Volt

Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Dësen Artikel beschäftegt sech mat der SI-Eenheet Volt. Fir aner Bedeitungen, kuckt wgl. Volt (Homonymie).

Volt ass am Internationalen Eenheetesystem (SI) d'Eenheet vum elektresche Potenzial an der elektrescher Spannung (Potenzialdifferenz). Se gouf nom italieenesche Physiker Alessandro Volta genannt. Als Eenheetssymbol gëtt de grousse Buschtaf „V“ gebraucht.

Definitioun

Zënter der Reform vum SI am Joer 2019 sinn all SI-Eenheeten esou definéiert, datt siwe physikalesch Konstante jee e feste Wäert zougewise gouf; vun deenen der dräi fir de Volt relevant sinn: d'Frequenz Δν_Cs, d'Planck-Konstant h an d'Elementarluedung e. Duerch d'Definitioun vun h an e huet d'Josephson-Konstant

$K_{\mathrm {J} }={\frac {2e}{h}}={\frac {2\cdot 1{,}602\,176\,634\cdot 10^{-19}\mathrm {C} }{6{,}626\,070\,15\cdot 10^{-34}\,\mathrm {J\;s} }}=4{,}835\,978\,484\ldots \cdot 10^{14}\,\mathrm {\frac {Hz}{V}}$

e feste Wäert. Zesumme mat der Definitioun vun der Sekonn iwwer Δν_Cs, ass de Volt deemno als eng Kombinatioun vun dëse Konstanten definéiert.

Gebräichlech dezimal Andeelungen

Prefix-Schreifweis	Dezimal
1 μV (Mikrovolt)	0,000 001 Volt
1 mV (Millivolt)	0,001 Volt
1 V (Volt)	1 Volt
1 kV (Kilovolt)	1 000 Volt
1 MV (Megavolt)	1 000 000 Volt

Um Spaweck

Commons: Volt – Biller, Videoen oder Audiodateien

• Informatiounen iwwer den Ampère op der Websäit vum Bureau International des Poids et Mesures