na súa pelexa polo ascenso á Primeira División.[11] Marcou un gol na 40ª xornada ante o Alcorcón e foi autor do tanto co que o Tenerife elminou ao Cádiz e se meteu na final da promoción de ascenso. Foi titular nos dous partidos da final ante o Getafe, pero non puido certificar o ascenso.[11]
Getafe
[editar | editar a fonte]Aínda que o Tenerife estaba interesado na súa renovación, no verán de 2017 asinou un contrato de catro anos co Getafe, que acababa de conseguir o ascenso a Primeira contra o propio Tenerife.[12] Debutou na máxima categoría contra o Athletic de Bilbao de San Mamés e marcou o seu primeiro gol nun encontro ante o FC Barcelona no Coliseum.[13] Con todo, nese partido contra o Barça sufriu unha lesión que o afastou dos terreos de xogo durante tres meses, completando a tempada cun total de 22 encontros. A súa participación reduciuse drasticamente na campaña 2018/19, na que xogou só 9 partidos entre liga e Copa do Rei.
Deportivo da Coruña
[editar | editar a fonte]O 14 de xullo de 2019 asinou por catro tempadas polo Deportivo da Coruña, da Segunda División, na busca de máis minutos.[14] Converteuse así no primeiro xogador nipón en vestir a camisola do Deportivo.[15] O traspaso foi a custo cero, acordando que o club galego só abonaría unha parte en caso de ascenso.[16] Debutou na primeira xornada, saíndo como titular ante o Oviedo en Riazor, e formou parte do once inicial na maior parte da tempada, perdendo algúns encontros por unha lesión muscular e polos dous cartóns vermellos que viu ante o Zaragoza e o Elche.
Disputou un total de 27 encontros co club galego, que completou unha das peores tempadas da súa historia, culminada co descenso á Segunda División B.
Leganés
[editar | editar a fonte]O 4 de setembro de 2020 fichou polo Leganés, co que firmou por tres tempadas, continuando así na Segunda División.[17] Durante as seguintes tres tempadas disputou 99 partidos co club madrileño, anotando cinco goles.
Kashima Antlers (2ª etapa)
[editar | editar a fonte]Ao remate do seu contrato co Leganés regresou ao Xapón e ingresou de novo no Kashima Antlers. Para a tempada 2024 recibiu o brazalete de capitán e na seguinte campaña capitaneou o equipo na conquista do título de liga, superando por un punto ao Kashiwa Reysol.[18]
Palmarés
[editar | editar a fonte]- Kashima Antlers
- J1 League (2): 2016, 2025.
- Copa J.League (2): 2011, 2012.
- Copa do Emperador (1): 2016.
- Copa Suruga Bank (2): 2012, 2013.
Notas
[editar | editar a fonte]- ↑ "柴崎岳選手の2011年加入内定について" (en xaponés). 20 de xaneiro de 2010. Arquivado dende o orixinal o 13 de abril de 2020. Consultado o 10 de abril de 2026.
- ↑ "岩政が逆転ゴール!!鹿島が今季初勝利、柴崎もデビュー飾る" (en xaponés). 29 de abril de 2011. Consultado o 10 de abril de 2026.
- ↑ "セットプレーから興梠2発!!鹿島は今夜にもグループリーグ突破決定" (en xaponés). 3 de maio de 2011. Consultado o 10 de abril de 2026.
- ↑ "新人離れのプレー」、ボランチ&SBで奮闘の柴崎「金メダルは重たかった" (en xaponés). 29 de outubro de 2011. Consultado o 10 de abril de 2026.
- ↑ "Jリーグヤマザキナビスコカップ 決勝トーナメント 決勝" (en xaponés). 3 de novembro de 2012. Arquivado dende o orixinal o 20 de agosto de 2014. Consultado o 10 de abril de 2026.
- ↑ "鹿島３連敗も収穫 昌子「手応えかなり感じている」" (en xaponés). 29 de outubro de 2016. Consultado o 10 de abril de 2026.
- ↑ "「鹿島から多くの才能が現れた」伊紙が"目を奪われた"選手として柴崎などを紹介" (en xaponés). 20 de decembro de 2016. Consultado o 10 de abril de 2026.
- ↑ "鹿島Ｖ ベテラン若手が融合…黄金時代再来の予感" (en xaponés). 1 de xaneiro de 2017. Consultado o 10 de abril de 2026.
- ↑ "El japonés Gaku Shibasaki del Tenerife no termina de adaptarse" (en castelán). 14 de febreiro de 2017. Consultado o 20 de abril de 2026.
- ↑ "Máyor da la victoria al Reus y se aleja del descenso" (en castelán). 19 de marzo de 2017. Consultado o 20 de abril de 2026.
- 1 2 Prado, Alejandro (22 de xuño de 2017). "Gaku Shibasaki golea al choque cultural". El País (en castelán). Consultado o 20 de abril de 2026.
- ↑ "El Getafe anuncia el fichaje de Gaku Shibasaki" (en castelán). 17 de xullo de 2017. Consultado o 20 de abril de 2026.
- ↑ "El golazo de volea de 'San Gaku' Shibasaki al Barça" (en castelán). 16 de setembro de 2017. Consultado o 20 de abril de 2026.
- ↑ "Gaku, na súa presentación, márcase como meta "axudar ao equipo a conseguir o ascenso"". 22 de xullo de 2019. Consultado o 20 de abril de 2026.
- ↑ "Gaku Shibasaki, novo xogador do Dépor 2019-2020". Deportivo da Coruña. 14 de xullo de 2019.
- ↑ "Oficial: Gaku Shibasaki ya es nuevo jugador del Deportivo". Diario As. 14 de xullo de 2019. (en castelán)
- ↑ "Oficial: El Leganés ficha a Gaku y lo reúne de nuevo con Martí" (en castelán). 4 de setembro de 2020. Consultado o 20 de abril de 2026.
- ↑ "J1 League Match Week 38 Recap: Kashima celebrate ninth title after victory over Yokohama F･M" (en inglés). 7 de decembro de 2025. Consultado o 20 de abril de 2026.
