Desanha

Desanha; Désaignes
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
	La comuna de Desanha.
	Armas
	Armas
	Geografia fisica
Coordenadas	44° 59′ 44″ N, 4° 31′ 03″ E
Superfícia	50,72 km²
Altituds; · Maximala; · Mejana; · Minimala	; 1 170 m; 480 m; 380 m
	Geografia politica;
País	Vivarés ; Lengadòc;
Estat	França;
Region; 84	Auvèrnhe Ròse Aups;
Departament; 7	Ardecha ;
Arrondiment; 073	Tornon;
Canton; 0710	Naut Vivarés (La Mastra avant 2016);
Intercom; 200016905	CC dau País de La Mastra;
Cònsol	Marc Bard ; (2014-2020)
	Geografia umana
Populacion; Populacion totala; (2019)	1 162 ab. Evolucion de la populacion; 1 183 ab.
	Autras informacions
Gentilici	Désaignois, Désaignoises ; (en francés)
Còde postal	07570
Còde INSEE	07079

Vilatge d'Occitània

Desanha (Désaignes en francés) es una comuna occitana de Vivarés, situada dins lo departament d'Ardecha e la region d'Auvèrnhe-Ròse-Aups.

Geografia

Desanha es una de las comunas mai espandidas d'Ardecha amb 5 072 ectaras de susfàcia. Situada al còr de la ribièira de Doç, lo sieu caplòc de canton es La Mastra. La municipalitat cap dins lo Parc natural regional dels Monts d'Ardecha.

Comunas vesinas

Desanha

La Bastia
d'Andaura
(3,8 km)

Nozières
(4,3 km)

La Mastra
(5,0 km)

Sent Prech
(5,9 km)

Sant Basile
(6,0 km)

Noniera
(7,3 km)

Sant Jeure d'Andaure
(7,4 km)

Empurani
(8,0 km)

Istòria

Pendent l'Antiquitat, lo vilatge se trobava sus una pista naturala que, en seguir la ribièira de Doç, tornava montar cap al planastèl ardechés e cap al centre de França. Una pesada ligura passava a Desanha, "La Via dels Vendeires". Per çò qu'es dels Galleses, s'èran installats a Desanha dins la zòna de Prat-Lacort e de Pujòl, del long del riu Siala. Se tròban encara auèi lo dia de sòbras de terralha, quitament de fondaments d'ostals. Los Romans, dempuèi la siá arribada en Gàllia, comencèron de melhorar las pistas que fasián servir los Ligurs e los Galleses. En 52 abans J-C, Desanha venguèt vila romana: d'unis vestigis de la siá preséncia fusquèron trobats sus la comuna (tèrmes, bòrias, fonts d'aiga minerala). De nòvas descobèrtas arqueologicas, mesas al jorn en 2010, testifican del passat roman de la municipalitat de Desanha^[1].

Desanha se desenvelopèc a l'Edat Mejana. S'agissiá d'una de las mai grandas vilas de Vivarés, ja que comptava 3 000 estatjants intra-muros, per solament 1 182 auèi lo dia sus tota la municipalitat — e son que 500 dins lo vilatge. Lo vilatge patisquèc de las Guèrras de religion e amor de la Resisténcia al moment de la Segonda Guèrra mondiala. La causa del sieu declin al cors del sègle XXen es lo fait que lo trin, que èra suspausat passar per Desanha, passèc fin finala a La Mastra, qu'aprofitèc d'aquel atot per se desenvolopar economicament.